Berkə xan

Vikipediya, açıq ensiklopediya - ویکیپدیا ، آچیق انسایکلوپدیا

BERKƏ XAN
Tam adı	Berkə xan Cuçi xan oğlu
Doğum tarixi	1257
Ölüm tarixi	1266

Berkə xan(1257-1266) - Qızıl Orda xanı.

[redaktə / تحریر] Həyatı

Batı xanın ölümündən sonra yerinə kiçık qardaşı Berkə xan keçdi (1257). Berkə xan öz adına sikkə basdırmaq surətiylə Qaraqurumla əlaqəsi kəsərək müstəqilliyini elan etdi. Ayrıca Yenisaray şəhərini təmir edərək yeni paytaxt yaratdı.

Bu sırada Çingiz xanın digər oğulları bir-biriylə anlaşmazlığa düşmüş, Böyük xaqanlıq taxtı üçün öz aralarında savaşmağa başlamışdılar. Berkə xan bu durumu yaxşı dəyərləndirdi. Böyük xaqanlıq savaşında öncə Arık Buqayın tərəfini tutdu. Amma bu savaşdan Xubilay xan qalib çıxmışdı və bu üzdən Böyük xaqanlıqla əlaqəsi büsbütün kəsilmişdi.

[redaktə / تحریر] Tarixi

Çingiz İmperatorluğunun bölünməsindən Xarəzm bölgəsinin Çığatay xana düşdü. Bu ölkə artıq Çığatay ölkəsi və ya Çığatay ulusu deyə anılırdı. İndi burada Algu xan hökm sürürdü. Bərkə xan, Azərbaycana yürüşə çıxdığı sırada Algu xan sərhədləri Qızıl Orda sərhədlərini aşacaq qədər genişlətmişdi. Bu üzdən araları açıldı. Savaşa hazırlaşdılar. Digər yandan Elxanlı hökmdarı Hülaku xan Qafqaza girincə, onlarla savaşmaq məcburiyyətində qaldı. Bu qardaş hökmdarların ikisi də zəngin Azərbaycan torpaqlarını əllərində tutmaq istəyirdi. Bu üzdən aralarında savaş çıxdı. Berkə xan, Hülaku xanı tam məğlubiyyətə uğratdı.

Berkə xanın Elxanlılarla savaşması, onun qıpçaq ölkələrindən gəlib Misirdə dövlət quran məmlüklərlə yaxınlaşmağa səbəb oldu.

Məmlük Sultanı Baybars ilə dosluq quran Berkə xan, Bizansla da məşğul olmağa başladı. 1265-ci ildə qardaşıoğlu Nogayın başçılığında 20 min nəfərlik bir ordunu Dunayın şimalına adlatdı. Bizans ordusuna qalib gəldi və tamailə dağıtdı. Bu səfəri ilə İstanbulda əsir olan II Keykavusu da qurtararaq Kırıma götürdü.

[redaktə / تحریر] Həmçinin bax

• Qızıl Orda Dövləti