Cəmil Həsənli

Vikipediya, açıq ensiklopediya
Keçid et: naviqasiya, axtar
Cəmil Həsənli
Cəmil Poladxan oğlu Həsənli
Cəmil Həsənli
Cəmil Həsənli
Bayraq
Azərbaycan Respublikası III çağırış Milli Məclisinin deputatı
Bayraq
2005 — 2010
Sələfi: Cəmil Həsənli
Xələfi: Rasim Musabəyov
Bayraq
Azərbaycan Respublikası II çağırış Milli Məclisinin deputatı
Bayraq
2000 — 2005
Sələfi: mandat təsis edilib
Xələfi: Cəmil Həsənli
Bayraq
Azərbaycan Respublikası Prezidentinin ümumi məsələlər üzrə müşaviri
Bayraq
aprel 1993 — 28 iyun 1993
 
Partiya: AXC loqo.jpg Azərbaycan Xalq Cəbhəsi (1989-1995)
AXC loqo.jpg Azərbaycan Xalq Cəbhəsi Partiyası (1995-2005)
Demokratik Qüvvələrin Milli Şurası (2013-h.h.)
Təhsili: Bakı Dövlət Universiteti
Moskva Dövlət Universiteti
Cənubi İllinoys Universiteti
Elmi dərəcəsi: Tarix elmləri doktoru
İxtisası: Tarix
Fəaliyyəti: Siyasətçi, Tarixçi
Milliyəti: Azərbaycanlı[1]
Dini: İslam
Təvəllüdü: 15 yanvar 1952 (1952-01-15) (62 yaş)
Flag of Azerbaijan SSR.svg Azərbaycan SSR, Biləsuvar rayonu, Ağalıkənd
Atası: Poladxan Həsənov
Həyat yoldaşı: Fatma Həsənli
Uşaqları: 4 övlad
 
Saytı: www.camilhasanli.com
 
Elmi fəaliyyəti
Elm sahəsi: Tarix
Tanınır: Siyasətçi, Tarixçi
 
Mükafatları:
Əməkdar müəllim

Cəmil Həsənli (tam adı:Cəmil Poladxan oğlu Həsənli; 15 yanvar 1952, Ağalıkənd, Biləsuvar, Azərbaycan SSR, SSRİ) — azərbaycanlı[1] tarixçi; alim; ictimai-siyasi xadim; tarix elmləri doktoru[2][3] (1992); Azərbaycan Ziyalılar Forumunun həmtəsisçisi (2009)[3]; Demokratik Qüvvələrin Milli Şurasının qurucu üzvlərindən biri (2013)[4]; Azərbaycan Respublikasının əməkdar müəllimi (2009)[5]; Bakı Dövlət Universitetinin Avropa və Amerika ölkələrinin müasir tarixi kafedrası üzrə professoru (1993)[2]; Azərbaycan Respublikası Milli Məclisinin II[6]III çağırış[7] deputatı. Demokratik Qüvvələrin Milli Şurasının sədri[8] və lideri.[9][10]

Həyatı[redaktə]

Cəmil Poladxan oğlu Həsənov 15 yanvar 1952-ci ildə Biləsuvar rayonunun Ağalıkənd kəndində anadan olmuşdur.[2][3][11]

Təhsili[redaktə]

1960-1970-ci illərdə Cəlilabad rayonunun Alar kənd orta məktəbində təhsil almışdır[2][3][11].

1970-ci ildə Azərbaycan Dövlət Universitetinin (indiki BDU) Tarix fakültəsinə daxil olmuş və 1975-ci ildə həmin fakultəni bitirmişdir[2][3][11].

1977-ci ilin payızında Bakı Dövlət Universitetinin AvropaAmerika ölkələrinin yeni və müasir tarixi kafedrası üzrə əyani aspiranturaya daxil olmuş və 1980-ci ildə buranı bitirmişdir[2][3].

1983-1984-cü illərdə Moskva Dövlət Universitetində ixtisaslaşma kursu keçmişdir[3].

