Bezoar keçisi

Vikipediya, açıq ensiklopediya - ویکیپدیا ، آچیق انسایکلوپدیا

Jump to: naviqasiya, axtar
Bezoar keçisi
Bezoar keçisi

Bezoar keçisi
Adı Bezoar keçisi
Tip Xordalılar (Chordata)
Sinif Məməlilər (Mammalia)
Dəstə Cütdırnaqlılar (Artiodactyla)
Fəsilə Boşbuynuzlular(Bovidae)
Cins Capra


Bezoar keçisi(Capra aegagrus) ,(Artiodactyla) dəstəsindən bir məməli növü.

  • Status. Nadir növdür. Sayının və arealının azalması təmayülü vardır.
  • Yayılması. Hazırda Böyük Qafqazda təsadüf edilmir. Kiçik Qafqazın şimal dağ yamaclarında - Şahdağ və Murovdağ dağlarında, Dağlıq Qarabağda, Laçın və Kəlbəcər rayonlarında yayılmışdır. Naxçıvanda Zəngəzurun bütün hündür dağlarında təsadüf edir, xüsusilə Nəsirvəz dağında. XIX əsrin ortalarında Talışda (Qız-Yurdu) qeydə alınmışdır.
  • Yaşayış yeri. 900 m-dən 3000 m-ə qədər və daha çox hündür olan dağların quru qayalıqlarında yaşayırlar. Daşlıq və qayalıq olan meşəli dağ yamaclarını daha çox xoşlayırlar.
  • Sayı. Sayı yüksək deyildir. Uzun illər qorunmasına baxmayaraq, sayının hiss olunacaq dərəcədə artması müşahidə olunmur. Kiçik Qafqaz üzrə ən aşağı sıxlığı Gəncə-Daşkəsən, Laçın-Kəlbəcər ərazilərində qeydə alınmışdır. Hazırda respublika üzrə bu heyvanların sayı keçən əsrin ortaları ilə müqayisədə daha aşağıdır.
  • Çoxalması. Keçilərin cütləşmə dövrü noyabrın əvvəlindən dekabrın axırına qədər davam edir. Cütləşmə vaxtı erkəklər arasında dalaşma başlayır. Boğazlıq dövrü 5 – 5,5 aya qədər davam edir. Aprel-may ayında 1-2, bəzən də 3 bala doğurlar.
  • Rəqibi, düşməni, xəstəliyi. Düşməni – vaşaq, canavar və bəbirdir.
  • Sayının dəyişilmə səbəbləri. İnsanlar tərəfindən heyvanların qırılması, ev heyvanı sürüləri üçün həmin yerlərdə dağ otlaqlarının genişləndirilməsi, ev heyvanları ilə qida rəqabətinin güclənməsi və ev heyvanlarının geniş yayıması ilə əlaqədardır.
  • Qorunması üçün zəruri tədbirlər. Növlərin yayıldığı bütün ərazilərdə qorunmasını gücləndirmək. Bu nadir növün saxlanılması üçün biologiyasının davamlı öyrənilməsi, mühafizə olunan ərazilərdə iqlimə uyğunlaşdırılması üzrə üsulların işlənilməsi.

[redaktə / تحریر] Növləri


[redaktə / تحریر] Xarici keçidlər

Retrieved from "http://az.wikipedia.org/wiki/Bezoar_ke%C3%A7isi"
Alətlər sandığı