Bazarçay
| Bazarçay | |
|---|---|
| Bərguşad | |
| Keçdiyi ərazilər |  Azərbaycan Ermənistan |
| Mənbəyi | Zəngəzur, Ərikli dağı |
| Mənsəbi | Araz |
| Uzunluğu | 178 km |
| Hövzəsinin sahəsi | 2711 km² |
| Mənbəyinin yüksəkliyi | 3040 m |
| Su sərfi | 19 m³/san |
Bazarçay və ya Bərguşad (Ermənistan ərazisində Vorotan adlanır) – Qafqazda çay. Ermənistandan və Azərbaycanın Qubadlı rayonundan keçir.
Uzunluğu 178 km, hövzəsinin sahəsi 2711 km²-dir. Başlanğıcını Zəngəzur silsiləsinin şimal yamacından, 3040 m yüksəklikdə yerləşən Zalxa gölündən götürür. Həkəriçaya qovuşandan sonra nisbətən düzənlik sahə ilə axaraq bir sıra qollara ayrılır. İllik axımını yeraltı (55%), qar (35% ) və yağışsuları (10%) təşkil edir. Yaz-yay aylarında qar suları çayda daşqın əmələ gətirir.
Orta illik su sərfi 19,0 kub m/san-dir. Bunun 45%-i yazda, 25%-i yayda, 18%-i payızda, 12%-i isə qışda keçir. Orta illik asılı gətirmələr sərfi 3,63 kq/san, lillənməsi isə 200 q/kub m-dir.
Suvarmada istifadə edilir.
Bərgüşadçayın mənbəyi Ərikli dağlarından başlanır. O, Urud kəndinə qədər Bazarçay adlanır. Dəli çay, Şəki çayı, Sisyançay, Taxtakörpü çayı, Daşlı dərə çayı, Bəxtiyarlı çayı, Ağa çayı adlı qolları var. Bərgüşad çayı Qaralar kəndi yaxınlığında Həkəri çayı ilə birləşib Araza tökülür.
