Bayramlı (Şəmkir)

Vikipediya, açıq ensiklopediya
Keçid et: naviqasiya, axtar
BAYRAMLI
Xəritə
Şəmkir rayonu
Şəmkir rayonu
Məlumatlar
Əhali 2.831 (2012)
Koordinatlar
Poçt kodu (Mərkəzi PŞ): AZ 5700
İnzibati İdarə
Ölkə Azərbaycan
Coğrafi bölgə Gəncə-Qazax
Rayon Şəmkir

BayramlıAzərbaycan Respublikasının Şəmkir rayonunun inzibati ərazi vahidində kənd.

Tarixi[redaktə]

Kəndin keçmiş adı Qıraq Bayramlıdır. Kəndi XIX əsrdə Tovuz rayonundan köçürülmüş ailələr Kür çayının qırağında saldığına görə belə adlandırmışlar. Kənd 1929-1930-cu illərdə Kürün qırağından indiki əraziyə köçmüşdür. Kollektivləşmə ilə əlaqədar 1930-cu ildə Kolxozkənd adlandırılan yaşayış məntəqəsinin əvvəlki adı 1992-ci ildən bərpa edilmişdir. Etnotoponimdir. 1917-1933-cü illərdə bu oykonimlər Bayramlılar, Bayraməlilər, Bayramlar variantlarında da qeydə alınmışdır. Türkmənistanın Marı vilayətində Bayraməli adlı şəhər var.[1]

Kənddə həmcinin XI-XII əsrlərə aid Baydar şəhər xarabalıqlari yerlesir. Bu tarixi abidələr Bayramli kəndinin qədim tarixə malik oldugunu sübut edir.

Coğrafiyası və iqlimi[redaktə]

Rayon mərkəzi ile məsafəsi 15 kilometrdir. Kənd subtropik iqlim qurşağında yerləşir. Ərazidə daha çox mülayim hava kütlələri üstünlük təşkil edir.Qışı çox sərt deyil,yayı isə istidir.Qışda orta tempratur 2°C, yayda isə 23°C-yə yaxındır.

Bayramli kəndi çox əlverişli mövqedə yerləşmişdir. Zəyəm çayının ve Kür çayının sahilində,Şəmkir rayonunun dağətəyi bölgəsində yerləşmişdir.Suvarma işlərində Zəyəmçaydan geniş istifadə edilir. Kənd və ətrafındakı tünd və adi boz-qəhvəyi və açıq şabalıdı torpaq əkinçilik üçün yararlı və əlverişlidir.

Mədəniyyəti[redaktə]

Bayramli kəndində mədəniyyət evi, kitabxana, və tibb məntəqəsi, Tofiq Cəfərov adına Bayramlı kənd orta məktəbi fəaliyyət gostərir.

Əhalisi[redaktə]

Əhalisi 2,831 nəfərdir.Kənddə yaşayan əhali azərbaycanlılardan ibarətdir.

Görkəmli şəxsləri[redaktə]

Şəhidlər[redaktə]

Vətən yolunda şəhid olmaq ilahi bir zirvəyə yüksəlməkdir. Bu zirvəni fəth etmək Allaha qovuşmaqdır. Bayramli kənd sakinləri:

  • Cəfərov Tofiq Məhərrəm oğlu
  • Xudaverdiyev Abbas Haqverdi oğlu

Qarabağ müharibəsində, Azərbaycanın azadlığı və bütövlüyü uğrunda vuruşlarda iştirak etmiş boyuk şücaət göstərmiş ve şəhidlik zirvesine yuksəlmislər.Hazırda Bayramlı kənd orta məktəbi Tofiq Cəfərovun adını daşiyır.Məktəbdə büstü ucaldilmışdır.

Böyük Vətən müharibəsi[redaktə]

Böyük Vətən müharibəsi 19411945 illərdə, İkinci Dünya müharibəsi dövründə Sovet İttifaqı xalqlarının faşist Almaniyası və onun müttəfiqlərinə qarşı aparılan müharibədə Bayramlı kənd sakinləri də böyük qəhrəmanlıq göstərmişlər. Böyük Vətən müharibəsində iştirak etmiş Bayramlı kənd sakinləri:

  • Cəfərov Məhəmmədəli Məmməd oğlu
  • Rüstəmov Aslan İsa oğlu
  • Məmmədov Nadir İmamqulu oğlu
  • Ələkbərov Ələsgər Cəfər oğlu və başqaları.

İqtisadiyyatı[redaktə]

Əhalisi əsasən kənd təsərrüfatı – heyvandarlıq, əkinçilikbağçılıqla məşğuldur. İqtisadiyyatında üzümçülükquşçuluq da mühüm yer tutur.

Buğda, arpa, qarğıdalı kimi taxıl bitkiləri,eləcə də soğan, kələm, pomidor, xiyar,badımcan, günəbaxan, kartof və s. bostan bitkiləri becərilir.

Sovet İttifaqı dövründə[redaktə]

Sovet İttifaqı dövründə Bayramlı əsasən pambiqciliq və uzumculuk üzrə ixtisaslaşmış təsərrüfata malik idi və Şəmkir rayonunda bu sahələr üzrə əsas yerileri tuturdu.

Şəkilləri[redaktə]

Mənbə[redaktə]

  1. Azərbaycan toponimlərinin ensklopedik lüğəti, II cilddə. Bakı-2007. I cild, səh.87.

Xarici keçidlər[redaktə]