Binəqədi rayonu

Vikipediya, açıq ensiklopediya
Keçid et: naviqasiya, axtar
Disambig.svg Bu məqalə Binəqədi rayonu haqqındadır. Binəqədi qəsəbəsi üçün Binəqədi səhifəsinə baxın.
Binəqədi rayonu
Bineeqedi.jpg
İqtisadi rayon Binəqədi
Ərazi 169,38 km²
Əhali 249325 [1] nəfər
Telefon kodu +994 12 562 48 32
İcra başçısı İsgəndərov Xaləddin Şahmar oğlu
İnternet saytı binegedi-ih.gov.az

Binəqədi rayonuBakıda rayon. Mərkəzi Binəqədi şəhər tipli qəsəbəsidir.

Tarixi[redaktə]

Binəqədi rayonu (keçmiş Kirov rayonu) Bakı şəhər inzibati ərazisinə daxil olub, şəhər mərkəzindən 10,5 km məsafədə, Abşeron yarımadasının Şimal-qərbində yerləşir. Rayonun bundan əvvəlki adı Kirov rayonu olmuş, 29 aprel 1992-ci ildə Azərbaycan Respublikası Ali Soveti Milli Şurasının Qərarı ilə "Binəqədi rayonu" adlandırılmışdır.

Mədəniyyəti[redaktə]

N.Nemətov adına Biləcəri Dəmiryolçuların Mədəniyyət evi

Müdir - Baxşıyev Qivami Xanlar oğlu Tərtibatçı rəssam - Paşayeva Aynur Vaqif qızı İşçilərin sayı: 6 nəfər Tamaşaçı zalında oturacaq yerlərinin sayı: 450 Ünvan: Biləcəri qəs. Y.Hüseynov 70 Tel: 499-44-24 1957-cı ildə yaradılmışdır. Mədəniyyət evinin nəzdində fəaliyyət göstərən "Dəmiryolçular" xalq çalği alətləri ansamblı, "Qatar" rəqs ansamblı, Teatr studiyası, rəssamlıq emalatxanası, peşə kursları və dərnəkləri fəaliyyət göstərir.

Binəqədi Mərkəzi Mədəniyyət evi

Müdir - Abbasova Zivər Aydın qızı Bədii rəhbər - Abbasov Vahid Qasım oğlu Tamaşaçı zalında oturacaq yerlərinin sayı: 350 Ünvan: Binəqədi qəsəbəsi, Ramazanov küçəsi 4 Tel: 411-11-42 Mədəniyyət Evində aşağıdakı dərnəklər və kurslar fəaliyyət göstərir: 1. A.Qurbanov adına Xalq Teatrı. 2. "Qönçə" gənclik insrtumental ansamblı. 3. “Pöhrə” rəqs qrupu. 4. Muğam və Xalq mahnıları kursu. 5. Biçmə və tikmə dərnəyi. 6. Qarmon kursu. 7. Tar kursu. 8. Sintizator kursu. 9. Rəqs dərnəyi (oğlan və qız). 10. Rəsm dərnəyi 11. Komputer kursları.

Binəqədi qəsəbə Mədəniyyət evi

Müdir – Axundov Vahab Azər oğlu Bədii rəhbər –Musayev Rövşən Qorxmaz oğlu Ünvan: Binəqədi qəsəbəsi, Zərdabi küçəsi 1

Xocasən qəsəbə klubu

Direktor - Məhərrəmova Samirə Dadaş qızı Metodist - İskəndərov İskəndər Məzlum oğlu 1941-ci ildən fəaliyyət göstərir. Ümumi sahəsi: 144 m2 İşçilərin sayı: 4 nəfər 5 özfəaliyyət kollektivi var: 1. "Xocasən söz xəzinədarları" meyxana özfəaliyyət kollektivi; 2. Uşaq Dram dərnəyi; 3. Bədii qiraət dərnəyi; 4. "Gülənlər və güldürənlər" şən və hazırcavablar kamandası; 5. "Ulduz" inistrumental ansambl. Tamaşa zalında oturacaqlar: 150 nəfərlik Ünvan: Xocasən qəs. F.Ağazadə 21 Tel: 346-75-63

Mədəniyyət və turizm / Musiqi məktəbləri

F.Əmirov adına 6 saylı onbirillik uşaq incəsənət məktəbi Direktor - Əlıyev Nəriman Süleyman oğlu Bakı Şəhər İcra Hakimiyyətinin 12 avqust 1962-ci il, 32/1179№, Mədəniyyət Nazirliyinin 12 sentyabr 1962-ci il, 903№ əmri ilə 1962-ci ildə yaradılmışdır. 11 ixtisas üzrə 79 müəllim çalışır. Məktəbin şagird kontingenti 457 nəfərdi. Məzunlardan 114 nəfəri orta ixtisas müəssisəsinə, 79 nəfəri isə ali tədris müəssisəsinə daxil olmuşdur. Ünvan: Biləcəri qəs.Nəsimi küç. 6 Tel: 406-74-97

