Brayan Adams

Vikipediya, açıq ensiklopediya
Keçid et: naviqasiya, axtar
Brayan Adams

Brayan Adams (ing. Bryan Guy Adams; 5 noyabr 1959) – Kanadalı rok musiqisi ulduzu, müğənni, bəstəkar və fotoqraf.

Pop-rok ve soft-rok stilləri ilə dünyada məşhurluq qazanmış Adams, musiqidəki töhfələrinə görə 17 dəfə Qremmi mükafatına namizəd göstərilmiş və bunlardan üçünü qazanmışdır. Bundan başqa MTV, ASCAP, Amerikan Musiqi, İvor Novello və Juno mükafatı (50-dən çox Juno namizədliyi) ilə də mükafatlandırılmışdır.

Müğənni, musiqidəki işlərindən əlavə, əsasən insanların təhsil problemləri həll etmək və bir çox digər mövzuda xeyriyyə konsertleri keçirir. Öz adını daşıyan xeyriyyə fondu var. Pakistan ve Vyetnam tarixində bu ölkələrdə konsert verən ilk qərbli müğənni hesab olunan Adams, elecə də 2008-ci il Rusya-Gürcüstan müharibəsindən sonra Tbilisidə də konsert vermişdir. 2006-cı ildə Fələstin üçün, 2005-də isə Pakistanda zəlzələdə həyatını itirənlərin xatirəsi üçün konsert verən Brayan Adams, bu və daha bir çox işləri başda olmaqla eləcə də musiqidəki uğurlarına göre Britaniya Kolumbiyası Ordeni ve Kanada Ordeni ilə mükafatlandırılmışdır.

Kanada Məşhurlar küçəsində ulduzu olan Adams 2010-cu ildə Hollivudda da bir ulduz sahibi olacaq. O, həmçinin vegeteriandır və heyvan haqları müdafiəçisidir. Mahnıları əsasən romantik mövzudadır. Filmlər üçün yazdığı mahnılara göre Oskar ve Qızıl Qlobus kimi mükafatlara namizəd göstərilmişdir. "Robin Qud" filmi üçün yazdığı "(Everything I Do) I Do It for You" (Etdiyim hər şeyi sənin üçün edirəm) adlı mahnı ən böyük hiti hesab olunur. "Billboard" jurnalı tərəfindən ötən əsrin ən yaxşı 16-cı mahnısı hesab olunan bu mahnı, İngiltərə tarixində musiqi çartlarında ən çox qalan mahnıya çevrildi. ABŞ-da 7 həftə, Kanadada 9 həftə 1 nömrəli hit oldu. Adams Grammy mükafatları qazandı ve Oskara namizəd oldu, mahnı İlin Ən Yaxşı Mahnısına namizəd göstərildi. Hələdə tarixdəki ən məşhur mahnilardan olan bu mahnı bütün musiqi listlərində nömrə birə qədər yüksəldi. Mahnının mövzüsü sevdiyi qadın üçün vuruşan bir kişidən ibarətdir. Qadınlar və məhəbbət haqqında yazdığı başqa bir mahnı "Have You Ever Really Loved a Woman?" (Heç Doğurdan Bir Qadını Sevmisənmi?) da oxşar bir uğur qazandı. 2 Grammy ve 1 Oskara namizəd olan mahnıda keçən bəzi sözlər məsələn "Onun gözlərinə baxanda doğulmamış uşaqlarınızı görürsənsə, demeli bir qadını sevirsən" məşhur oldu. Əsasən evlenmək ilə bağlı olan "I Finally Found Someone" mahnısıda ona Oskar ve Grammy namizədlikləri gətirdi. Bundan əlavə Sting ve Rod Stewart ilə Üç Müşketyor filmi üçün oxuduqları "All for Love" mahnısıda böyük uğur oldu.

Müğənni Türkiyə tarixində stadyon konserti verən ilk insandır elecə də "Do I Have to Say the Words?" mahnısının klipini İstanbulda çəkmişdir. Müğəninin bütün mahnıları saf məhəbbət mövzüsünda deyil : I Wanna Be Your Underwear (Altpaltarın olmaq istəyirəm), bir sevişmə haqqında olan Let’s Make a Night to Remember, məzəli bir mənaya sahib olan Diana, tutduğu futbol komandası Chelsea üçün yazdığı "We’re Gonna Win" (Biz Udacayıq) bunlara nümünədir. Remembrance Day, Way of the World ve Home Again kimi mahnılar isə sülh ve ya siyasi kritizm ilə əlaqədardır. Please Forgive Me, All for Love, I Finally Found Someone, Don’t Give Up studya albomlarında olmasalarda böyük hit olan mahnıları arasında yer alır. Əsasən gitarda Keith Scott, barabanda isə Mickey Curry ilə birlikdə çalır. İngilis kraliyət ailəsi ilə yaxın olan müğənni, Prinses Diana ilə də yaxın idi.

