Cəhri

Cəhri
Xəritə
Babək rayonu
Məlumatlar
Koordinatlar
İnzibati İdarə
Ölkə	Azərbaycan
Rayon	Babək (rayon)

Cəhri — Azərbaycanın Naxçıvan Muxtar Respublikasının Babək rayonunda kənd.

Tarixi

Cəhri kəndi Babək rayonunun mərkəzindən 23 km şimalda, Cəhri çayının sahilində, dağətəyi ərazidə yerləşir. Oykonim xalq toponimik termini olan cəhir/cühür sözünün fonetik dəyişməsi olub, "çayın alçaq sahili" deməkdir.

Cəhri kəndi cox qədim yaşayış məskəni olmuşdur. Bunu onun hazırda yerləşdiyi ərazidə aparılan qazıntılar nəticəsində aşkar olunmuş kurqanlar və 2-3 min ilə qədər yaşı olan küp qəbirlər və qəbirlərdən çıxan gildən hazırlanmış qablar və müxtəlıf məişət əşyaları sübut edir.

Mədəniyyəti

Cəhri kəndində 2 orta məktəb, xəstəxana, 2 uşaq baxçası, uşaq musiqi məktəbi, kitabxana, rabitə şobəsi, 3 məscid var.

Cəhri kəndindən şimalda İşıqlar adlı orta əsr yaşayış yeri qeydə alınmışdır.

Coğrafiyası və iqlimi

Cəhri Didivar, Nəzərəbad, Şıxmahmud, Payız Vayxır, Xal-Xal və Şahbuz rayonunun Türkeş, Kəngərli rayonunun Xıncab və Təzəkənd kəndləri ilə qonşudur. Kənd Cəhri cayının kənarında cox əlverişli coğrafi məkanda salınmışdır. Şərq tərəfdən Qızıl dağ, qərb tərəfdən isə Qaş dağları ilə əhatə olunmuşdur. Mineral və şirin sulu bulaqları vardır.

Əhalisi

Kəndin əhalisi 8454 nəfər (2006) təşkil edir. Əhalisi əsasən azərbaycanlılardan ibarətdir.

Tanınmış şəxsləri

• Qəzənfər Əkbərov — Sovet İttifaqı Qəhrəmanı.
• Namiq Həsənov
• Siyavuş Novruzov

İqtisadiyyatı

Əhali əsasən heyvandarlıq, taxılçılıq, tərəvəzçiliklə məşğul olur.