11 saylı Uşaq Musiqi Məktəbi

Direktor - Məmmədov Rövşən Ənvər oğlu 01 noyabr 1957-ci ildə yaradılmışdır. 12 ixtisas üzrə 109 müəllim çalışır. Məktəbin şagird kontingenti 501 nəfərdi. Ünvan: Azadlıq pr. 2A Tel: 412-25-44 Direktor - Quliyeva Gülşən Əbdül qızı 1978 -ci ildə yaranmışdır. 12 ixtisas üzrə 104 müəllim çalışır. Məktəbin şagird kontingenti 462 nəfərdi. Ünvan: 9 mk/r, M.Cəlal küçəsi 210 Tel: 560-05-40

Azərbaycan Respublikası Prezidentinin 3072 saylı 6 oktyabr 2008-ci il tarixli “Azərbaycan Respublikasında kitabxana-informasiya sahəsinin 2008-2013-cü illərdə inkişafı üzrə Dövlət Proqramı” haqqında Sərəncamının Tədbirlər Planının 2.1.5 bəndinə uyğun olaraq Bakı Şəhər Mədəniyyət və Turizm İdarəsinin tabeliyində fəaliyyət göstərən Binəqədi rayonunda yerləşən 8 kitabxana bazasında (V.Q.Korolenko adına Mərkəzi Şəhər Gənclər Kitabxanası, 8 mk/r kütləvi kitabxanası, S.Rüstəm adına kütləvi kitabxanası, Biləcəri qəsəbəsi kütləvi kitabxanası, H.Cavad adına kütləvi kitabxanası, Xocasən qəsəbəsi kütləvi kitabxanası, Binəqədi qəsəbəsi uşaq kitabxanası və Ş.Qurbanov adına Binəqədi qəsəbəsi kütləvi kitabxanası) Binəqədi Rayon Mərkəzləşdirilmiş Kitabxana Sistemi (MKS) yaradılıb.

Binəqədi Rayon Mərkəzləşdirilmiş Kitabxana Sistemi

Müdir - Biləndərli Rəna Fikrət qızı İşçilərin sayı: 18 nəfər 1920-ci ilin yanvar ayından fəaliyyət göstərir. Oxucu: 6994 nəfər Kitab fondu: 115556 Oxu zalı: 24 nəfərlik 12 nəfər üçün vəsaiti olan internet resurs mərkəzi var. Abonoment şöbəsi - rus və azərbaycan bölməsi var. Bunun tərkibində uşaq bölmələri də fəaliyyət göstərir. Ünvan: A.Gəraybəyli 71 Tel: 562-59-33

I saylı filial

Müdir - Ələkbərova Almaz Həsənağa qızı İşçilərin sayı: 9 nəfər 01 oktyabr 1972-ci ildən fəaliyyət göstərir. Oxucu: 4593 nəfər Kitabxana 4 bölmədən ibarətdir - azərbaycan abonomenti, rus abonomenti, uşaq abonomenti və 30 nəfətrlik oxu zalı Kitab fondu: 69779 Kitab verilişi: 55983 nüsxə Ünvan: N.Nərimanov ev 71B Tel: 561-29-17

II saylı filial

Müdir - Aygül Orduxanova Orduxan qızı İşçilərin sayı - 5 nəfər Oxucu: 2330 nəfər Kitab fondu: 29686 Ünvan: Binəqədi qəs. Mərkəzi küçə K.Ramazanov 4

III saylı filial

Müdir - Mirzəyeva Aminə Yusif qızı İşçilərin sayı - 4 nəfər 1958-ci ildən fəaliyyət göstərir. Oxucu: 957 nəfər Kitab fondu: 17843 Kitab verilişi - 16412 Ünvan: Biləcəri qəs. M.Aslanov küç. 284 saylı orta məktəb

IV saylı filial

Müdir - Seyidov Yusif Yunus oğlu İşçilərin sayı - 9 nəfər 1982-ci ildən fəaliyyət göstərir. Oxucu: 3015 nəfər Kitab fondu: 40763 Kitab verilişi - 36370 Gələnlərin sayı- 56400 Ünvan: Biləcəri qəs. Q.Süleymanov 9a

