Cəlal Bayar

Vikipediya, açıq ensiklopediya
Keçid et: naviqasiya, axtar
Cəlal Bayar
Celal Bayar
Cəlal Bayar
Bayraq
Türkiyə Respublikasının 3-cü prezidenti
Bayraq
22 may 1950 — 27 may 1960
Baş nazir: Adnan Menderes
Sələfi: İsmət İnönü
Xələfi: Camal Gürsəl
Bayraq
Türkiyə Respublikasının 4-cü baş naziri
Bayraq
25 oktyabr 1937 — 25 yanvar 1939
Prezident: İsmət İnönü
Sələfi: İsmət İnönü
Xələfi: Refik Saydam
 
Dini: İslam
Təvəllüdü: 16 may 1883(1883-05-16)
Bursa, Ottoman flag.svg Osmanlı İmperiyası
Vəfatı: 22 avqust 1986 (103 yaşında)
İstanbul, Flag of Turkey.svg Türkiyə
Həyat yoldaşı: Rəşidə Bayar (1903-1962)
 
İmzası: İmzası

Cəlal Bayar (1883-1986) — Türkiyə Respublikasının 3-cü prezidenti (1950-1960) və 4-cü baş naziri (1937-1939).

Həyatı[redaktə]

1883-cü ildə Bursa vilayətinin Gemlik rayonunun Umurbəy kəndində doğulmuşdu . Etnik kökən olaraq türk əsilli olan ailəsi oraya , indi Bolgarıstana aid olan Plevne şəhərindən köç etmiştir. Atası Abdullah Fəhmi Əfəndi, anası Əminə xanımdır. 1919-cu ildə Saruhan Sancağından millət vəkili seçilmiş, 12 yanvar 1920-ci ildə İstanbulda son dəfə toplaşan Osmanlı Məclisinə qatılmışdır.

Məclisdə padşah hökumətinin Milli Mübarizə hərəkatına münasibəti onu qane etməmiş, Ankaraya gəlmiş və Milli Mübarizədə Atatürkün səfində yer almışdır.

TBMM-ə Bursadan millət vəkili seçilmiş, 1922-ci ildə müvəqqəti olaraq Xarici İşlər Nazirliyi vəzifəsini icra etmişdir.

Eyni il Lozanna konfransına nümayəndə seçilmişdir. 1924-cü ildə Atatürkün tapşırığı ilə Türkiyə İş Bankını yaratmışdır.

1937-ci ildə Baş nazir təyin olunmuş, 25 yanvar 1939-ci ilə qədər bu vəzifəni aparmışdır. 1939 və 1943-cü illərdə İzmirdən millət vəkili seçilmişdir. 1946-cı ildə silahdaşları ilə birlikdə Demokrat Partiyasını təsis etmiş və sədri seçilmişdir.

1950-ci il seçkilərində Demokrat Partiya qalib gəlmiş və TBMM tərəfindən Türkiyənin prezidenti seçilmişdir.

1960-cı ildə 27 may çevrilişi ilə vəzifəsindən uzaqlaşdırılmışdır.

22 avqust 1986-cı ildə dünyasını dəyişmişdir. Fransızca bilirdi. Üç övlad atası idi.


İstinadlar[redaktə]