Biyoqrafiya[redaktə]

Brayan Adamsın valideynləri ingilisdirlər. Atası diplomat olduğuna göre Portuqaliya, İsrail və s. bir çox ölkədə böyümüşdür. İlk dəfə 10 yaşında gitara çalmağı öyrənən Adams, artıq 15 yaşına çatanda Kanadalı qlam-rok qrupu Sweeney Todd ilə oxumağa başladı və çıxardıqları albom uğursuz oldu. 3 ildən sonra Adams Cim Uollans ilə tanış oldu və ilk solo albomunu çıxardı. Amma ilk çıxışı 1983-cü ildə oldu. Adams başqa müğənnilər üçün də mahnılar yazmağa dəvam edir.

Albomları[redaktə]

  • If Wishes Were Horses: 1977-ci ildə Suini Todd qrupu ilə çıxardıqları uğursuz albom.
  • Bryan Adams: Öz adını daşıyan ilk solo albomu. Kanadada az da olsa diqqət qazansa da ABŞ-da tanınmadı, baxmayaraq ki, albomdan "Hidin' From Love" mahnısı bir filmdə istifadə olundu.
  • You Want It, You Got It: 1981-ci ildə çıxardığı ikinci solo albomu. Albom artıq sonlardan da olsa Amerika listlərində yer almışdı, içindəki "Lonely Nights" və "Jealousy" kimi mahnılar musiqi kritiklərinin diqqətini cəlb etdi, hətta Adams "Ən çox ümid vəd edən kişi müğənni" nominasiyasında Juno mükafatına namizəd göstərildi.
  • Cuts like a Knife: İlk böyük uğuru. "İlin ən yaxşı albomu" nominasiyasında Juno mükafatı alan albom ilə eyni adı daşıyan mahnı həm Avropada, həm də Amerikada rəğbət qazandı. "This Time", "The Best Was Yet to Come" ve "Straight from the Heart" albomdakı digər uğurlu mahnılar arasındadır ve onlar 1995-ci ildə radiolarda artıq 100.000 dəfədən artıq çalındığına görə klassika adlandırıldı.
  • Reckless: Tarixə adını yazdığı albom. 1984-cü ildə çıxardığı və eləcə də iki Qremmiyə namizəd göstərilən albom, tarixdəki ilk rok albomu oldu ki, içərisindən 6 mahnı "Top 15"ə düşdü (əvvəl belə bir hadisə sadəcə Maykl Ceksonun Triller albomunda olmuşdu). "Somebody" mahnısı rok listlərində ilk nömrəyə qədər qalxdı, "Heaven" mahnısı klassika hesab olunur ve MTV mükafatına namizəd göstərilmişdi, Amerikan bilbordlarında 1 nömrəyədək yüksəldi ve elecə də hələ də tarixdəki ən yaxşı ayrılıq mahnılarından biri hesab olunur. Adamsın "Summer of '69" mahnısı 1 nömrəli hit olmasa da maraqlı bir şəkildə bütün dünyada məşhurlaşdı, hələ də ötən əsrin ən yaxşı mahnılarından hesab olunun "Summer of '69" indi də çox məşhurdur ve Brayan konsertlərində onu tez-tez ifa edir. Amerikan albom listlərində 1 nömrəyədək yüksələn ve "Allmusic" tərəfindən "şahəsər" hesab olunan "Reckless" "Ən yaxşı albom" nominasiyasında Juno mükafatı aldı ve hələ də Adamsın ən mühüm albomlarından biri hesab olunur.
  • Into the Fire: "Hearts on Fire" və "Heat of the Night" kimi məhəbbət mövzulu mahnılar olsa da "Into the Fire" əsasən siyasi bir albom idi. Adams albomdakı "Only the Strong Survive" mahnısının başrollarda Tom KruzMeq Rayanın çəkildiyi "Top Gun" filmində istifadəsinə icazə vermədi. O fikirləşirdi ki, film insanları müharibəyə həvəsləndirir. Albom satışda uğurlu olsa da tənqidçilər onu uğursuz hesab edirlər. Bəzilərinə göre Brayan Adamsın ən pis albomudur.
  • Waking Up the Neighbours: (Everything I Do) I Do It for You, Thought I'd Died and Gone to Heaven, There Will Never Be Another Tonight, ve Can’t Stop This Thing We Started kimi böyük hitlərin olduğu albom olduqca yüksək satış gəlirləri əldə etdi. Bir çox Grammy mükafatına namizəd göstərilən ve bunlardan üçünü alan Adamsın bu albomu dünyanın hər yerində rəğbətlə qarşılandı. Başdan sonadək rok ilə dolu olan albom, kritikləridə razı saldı. Albomdaki mahnılar üçün çekdiyi kliplər arasında Everything İ Do Youtube saytında ən çox baxılan Brayan Adams klipidir.
  • 18 Til I Die: Stilində bəzi deyişikliklər edən Adamsın bu yeni albomu çıxdığı həftə İngiltərədə Həftənin ən çox satılan albomu oldu. The Only Thing That Looks Good on Me Is You albomdaki ən məşhur mahnıya çevirildi ve MTV Video Musiqi Mükafatına namizəd göstərildi. Baxmayaraqki Brayanın bu albomu da ona 2 Grammy namizədliyi gətirdi, albom tənqidçilər tərəfindən uğursuz hesab olundu.
  • On a Day Like Today: 18 Til I Die albomunun kritiklər tərəfindən pislənməsinə qəzəblənən müğənni hit bir albom çıxardmaq üçün müxtəlif bəstəkarlarla işlədi. Albomdan Cloud Number Nine, Inside Out və When You're Gone böyük hitlərə çevrildilər ama buna baxmayaraq albom ABŞda gözlənilən uğuru gətirəbilmədi, çünkü bəs edici dərəcədə reklam olunmamışdı. Buna səbəb Adamsın firmasını deyişməsi ola bilər. Bu albomdan bir il əvvəl çıxarddığı akustik konsert albomu MTV Unpluggeddan Back To You kimi hit mahnılar olmuşdu ama yenədə görünür diqqəti bu alboma gətirməyib. Kritikal nəzərdən albom çox uğurlu oldu. Kiminə göre albomda bir dənə belə əla olmayan mahnı yox idi.
  • Spirit: Stallion of the Cimarron: Here I Am kimi böyük bir hit mahnının olduğu bu soundtrack albomu Spirit adlı cizgi film üçün çıxardılmışdı. Həm kritikal həm də komersiyal nəzərdən böyük uğur oldu.
  • Room Service: Open Road'dan başqa heç bir içərisindən hit mahnı çıxmasada Avropa listlərində çox satan bir alboma çevrildi.
  • 11: Uğursuz bir alboma çevrildi. Heç bir hit olmasa da Almaniya ve Kanada listlərində nömrə birə qədər çıxdı.