V saylı filial

Müdir - Həsənova Könül Xanəhməd İşçilərin sayı - 3 nəfər 40 ildən yuxarı fəaliyyət göstərir. Oxucu: 775 nəfər Kitab fondu: 16613 Ünvan: Xocasən qəs. F.Ağazadə 20

VI saylı filial

Müdir - Hüseynli Mərziyə Bəhlul qızı İşçilərin sayı - 4 nəfər Oxucu: 2398 nəfər Kitab fondu: 26800 Ünvan: Binəqədi qəs. II mədən korpus 64/224

VII saylı filial

Müdir - Qiyami Sevinc Murtuza qızı İşçilərin sayı - 4 nəfər 1970-ci ildən fəaliyyət göstərir. Kitabxananın sahəsi - 100 m2 Oxucu: 1207 nəfər Kitab fondu: 19014 kitab Ünvan: M.Ə.Rəsulzadə qəs. M.Davudoğlu 52 Tel: 568-85-15


Kənd Təsərrüfatı muzeyi

Direktor - Qurbanov Natiq Cəlal oğlu Ünvan: Bakı, Dərnəgül şosesi, 30/97 Eksponatların sayı: 5211 (əsas fond), 2267 (əlavə fond) Tel: (99412) 561-49-17

1923-cü ildə yaradılmışdır. Yarandığı gündən muzeyin ekspozisiyası və fondu ardıcıl olaraq təzələnir və respublika kənd təsərrüfatının müasir vəziyyətini, tarixi inkişafını əks etdirən yeni-yeni materiallarla, eksponatlarla zənginləşir. Muzeydə Azərbaycanın kənd təsərrüfatının demək olar ki, bütün sahələri öz əksini tapmışdır. Hazırda ekspozisiya 500 m2 sahəni əhatə edir. Muzey zəngin fonda və müasir standartlara uyğun tərtib olunmuş gözəl ekspozisiyaya malikdir. Muzeyin yerləşdiyi bina təmir olunmuş və ekspozisiya zalları dünya standartlarına uyğun səviyyədə ən müasir maketləşdirilmiş formada tərtib olunmuşdur. 200 m2-lik inzibati və iş otaqları tam təmir edilmişdir. Muzeydə 5640 foto neqativ, 260 məişət və etnoqrafiya, 37 rəsm əsəri, 35 tətbiqi incəsənət nümunələri və s. vardır. Muzeyin 6 böyük ekspozisiyasında tez-tez sərgilər təşkil olunur.

Binəqədi IV dövr Fauna və Flora Təbiət Abidəsi

Binəqədi faunası – Abşeron yarımadasının mərkəzində, Binəqədi kəndindən 1 km cənub-şərqdə bitum yataqlarında 1938-ci ildə Azərbaycan geoloqu Ə.S.Mustafazadə tərəfindən qazıntılar zamanı aşkar edilmişdir. Binəqədi tapıntıları Abşeron yarımadasının Pleystosen faunası, hətta florası haqqında da aydın təsəvvür yaradır. Bitki növlərinin zənginliyi və su ilə əlaqədar olan həşəratların çoxluğu burada şirin su olmasına sübutdur. O vaxt Binəqədi yaxınlığındakı şirin su mənbələrindən biri heyvanların suvatı olmuşdur. Sonralar neftli laylarda gedən dəyişikliklər nəticəsində neft yerin üzərinə çıxmış və şirin su gölünə də axmışdır. Yüngül fraksiyalar buxarlandıqdan sonra gölün dibində, sahilində qalmış qatı neft təbəqəsi tələyə çevrilmiş və buraya su içməyə gələn kərgədan, ibtidai öküz, nəhəng maral kimi güclü heyvanlar belə batıb qalmışlar.Binəqədi faunası heyvan qalıqlarının çoxluğuna və növlərinin müxtəlifliyinə görə Kaliforniyadakı Ranco-Lya-Brea asfaltlarında aşkar edilmiş Dördüncü dövr faunasından zəngindir. Binəqədi faunası nəinki Cənubi Qafqaz faunasının tarixi, hətta bütün Qafqazın, Ön Asiyanın və MDB-nin Avropa hissəsinin paleofaunasına aid mürəkkəb problemlərin həlli üçün böyük əhəmiyyətə malikdir. Yazıçı V.V.Boqoveçin müəllifi olduğu “Карищина первобытной природы Абщерона” adlı kitabda rayona dair məlumatlar öz əksini tapmışdır.

