Bankə

Vikipediya, açıq ensiklopediya
Keçid et: naviqasiya, axtar
Bankə
Kür Bankə qəsəbəsi-1.jpg
Xəritə
Neftçala rayonu
Neftçala rayonu
Məlumatlar
Əhali 7523[1] (1 yanvar 2013)
Koordinatlar
İnzibati İdarə
Ölkə Azərbaycan
Rayon Neftçala rayonu


BankəAzərbaycan Respublikasının Neftçala rayonunun inzibati ərazi vahidində qəsəbə.

Tarixi[redaktə]

Neftçalanın ən məşhur qəsəbəsi qara kürüsü ilə məşhurdur. Deyilənlərə görə, vaxtilə Bankə qəsəbəsindən xüsusi olaraq qablaşdırılmış kürülər özəl hədiyyə kimi Stalin, Tetçer, Qandi kimi dünya liderlərinə yollanıb. Bankə özünəməxsus zəngin tarixi olan yaşayış məntəqəsi və balıq sənaye mərkəzidir. 1935 – ci ildən şəhər tipli qəsəbədir: I Mayak, Yenikənd, Qırmızı Şəfəq, Sübh yaşayış məntəqələri, Nord – Ost Qoltuq kəndi, II Mayak yaşayış məntəqəsi daxildir. Bankənin tarixi XIX əsrin I yarısından başlanır. XIX əsrdə qəsəbədə balıqçılığın inkişafına təkan verən amil Tatar məhəllə kəndində əsası 1842-ci ildə qoyulan Boji Promısel-in yaranması olub. Toponimi burada yerləşən banka zavodundan əmələ gəldiyini söyləyənlər yanılırlar. Çünki bankə suyun içərisində yüksək yer deməkdir. Eyni zamanda dənizin nisbətən dayaz yerlərinə də bankə deyirlər. Bu cür yerlər dənizdə gəmiçilik üçün çox təhlükəlidir. Vaxtilə qəsəbənin yerləşdiyi ərazi tamamilə su ilə əhatəli olub. Sonra dəniz tədricən geri çəkilməyə başlayıb. Su aşağıya endikcə torpaq sahə üzdə qalıb. Bankə Neftçalanın içində adaya bənzəyir.

Coğrafiyası və iqlimi[redaktə]

Bankə qəsəbəsinin iqlimi quru səhra və yarım səhra iqlimidir.Kür çayı və ona yaxın ərazilərdə geniş əkinçilik tarlaları və otlaqlar var. Xəzər dənizinə yaxın ərazilərin torpaqları şorandır.Ümumiyyətlə qəsəbə dəniz səviyyəsindən 26 və ya 28 metr aşağıdır. Burada yağış ildə 250-400 mm düşür. Qışı mülayim və çoxda soyuq olmur.

Əhalisi[redaktə]

Dövlət statistika komitəsinə göstəricilərinə əsasan 2008-ci ildə Bankə qəsəbə əhalisinin sayı 7.3 min nəfər olmuşdur.

İqtisadiyyatı[redaktə]

Bankə qəsəbəsində vaxtı ilə SSRİ dövründə fəaliyyət göstərən və o dövrün böyük kombinatlarından biri olan Bankə Balıq Kombinatı fəaliyyət göstərib. Amma çox təssuf ki, bu kombinat indi fəaliyyət göstərmir. Hazırda əhali əkinçilik,heyvandarlıq və fərdi balıqçılıqla məşğul olur.

Kür-3.jpg

Mənbə[redaktə]

İstinadlar[redaktə]

  1. 01 yanvar 2013-cü il tarixə Neftçala rayonun əhalisi haqqında məlumat