Balakişi bəy Ərəblinski
| BALAKİŞİ BƏY ƏRƏBLİNSKİ | |
| Balakişi bəy Əli bəy oğlu Ərəblinski | |
 |
|
| Doğum tarixi: | 1828-ci il |
|---|---|
| Doğum yeri: | Tala, Zaqatala |
| Vəfatı: | 1902-ci il |
| Vəfat yeri: | Dərbənd |
Balakişi bəy Ərəblinski (1828-1902) — çar ordusunun general-leytenantı
Mündəricat |
Həyatı [redaktə]
Balakişi bəy Əli bəy oğlu 1828-ci ildə Zaqatala mahalının Tala kəndində anadan olmuşdur. Mahal naibi Əli bəyin ailəsində böyüyən Balakişi bəy Sankt-Peterburqdakı birinci dərəcəli kadet korpusunu 1848-ci ildə müvəffəqiyyətlə bitirib kornet rütbəsi almışdır[1].
Müxtəlif hissələrdə qüsursuz xidmət edən Ərəblinski çox gənc yaşarında podpolkovnik rütbəsində briqada komandiri kimi məsul vəzifəyə irəli çəkilmişdir. Sonralar diviziya komandiri olan general-leytenant Balakişi Ərəblinski əlli illik xidmətində o vaxt Rusiyada olan bütün yürüş və döyüşlərdə iştirak etmişdir.
General-leytenant B. Ərəblinski Qafqazın müsəlman əhalisindən Rusiyada ilk ali hərbi təhsil alan Azərbaycan oğlu idi. 1896-cı ildə istefaya çıxan general-leytenant Balskişi Ərəblinski Dərbəndə qayıtmış, ömrünün axırına kimi orada yaşamış, imperator tərəfindən ona hədiyyə olunan torpaq sahəsinə başçılıq etmişdir. Yerli hali arasındakı gözəl insani keyfiyyətləri ilə hədsiz hörmət qazanmış general-leytenant Balakişi Ərəblinskinin şərəfinə adlandırılan Dərbənd yaxınlığındakı kənd və stansya indi də onun adını daşıyır. O, 1902-ci ilin yanvarında vəfat etmiş və Dərbəndin qədim müsəlman qəbiristanlığında dəfn olunmuşdur.
Ailəsi [redaktə]
Hazırda general-leytenant Ərəblinskinin iki nəvəsi: Fatma xanım və Həyat Abdullayevlər Bakıda yaşayırlar.
Ərəblinskilər nəslindən bir neçə hərbçi yetişmişdir. Misal olaraq hazırda pensiyaçı olan 77 yaşlı podpolkovnik Həmzalov Ərəblinskini və onun oğlu, Rusiya dövlətində hərbi xidmətdə olan podpolkovnik Əli bəyi və hal hazirda Azərbaycan ordusunda mayor hərbi rütbəsində xidmət keçən Şərif Ərəblinskini qeyd etmək olar.
İki qızı olub: Nurcahan xanım və Sona xanım[2]. General-leytenant Ərəblinski məşhur xeyriyyəçi Hacı Zeynalabdin Tağıyevin qaynatası idi. Generalın kiçik qızı Sona xanım Hacı Zeynalabdin Tağıyevin həyat yoldaşı idi.
Mükafatları [redaktə]
General-leytenant B. Ərəblinskinin qüsursuz xidmətləri müxtəlif orden və silahlarla qiymətləndirilmişdir. Misal olaraq 1-ci dərəcəli müqəddəs Stanislav ordeni, üstü yazılı qılınc və müqəddəs Anna ordeni, "Ucalan ulduz" qızıl ordenini göstərmək olar.
İstinadlar [redaktə]
- ↑ Nəzirli Ş.Ə. Azərbaycan generalları. B.; Gənclik, 1991, 208 səh.
- ↑ Fizuli Sabiroğlu. Tarixin böyük sirri. kulis.az
