Cəlil Cavanşir

Cəlil Cavanşir
Cəlil Cavanşir oğlu Hacıyev
Doğum adı	Cəlil Hacıyev
Təxəllüsləri	Ay Han, Cavanşir
Doğum tarixi	2 yanvar 1984
Doğum yeri	Xaçmaz, Vartaşen rayonu, Azərbaycan SSR, SSRİ
Vətəndaşlığı	SSRİ→ Azərbaycan
Milliyyəti	azərbaycanlı
Uşaqları	Ayhan Hacılı, Cansel Hacı
Atası	Cavanşir Hacıyev
Anası	Şəkurə Həsənova
Təhsili	Gəncə Dövlət Universiteti
İxtisası	germanist
Fəaliyyəti	jurnalist, yazıçı, ssenarist, tərcüməçi
Fəaliyyət illəri	2004 – h. h.
Əsərlərinin dili	Azərbaycanca
Janrlar	şeir, esse, roman, hekayə, ssenari
İlk əsəri	"Axı bu dünyaya nəyə gəlmişəm" - 1998
Mükafatları	II Nəsimi Ədəbiyyat Mükafatı, II yer. "Elçibəy 80" yazı müsabiqəsi V yer. "Vətənvərpərlik mövzusunda ədəbiyyat müsabiqəsi" Əsas Mükafat.
celilizm.blogspot.com

Cəlil Cavanşir (tam adı: Hacıyev Cəlil Cavanşir oğlu; 2 yanvar 1984, Xaçmaz, Vartaşen rayonu) — azərbaycanlı yazıçı, tərcüməçi, ssenarist.

Həyatı

Cəlil Cavanşir 1984-cü ildə Oğuz rayonunun Xaçmaz kəndində dünyaya gəlib.

2001-ci ildə M. F. Axundov adına Oğuz rayon, Xaçmaz kənd 1 saylı orta məktəbini bitirib. 2002–2003-cü illərdə hərbi xidmətdə olub. 2004-cü ildə Gəncə Dövlət Universitetinin Xarici dillər fakültəsinin alman dili ixtisasına qəbul olunub və 2008-ci ildə ali təhsilini başa vurub.

Tələbəlik illərindən jurnalistika fəaliyyətinə başlayıb, müxtəlif mətbu orqanlarda çalışıb. "Töhfə", "Türküstan", "Vətəndaş Həmrəyliyi" qəzetləri, "Alatoran", "Molla Nəsrəddin dünyası", "Yurddan səslər", "Pirsultan", "Doqquz iqlim", "Ənvər Paşa" dərgiləri ilə əməkdaşlıq edib.

"Palma" ədəbi-bədii tərcümə jurnalının və "Region xəbər" qəzetinin təsisçisi olub. 2007–2011-ci illərdə folklorşünas alim, professor Sədnik Paşa Pirsultanlı ilə birlikdə folklor araşdırmaları ilə məşğul olub, eyni zamanda türk və alman dillərindən bədii tərcümələr edib.

2009-cu ildə doqquziklim.net elektron ədəbiyyat dərgisini təsis edib və 2010-cu ilə qədər həmin dərgiyə rəhbərlik edib.

2010-cu ildə II Nəsimi Ədəbiyyat Müsabiqəsində şeir nominasiyasında II yer tutub.

2010-cu ilin may-noyabr aylarında Azad Azərbaycan Televiziyasında "Azərbaycan sirrləri" adlı tarixi-etnoqrafik layihədə redaktor-ssenarist kimi fəaliyyət göstərib.

2011-ci ilin yanvar ayından "Mərkəz" qəzetində fəaliyyətə başlayıb və qəzetin ədəbiyyat səhifəsini hazırlayıb.

2012-ci ilin mart ayından "Ədalət" və "Gündəlik Teleqraf" qəzetləri və Publika.az xəbər potalı ilə əməkdaşlıq edib, "Publika Art" layihəsində redaktor olaraq çalışıb.

"Qanun" Nəşrlər Evində "Azərbaycan Ədəbiyyatı" şöbəsinin baş redaktoru, "Hədəf" Nəşrlərinin baş redaktoru və tərcüməçisi vəzifəsində işləyib.

2015-ci ilin oktyabr ayından, 2019-cu ilin yanvar ayınadək Azərbaycan Respublikasının Prezidenti yanında Bilik Fondunun mütəxəsisi vəzifəsində fəaliyyət göstərib.