1984-cü ildə Bakı Dövlət Universitetinin ixtisaslaşdırılmış müdafiə şurasında "SSRİ-Amerika münasibətləri" mövzusunda namizədlik müdafiə edib tarix elmləri namizədi dərəcəsini almışdır. 1990-ci ildə Xalq təhsili üzrə SSRİ Dövlət Komitəsinin qərarı ilə dosent elmi adına layiq görülmüşdür. 1992-ci ildə “Azərbaycan Respublikası beynəlxalq münasibətlər sistemində, 1918-1920” mövzusunda doktorluq dissertasiyası müdafiə edib, tarix elmləri doktoru elmi dərəcəsini almışdır.[11] 1993-cü ildə Azərbaycan Respublikası Ali Attestasiya Komissiyasının qərarı ilə “Avropa və Amerika ölkələrinin müasir tarixi” kafedrası üzrə professor vəzifəsini tutmuşdur[2]. 1994-cü ildən Bakı Dövlət Universitetinin professorudur.

1998-cü ildə Cənubi İllinoys Universitetində yay məktəbində, 2011-ci ildə Vudro Vilson mərkəzində (Vaşinqton DC.), 2013-cü ildə Humbolt Universitetində tədqiqat proqramlarında iştirak etmişdir[3].

Əmək fəaliyyəti[redaktə]

1975-ci ildə ali məktəbi bitirib, Cəlilabad rayonunun Təzəkənd orta məktəbində tarix müəllimi işləmişdir[2][3].

1976-1977-ci illərdə V.İ.Lenin mərkəzi müzeyinin Bakı filialında mühazirəçi vəzifəsində çalışmışdır[2].

1980-ci ildən başlayaraq ADU-da tarix təlimatçısı (1980-1985), köməkçi professor (1985-1992) və "Avropa və Amerika ölkələrinin müasir tarixi" kafedrasının müdiri (1992-1994) işləmişdir[2]. 2011-ci ildə könüllü olaraq ştatdan çıxmışdır.[12][13]

İctimai-siyasi fəaliyyəti[redaktə]

Cəmil Həsənli KİV-ə müsahibə verərkən

Cəmil Həsənli 1988-1991-ci illər Milli Azadlıq Hərakatının iştirakçılarından biri olmuş və 1989-cu ildə yaradılmış Azərbaycan Xalq Cəbhəsinin də üzvü olmuşdur. AXC-nin BDU təşkilatında təmsil olunmuşdur. 1994-2005-ci illərdə Azərbaycan Xalq Cəbhəsi Partiyası sədrinin humanitar məsələlər üzrə müavini olmuşdur. 2005-ci ildə AXCP üzvlüyündən çıxmışdır. 2005-2013-cü illərdə Fərhad Əliyevin Hüquqlarını Müdafiə Komitəsinin sədri olmuşdur.[14] 2007-ci ildə AMEA-nın tarix üzrə müxbir üzvülüyünə namizəd olmuş lakin yetərli səsi yığa bilməyərək bu vəzifəyə seçilə bilməmiş və sonradan AMEA-ya olan seçkilərdən bəhs edərkən "müxbir üzv mərhələsini keçmədən birbaşa həqiqi üzvlüyə seçilənlər demək olar ki, hamısı eyni regionun "alimləridir" demişdir.[15] 2009-cu ildə təsis edilmiş Azərbaycan Ziyalılar Forumunun həmtəsisçilərindən biri olmuşdur.[3] 2013-cü ildə Azərbaycan Respublikası Prezident seçkiləri ərəfəsində yaradılan Demokratik Qüvvələrin Milli Şurasının qurucu üzvü olmuşdur.Bu dövrdə Milli Şuraya daxil olan partiya və təşkilatlarla yanaşı MŞ dan ayrı fəaliyyət göstərən islami-dini yönümlü Rifah Vətəndaş Hərəkatı da Cəmil Həsənlini dəstəkləmişdir.[4] Seçkilərdən sonra isə Milli Şuranın liderinə çevrilmişdir.[9][10] 3 dekabr 2013-cü ildə sözügedən qurumun sədri seçilib[8].

