Billi Co Armstronq

Vikipediya, açıq ensiklopediya
Keçid et: naviqasiya, axtar

Billi Co Armstronq (1972-ci il 17 fevral) amerikalı musiqiçi, müğənni, gitaraçı, pank-rok qrupu olan Green Day-in solisti və prodüseri. Həmçinin Pinhead Gunpowder, The Network, Foxboro Hot Tubs, Blatz, Rancid, The Lookouts, Goodbye Harry, Corrupted Morals qruplarının da gitaraçısı və solistidir.

Billi Co Armstronq 1972-ci ilin 17 fevralında Kaliforniya ştatının Rodeo şəhərində anadan olmuşdur. O, ailədə 6 uşaq arasında ən kiçiyidir. Onun atası sürücü idi, həmçinin də klublarda caz musiqini ifa edirdi. Onun anası restoranda ofisiant işləyirdi. 1980-ci ilin sentyabrında, Billinin cəmi 10 yaşı olanda atası vəfat edir. 2 il sonra anası yenidən ərə gedir. Billi isə bunu çox ağır qəbul edib, bu adama nifrət edirdi. Billinin 14 yaşı olanda o, ilk mahnısını - "Why Do You Want Him?" mahnısını yazıb, bu mahnıda onun anası və atalığı haqqında söhbət açılır. Billi 5 yaşından artıq mahnılar oxuyurdu. O, çox vaxt xəstəxanalarda xəstələr üçün mahnılar oxuyardı. Onun 11 yaşı olanda, anası ona məşhur "Blue" elektro-gitarasını hədiyyə edib ki, Billi indiyə kimi bu gitarada mahnılar ifa edir.

Billi 10 yaşında ikən Mayk Dirnt ilə məktəb kafesində tanış olmuşdu. Onlar 1 yerdə rok qrandları olan Ozzy Osbourne, Van Halen, Rolling Stones, Def Leppard kimi qruplara qulaq asırdılar. 1987-ci ildə onlar öz qruplarını yaratmaq istədilər. Bu qrupun adını "Sweet Children" qoymuşdular. Qrupun ilk təbilçisi Al Sobrnte olmuşdur. Onların ilk çıxışı "Rods Hickory Pit in Vallejo" klubunda olmuşdur. Öz 18 illiyindən 1 gün əvvəl Billi məktəbini atır və öz vaxtını ancaq qrupuna həsr edir.

1990-cı ildə o, Mankatada (Minnesota ştatında) konsertlərinin birində öz gələcək həyat yoldaşı olan Edrien Nesser ilə tanış olub və onunla 1994-cü ilin 2 iyulunda evlənib. Onların 2 uşağı var - Cozef Marçano Armstronq (28 fevral 1995) və Ceykob Deyncer Armstronq (12 sentyabr 1998). Edrien Nesserin və Billinin Adeline Records adlı şirkətləri var. Billi ailəsi ilə hazırda Berkli şəhərində (Kaliforniya) yaşayır.

2003-cü ildə Billi içkili vəziyyətdə maşının sükanı arxasında oturduğu üçün həbs olunaraq, sürücülük vəsiqəsindən məhrum edilib.

2009-cu ildə prezident seçkilərində Barak Obamanı dəstəkləyib.

Həmçinin bax[redaktə]