2012-ci ildən "Qanun" Nəşrlər Evi ilə tərcüməçi və redaktor kimi əməkdaşlıq edir, 2022-ci ildən Qanun Nəşrlər Evinin "Dinlə Kitab" audio-kitab layihəsinin rəhbəridir.

2017-ci ilin fevral ayından "TEAS press" Nəşriyyatı ilə tərcüməçi və redaktor kimi əməkdaşlıq edir.

2020–2022 "Sputnik-Azərbaycan" (www.sputnik.az)ın köşə yazarı kimi fəaliyyət göstərib.

Şeirləri ingilis, alman, özbək, rus və fars dillərinə tərcümə olunub.

Kitabları

Cild	Kitabın adı	İçindəkilər	Şəhər	Nəşriyyat	İl	Səhifə	ISBN
	Daha məni xatırlama	Şeirlər	Gəncə	AGAH	2004	100
	Öz ruhunun işığında	Xatirələr, esselər	Bakı	EL	2009	200
	Underground sevgilər	Şeirlər	Bakı	Qanun	2011	78
	İtirilmiş əlyazma	Roman	Bakı	Qanun	2012	167
	Dinlər, təriqətlər, peyğəmbərlər	Dini araşdırma	Bakı	Hədəf Nəşrləri	2013	120
	Qadın corabları	Roman	Bakı	Hədəf Nəşrləri	2014	200	-
	P. S: Darıxıram	Şeir, esse	Bakı	XAN Nəşriyyatı	2015	120
	Sola dönmək qadağandır	Esselər	Bakı	Xan Nəşriyyatı	2017	196
	Miladdan sonra	Şeirlər	Bakı	XAN Nəşriyyatı	2018	76	ISBN:903942835302
	Azğın	Roman	Bakı	XAN Nəşriyyatı	2019	204	ISBN:905328910632
	Eşq və intihar	Motivasiya, esselər	Bakı	Mücrü Nəşriyyatı	2020	108	ISBN:9789952405217
	Ədəbiyyatın bəxtsiz və şıltaq övladları	bioqrafik araşdırmalar	Bakı	Mücrü Nəşriyyatı	2021	140	ISBN:9789241220583

Tərcümə kitabları

1. Bernhard Şlink. Qiraətçi (Fərican Quliyeva ilə birlikdə).
2. Ziqmund Freyd. Totem və Tabu.
3. Brijit Ober. Doktor Marçın dörd oğlu.
4. Fridrix Nitsşe. Dəccal
5. Artur Konan Doyl. Baskomb vadisinin sirri
6. Artur Konan Doyl. Subay Zadəgan
7. Artur Konan Doyl. Polkovnikin ölümü
8. Artur Konan Doyl. Detektiv ölüm yatağında
9. Artur Konan Doyl. Son Hadisə
10. Orhan Aras. Son Cənnət
11. Vulf Dorn. Şizofrenik
12. Vulf Dorn. Oyunbaz
13. Nevzat Kösoğlu. Şəhid Ənvər Paşa
14. Əmrah Sərbəs. Hər təmas iz buraxır
15. Əmrah Sərbəs. Sonuncu qazıntı
16. İmmanuel Kant. Təhsil haqqında
17. Con Boyn. Zolaqlı pijamalı oğlan
18. Kinsun. Yol sənin içindədir
19. Çinar Ata. Sura üfürülənə qədər- Sarı Saltuk
20. Almanax. Borxertdən Borxesə qədər. 10 Hekayə
21. Robert Makki. Hekayə
22. Vulf Dorn. Fobiya
23. Qrim Qardaşlarının nağılları ilə. Alman dili addım-addım

Filmoqrafiya

• "Ağstafa sirləri" (Azərbaycan sirləri)
• "Azərbaycandan çıxan peyğəmbərlər" (Azərbaycan sirləri)
• "Onunla anladığı şəkildə rəftar edin"
• "Dostluq əngəllərdən güclüdür"
• "Gülümsə"
• "Qızını özünə bənzətmə!"
• "Vətən dastanı"
• Zəhər tuluğu

Xarici keçidlər

• Cəlil Cavanşir İTİRİLMİŞ ƏLYAZMA
• Cəlil CAVANŞİR Miladdan sonra
• Cəlil CAVANŞİR. Sola dönmək qadağandır
• Yaradıcılıq fakültəsində Cəlil Cavanşirlə görüş keçirildi — Fotolar
• Cəlil Cavanşirdən 18+ roman gəldi
• "Azğın" təqdim olundu — Fotolar
• "Cəlil Cavanşirdən yeni kitab