Diplomatik fəaliyyəti[redaktə]

Cəmil Həsənli aprel 1993-cü ildə Azərbaycan Respublikasının 2-ci Prezidenti Əbülfəz Elçibəy tərəfindən Azərbaycan Respublikası Prezidentinin siyasi məsələlər üzrə müşaviri təyin olunmuşdur.[2] 1993-cü il iyun hadisələrindən sonra Əbülfəz Elçibəylə birlikdə Naxçıvan Muxtar Respublikasının Ordubad şəhərinin Kələki kəndinə getmişdir. 28 iyun 1993-cü ildə Azərbaycan Respublikası Prezidentinin səlahiyyətini həyata keçirən Azərbaycan Respublikası Ali Sovetinin sədri Heydər Əliyev tərəfindən tutduğu vəzifədən azad edilmişdir.[16]

Parlamentdə[redaktə]

5 noyabr 2000-ci ildə[17] proporsional seçki sistemi6 noyabr 2005-ci ildə majoritar seçki sistemi əsasında 18 saylı Nərimanov-Nizami seçki dairəsindən[7] Azərbaycan Respublikası Milli Məclisinə deputat seçilmişdir. Bir sıra qanunvericilik aktlarının hazırlanmasında yaxından iştirak etmişdir.[18]

II çağırış[redaktə]

Cəmil Həsənli Azərbaycan Respublikasının Milli Məclisinə II çağırış seçkilərində Azərbaycan Xalq Cəbhəsi Partiyasını təmsil etmiş və bu seçkidə Həsənov soyadı ilə iştirak etmişdir. 5 noyabr 2000-ci ildə keçirilmiş seçkidə proporsional seçki sistemi əsasında iştirak edərək 18 saylı Nərimanov-Nizami seçki dairəsindən deputatlığa namizəd olmuş və deputat seçilmişdir.[6]

II çağırış dövründə Təbii ehtiyatlar, energetika və ekologiya məsələləri daimi komissiyasının[19], İntizam komissiyasının[20], Azərbaycanİsrail parlamentlərarası əlaqələr üzrə işçi qrupunun[21], Beynəlxalq münasibətlər və parlamentlərarası əlaqələr daimi komissiyasının[22] üzvü olmuşdur.

III çağırış[redaktə]

Azərbaycan Respublikasının Milli Məclisinə III çağırış seçkilərində Azadlıq Blokunu təmsil etmiş və bu seçkidə Həsənli soyadı ilə iştirak etmişdir. Seçkidə majoritar seçki sistemi əsasında iştirak edərək 18 saylı Nərimanov-Nizami seçki dairəsindən deputatlığa namizəd olmuş və 6 noyabr 2005-ci ildə keçirilmiş seçkilərdə deputat seçilmişdir.[7]

III çağırış dövründə Elm və təhsil məsələləri daimi komissiyasının[23][24], Azərbaycan-Belçika, Azərbaycan-Qazaxıstan, Azərbaycan-Meksika, Azərbaycan-Rumıniya parlamentlərarası əlaqələr üzrə işçi qruplarının[25], MDB Parlamentlərarası Assambleyasında Azərbaycan nümayəndə heyətinin üzvü olmuşdur.

IV çağırış[redaktə]

2010-cu il Azərbaycan Respublikasının Milli Məclisinə seçkilərdə müstəqil namizəd kimi 18 saylı Nərimanov-Nizami seçki dairəsindən namizədliyini irəli sürmüş lakin seçkilərin rəsmi nəticələrinə əsasən 2927 səs toplayaraq 17,5 %-lə II yeri tutaraq deputat seçilə bilməmişdir.[26]

Cəmil Həsənli 8 noyabr 2010-cu ildə Mərkəzi Seçki Komissiyasına yazılı müraciət edərək, seçkilərdə 18 saylı Nərimanov-Nizami seçki dairəsi üzrə, səsvermə günü adı çəkilən seçki dairəsinin bəzi seçki məntəqələrində qanun pozuntularının baş verdiyini, habelə müvafiq dairə seçki komissiyasının sədri tərəfindən həmin dairənin hüdudlarında yerləşən qapalı müəssisələrdə onların seçicilərlə görüşünün keçirilməsini təşkil etməməklə qanunsuz hərəkətsizlik etdiyini bildirib, bununla bağlı müvafiq tədbirlərin görülməsini xahiş etmişdir.[27] Cəmil Həsənli 13 noyabrda Mərkəzi Seçki Komissiyasına yeni eyniməzmunlu müraciət etmiş lakin müraciət təmin edilməmişdir.[28]

