Bakinskiy Raboçiy (qəzet)
Bakinski raboçi (rusca «Бакинский рабочий) - 1906-cı ilin may ayından bəri çap olunan Azərbaycan ictimai-siyasi qəzetidir. Qəzet rus dilində çap olunur. Azərbaycan mətbuatı tarixində ən uzunömürlü qəzet sayılır. Birinci rus inqilabından sonrakı dövrdə yaranmış bu qəzet bolşeviklərin ideyalarını yayır, xalqı burjuaziyaya qarşı mübarizəyə səsləyirdi. Qəzetin ilk nömrəsinin hazırlanmasında M.İ.Batırev, V.P.Noqin, V.F.Yefimov, B.A.Radus-Zenkoviç, S.D.Vulfson, A.A.Caparizde və başqa şəxslər iştirak etmişlər. Müxtəlif vaxtlarda N.Nərimanov, S.M.Kirov, Q.K.Ordenikidze, S.M.Yafyandiyev, A.P.Serebrovski, P.A.Axundov, Q.M.Musabəyov və başqaları bu qəzetin səhifələrində çıxış etmişlər. Qəzet dəfələrlə dövlət mükafatına layiq görülmüşdür. "Bakinski raboçi" müasir dövrümüzdə də fəaliyyətini davam etdirir.
Keçid [redaktə]
"Bakinski raboçi" qəzetinin rəsmi saytı
Mənbə [redaktə]
Şahverdiyev A.B - Azərbaycan mətbuatı tarixi. "Təhsil" nəşriyyatı, 2006 - 248 səhifə.
