Baku Steel Company

Vikipediya, azad ensiklopediya
Naviqasiyaya keçin Axtarışa keçin
Baku Steel Company
Ümumi məlumatlar
Tipi QSC
Sənaye Ağır sənaye
Məhsulları Kvadrat və dairəvi polad pəstahlar, boru və armatur çeşidləri, katanka, ikitavr, dairəvi və kvadrat çubuq, şveller, müxtəlif tökmə məhsullar
Təsis tarixi 2001
Rəhbərlik
Rəhbərlik Kamal İbrahimov
bakusteel.com

"Baku Steel Company" QSC (BSC)[redaktə | mənbəni redaktə et]

Azərbaycanın metallurgiya sənayesinin inkişafında əsas rolu olan qabaqcıl poladəritmə müəssisəsidir.

Cənubi Qafqazın ən böyük və müasir metallurgiya təsisatı oan "Baku Steel Company" QSC ağır sənayenin Azərbaycanda inkişafında əsas rolu olan qabaqcıl poladəritmə və yayma xətlərinə malik şirkətdir.

Şirkətin rəsmi açılışı 2001-ci ilin iyun ayının 21-də Ümummilli Lider Heydər Əliyevin iştirakı ilə keçirilmişdir.[1] Uzun illər məhdud məsuliyyətli cəmiyyət (MMC) kimi fəaliyyət göstərən "Baku Steel Company" 2022-ci ilin əvvəlindən idarəetmə formasını dəyişərək qapalı tipli səhmdar cəmiyyətinə (QSC) çevrilmişdir. Hazırda "Baku Steel Company" QSC Azərbaycanda qeyri-neft sektorunda ən böyük vergi ödəyicilərindən biridir.[1]

İxrac siyasətini hər zaman inkişaf etdirən şirkət öz məhsullarını Rusiya, Türkiyə, Gürcüstan, Qazaxıstan, Türkmənistan, İtaliya, İspaniya da daxil olmaqla 20-dən çox ölkəyə ixrac edir.

2022-ci ilin oktyabr ayında isə “Baku Steel Company” QSC dünya metallurqlarının nüfuzlu beynəlxalq təşkilatı hesab edilən “World Steel Association”a (Dünya Polad Assosiasiyası) müntəzəm üzvlüyə qəbul olunub.

İstehsalat[redaktə | mənbəni redaktə et]

"Baku Steel Company" QSC-nin poladəritmə üzrə ümumi istehsal gücü ildə 700000 tondur.

Hazırda müəssisədə en kəsiyi 125x125 və 150x150 mm-lik, uzunluğu 3000-12000 mm olan müxtəlif markalı polad pəstahlar, diametri 10-32 mm olan Avropa standartlarına uyğun armaturlar, həmçinin, 80-160 mm ölçülü şveller,40-125 mm ölçülü künclük, 100-160 mm ölçülü ikitavr və 5,5-8 mm diametrli polad məftil (katanka) istehsal edilir.

Bundan əlavə zavodun en kəsiyi 100x100, 120x120, 130x130 və 140x140 mm ölçülü polad pəstahlar da istehsal etmək imkanı var.

[2]


Keyfiyyət və Texnologiya[redaktə | mənbəni redaktə et]

Certificate

"Baku Steel Company" QSC ISO 9001:2015 - "Keyfiyyət İdarəetmə Sistemi" beynəlxalq standartına sahibdir.

İnşaat armaturu DÜİST 34028-2016, AZS 538-2011 (DÜİST 52544-2006), ASTM A615 / A615M-20, ASTM A706 / A706M-16, EN10080:2005 standartlarına, növlü və fasonlu yaymalar olan şveller, künclük, ikitavr, katanka isə uyğun olaraq DÜİST 535-2005, DÜİST 8240-97, DÜİST 8509-93, DÜİST 8239-89 və DÜİST 30136-94, SAE 1008 ASTM A510 / A510M-20 standartlarının tələblərinə əsasən istehsal olunur.

Adi keyfiyyətli və karbonlu polad ərintiləri sifarişə əsasən DÜİST 380-2005, DÜİST 1050-88, az legirlənmiş polad ərintiləri isə DÜİST4543-71 normativ sənədlərinin tələblərinə uyğun hazırlanır.

Yeni 10.2 m radiuslu FPTM isə 130, 150, 160, 170, 190, 220, və 250 mm lik DÜİST34636-2020 və DIN 17100-80, EN 10025-1:2004 standartlarının tələblərinə uyğun dairəvi pəstahın tökülməsinə imkan verir. [3]







Layihələr[redaktə | mənbəni redaktə et]

Azərboru ASC[redaktə | mənbəni redaktə et]

Azərbaycanın qara metallurgiya sahəsindəki ilklərindən biri olan Azərbaycan Boru Yayma zavodu 1947-ci ildə Sumqayıt şəhərində yaradılıb.

Hazırda şirkət Baku Steel Company şirkətlər qrupunun tərkib hissəsinə daxildir.

Burada ən son, müasir avadanlıqlardan istifadə olunaraq Baku Steel Company-dən gətirilən dairəvi polad pəstahlardan diametri 114 mm- dən 245mm-dək olan tikişsiz, qoruyucu borular və ümumi təyinatlı borular istehsal olunur.

Xəzər boru ASC[redaktə | mənbəni redaktə et]

Əsası 4 iyun 2008-ci ildə, Qobuda qoyulan Xəzər Boru hazırda Baku Steel Company şirkətlər qrupunun tərkib hissəsinə daxildir. Burada ən son texnologiyalardan istifadə edilərək spiralvarı tikişli polietilen örtüklü, boya örtüklü, epoksid qatran örtüklü, beton örtüklü və şüşə lifli parça örtüklü borular istehsal olunur. Bu borular izolyasiyanın diametr və formasından asılı olaraq qaz paylama xətlərində, içməli və texniki su xətlərində, sənayedə, yüksək təzyiq olan xətlərdə və digər xətlərdə istifadə oluna bilər.

Baku Steel Construction ASC[redaktə | mənbəni redaktə et]

1969-cu ildən fəaliyyətə başlayan Baku Steel Construction ASC yarandığı gündən bu yana Qafqaz regionunda fasonlu tökmələr istehsal edən yeganə zavoddur. Əsasən yüksək təzyiq altında işləyən neft, maşın qayırma avadanlıqlarının və sənayenin digər sahələrində istifadə olunan texnoloji mexanizmlərin hissələrinin tökmə istehsalı üzrə ixtisaslaşıb. Həmçinin burada armatur yaymaq üçün lazım olan vallarda istehsal olunur.

Bakı Oksigen Kompani ASC[redaktə | mənbəni redaktə et]

Hazırda zavodda 2 növ məhsul istehsal olunur:

1. Oksigen (maye şəklində istehsal olunur, qaz halına da çevirmək mümkündür);

2. Azot (maye şəklində istehsal olunur, qaz halına da çevirmək mümkündür).

İstinadlar[redaktə | mənbəni redaktə et]

  1. ↑ 1 2 "Yaranma Tarixi". https://www.bakusteel.com/az/biz-kimik/yaranma-tarixi/. 2022-12-02 tarixində arxivləşdirilib. İstifadə tarixi: 2022-12-15.
  2. ↑ "İstehsalat". https://www.bakusteel.com/az/biz-kimik/. 2022-12-02 tarixində arxivləşdirilib.
  3. ↑ "Sertifikatlar". https://www.bakusteel.com/az/biz-kimik/sertifikatlar/. 2022-12-02 tarixində arxivləşdirilib. İstifadə tarixi: 2022-12-15.

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=Baku_Steel_Company&oldid=6802492"