Bakı Elektrik Şəbəkə Yarımstansiya muzeyi

2009-cu ildə yaranıb. Direktor – Ramazanova Pərisoltan Nurməhəmməd qızı İşçilərinin sayı – 2 nəfər Ünvan: Binəqədi şossesi, Binəqədineft II mədən Tel: 480-25-69

Heydər Əliyev parkı

2001-ci ildə istifadəyə verilmişdir. Azadlıq prospekti 179 ünvanında yerləşir.

Z.Əliyeva adina park

2000-ci ildə istifadəyə verilmişdir. Cavadxan küçəsi 3 ünvanda yerləşir.

R.Aboyev adına mədəniyyət və istirahət parkı

İşçisi: 8 nəfər 1961-ci ildə yaradılıb. Sahəsi: 6 hektardı Direktor -Namazov İsgəndər Məmməd oğlu Ünvan: M.Ə.Rəsulzadə qəsəbəsi İ.Hidayətzadə küçəsi 16 Tel: 412-43-02

Biləcəri istirahət parkı

İşçisi: 7 nəfər 1957- ci ildə yaradılıb. Sahəsi: 5 hektardı Direktor - Baxşəliyev Vaqif Cabbar oğlu Ünvan: Biləcəri qəsəbəsi, Y.Hüseynov 70

Ayna Sultanova parkı

1980-cı ildə yaranıb Atatürk pr. ilə Z.Bünyadov küçəsinin kəsişməsi

Azərbaycan Respublikasının Milli Qəhrəmanı Fərhad Hümbətov adına park

2000-ci ildə yaranıb Azadlıq pr. ilə Qəmbərov küçəsinin kəsişməsi

Dendroloji park

Coğrafiyası və iqlimi[redaktə]

Binəqədi rayonu (keçmiş Kirov rayonu) Bakı şəhər inzibati ərazisinə daxil olub, şəhər mərkəzindən 10,5 km məsafədə, Abşeron yarmadasının Şimal-qərbində yerləşir. Rayonun bundan əvvəlki adı Kirov rayonu olmuş, 29 aprel 1992-ci ildə Azərbaycan Respublikası Ali Soveti Milli Şurasının Qərarı ilə "Binəqədi rayonu" adlandırılmışdır. Ərazisi 169,38 kv.km, inzibati mərkəzi M.Ə.Rəsulzadə qəsəbəsidir.

Rayonun inzibati ərazisində 4 mikrorayon (6, 7, 8 və 9 mikrorayonlar) və 6 qəsəbə - Rəsulzadə, Biləcəri, Binəqədi, Xocəsən, Sulu-təpə və 28 May qəsəbələri mövcuddur.

Əhalisi[redaktə]

01.07.2012-ci il tarixə əhalinin sayı- 249325 nəfər əhalinin sıxlığı- 1 km²-ə 1467 nəfər

İqtisadiyyatı[redaktə]

Rayon ərazisində 95 sənaye müəssisəsi fəaliyyət göstərir ki, bunlardan 5-i mədənçıxarma, 85-i emal, 2-si elektrik enerjisi, qaz və buxarlanma, 3-ü isə su təchizatı və tullantıların təmizlənməsi müəssisələridir. Rayonda fəaliyyət göstərən əsas iri sənaye müəssisələrindən neft və qaz çıxarma təyinatlı "Binəqədi Oil Company" Neft Şirkətini, ayaqqabı istehsalı üzrə ixtisaslaşmış "Bot" MMC-ni, əsasən maşınqayırma üzrə ixtisaslaşmış "B.Sərdarov adına Maşınqayırma zavodu"nu, müxtəlif təyinatlı dəmir və polad məhsullarının istehsalı üzrə ixtisaslaşmış "Bakı Poladtökmə"ATSC-ni, müxtəlif növ boyalar istehsal edən "FAB Boya" və "Bilfa Boya" şirkətlərini misal göstərmək olar. Bunlardan əlavə, rayon ərazisində spirtsiz və sərinləşdirici içkilər istehsal edən "Koka-kola Bottlers LTD", "Golden Uoter", "Mars Overseas" kimi iri şirkətlər də fəaliyyət göstərir ki, onların istehsal etdikləri məhsullar bütün respublika ərazisində satılır. Eyni zamanda, rayonda "Akva Park" istirahət və əyləncə kompleksi də fəaliyyət göstərir. Bundan əlavə, paytaxtın möhtəşəm şadlıq saraylarından sayılan "Monte Kristo", "Lido", "Min Bir Gecə" şadlıq sarayları, "Elit" ticarət və istirahət mərkəzi, "Oazis" istirahət mərkəzi rayon əhalisinə və paytaxt sakinlərinə xidmət göstərirlər.

Həmçinin bax[redaktə]

İstinadlar[redaktə]

  1. http://www.binegedi-ih.gov.az/page/10.html