Duetlər[redaktə]

  • Elton Con – Sad Songs
  • Barbra Streyzand – I Finally Found Someone
  • Bonni Reit – Rock Steady
  • Selin Dion – (Everything I Do) I Do It for You
  • Mel C. – When You're Gone
  • Tina Turner – It's Only Love
  • Anne Murrey – What Would It Takes?
  • The Who – Behind Blue Eyes
  • Chicane (remix) – Don't Give Up, She’s Got a Way, Cloud Number Nine
  • Lusiano Pavarotti – 'O Sole Mio, All for Love, La Traviata
  • Sara Maklekxan – Don’t Let Go
  • Stinq – All For Love, I Shall Be Released
  • Rod Stewart – All for Love
  • U2 – I Shall be Released
  • Pamela Anderson – When You’re Gone
  • Piter Qabriyel – I Shall Be Released
  • Tide is Turning

Yazdığı mahnılar[redaktə]

Başqa müğənnilər üçün yazdığı mahnılardan bəziləri:

  • Bonni Reit – No Way to Treat a Lady
  • Selin Dion – Let's Talk About Love, Another Year Has Gone By
  • Co Koker – When the Night Comes, She Believes In Me, Edge of A Dream
  • Rod Stuyart – Another Hearthace
  • Eypril Vayn – Open Soul Surgery
  • Elki Bruks – Can't Wait All Night
  • Dion – Drive All Night
  • 38 Paradise – Teacher Teacher, Back to Paradise
  • Tina Turner – Back Where You Started

Başqaları tərəfindən ifa olunmuş Adams mahnılarından bəziləri:

  • (Everything I Do) I Do It For You – Xenk Marvin, Selin Dion, Sten Buş, Double You, T.G. Sheppard, Zamfir və s.
  • Summer of '69 – Bowling for Soup, DJ Otzi, Emily's Toy Box, Canet Teori, Jiv Banni, MxPx, Ketrin Porter, Green Day və s.
  • Heaven – Emilia, Dj Sammy, Dystopia One, Eyra Geil və s.
  • Lonely Nights – İan Lloyd, Uriah Heep.
  • Remember – Bluestone, Rosetta Stoun, Bob Velç.
  • Run to You – Ceymz Bi, En-Rage, Novaspace, Pascal.
  • Christmas Time – Gil, Bastiaan Ragas
  • Hidin' From Love – Rosetta Stoun
  • Let Him Know – Tim Boqert, Kameron Day, Prism, Selin Dion
  • I Finally Found Someone – Selin Dion
  • Have You Ever Really Loved a Woman? – Pedro Fernandez, Rik Trevino, Erik Hansen, II Divo və s.
  • All for Love – E.M.D.

Özünün tək yazdığı mahnılara nümünələr:

  • Can't Stop This Thing We Started
  • Not Guilty
  • Vanishing
  • Is Your Mama Gonna Miss Ya?
  • Touch the Hand
  • Don't Drop That Bomb on Me
  • If You Wanna Leave Me (Can I Come Too?)
  • Straight from the Heart
  • Last Chance
  • No One Makes It Right
  • You Want It, You Got It
  • If I Had You

Fotoqraf[redaktə]

Hobbi kimi fotoqrafiya ilə maraqlanan müğənni, daha çox qadın manekenlərlə işləyir. Bundan əlavə, PETA üçün və Mikki Rurkun fotosessiyalarında işləyən müğənni bu işindəki uğuruna görə də mükafatlar qazanmışdır.