VII Prezident seçkiləri[redaktə]

Cəmil Həsənli (21.09.2013).jpg

Cəmil Həsənli 23 avqust 2013-cü il tarixində Demokratik Qüvvələrin Milli Şurasının Azərbaycan Respublikası prezidentliyinə ehtiyat vahid namizədi kimi göstərilmişdir.[29] Namizədliyi 29 avqust 2013-cü ildə MSK tərəfindən təsdiqlənmişdir.[30][31][32]

9 oktyabr 2013-cü ildə baş tutmuş seçkilərin rəsmi nəticələrinə görə 204635 səs toplayaraq, 5,53 %-lə II yeri tutmuşdur.[33] Seçkilərin kütləvi saxtalaşdırıldığı iddiasını irəli sürmüş və nəticələri tanımadığını açıqlamışdır.[34]

Yaradıcılığı[redaktə]

Cəmil Həsənli Aslan İsmayılovun "Sumqayıt – SSRİ-nin süqutunun başlanğıcı" adlı kitabının yeni nəşrinin təqdimatında (28.02.2013).

Tədqiqat sahəsi[redaktə]

Cəmil Həsənlinin "Ağ ləkələrin qara kölgəsi" adlı kitabı istər 1918-1920-ci illərin, istərsə də Azərbaycan tarixinin 1920-1930-cu illərinin bir sıra problemlərinin öyrənilməsi baxımından yeni söz idi. İstər bu əsər, istərsə də Azərbaycan Respublikasının 1918-1920-ci illərdəki xarici siyasətinin araşdırılması ilə bağlı monoqrafiya bütövlüklə yeni açılmış arxiv sənədləri əsasında yazılmışdı. 1993-cü ildə nəşr olunmuş "Azərbaycan beynəlxalq münasibətlər sistemində, 1918-1920" əsəri bu gün tarixşünaslığımız üçün öz elmi əhəmiyyətini saxlamışdır. Ötən əsrin axırlarından başlayaraq professor C.Həsənli elmi və siyasi baxımdan müstəsna əhəmiyyətə malik olan Güney Azərbaycan problemləri üzərində işləməkdədir. İkinci dünya müharibəsi və müharibədən sonrakı illərdə böyük güclərin Güney Azərbaycanda qarşı-qarşıya gəlməsi 50 il dünyanı səksəkədə saxlayan "Soyuq müharibə"nin məhz Güney Azərbaycandan başlanması barədə müəllifin konsepsiyası təkcə Azərbaycan elmində deyil, dünya tarixşünaslığında yeni hadisə sayıla bilər. Bu mövzu ilə bağlı C.Həsənlinin son illərdə nəşr olunmuş monoqrafiyaları tarix elminin inkişafında böyük hadisə oldu. Müəllifin Güney Azərbaycandakı hadisələri, xüsusilə "21 Azər" hərəkatını "Soyuq müharibə" fonunda təqdim etməsi ona olan beynəlxalq marağı müstəsna dərəcədə artırdı. Bu marağın nəticəsi olaraq prof. C.Həsənlinin Güney Azərbaycanla bağlı elmi monoqrafiyası 2005-ci ildə İstanbulda türkcə, 2006-cı ildə ABŞ-ın Harvard Universitetində ingiliscə və Moskvada rusca nəşr olundu. C.Həsənlinin elmimiz üçün xüsusi əhəmiyyət daşıyan üçüncü araşdırması müharibə və müharibədən sonrakı illərdə Sovet-Türkiyə münasibətləri haqqındadır. Müəllif Rusiya, Azərbaycan, Gürcüstan, ErmənistanABŞ arxivlərindən topladığı yeni açıqlanan sənədlər əsasında maraqlı, iri həcmli monoqrafiya hazırlamışdır. Professor Həsənlinin dərc olunan "Azərbaycanda milli məsələ: siyasi rəhbərlik və ziyalılar (1954-1959)" adlı kitabı daha bir həqiqəti ortaya qoydu ki, Sovet cəmiyyətinin bir görünən, bir də görünməyən tarixi var idi.[2][3]

Məqalələri[redaktə]

Bu iri həcmli monoqrafiyalardan əlavə C.Həsənli 100-dən artıq emi əqalənin müəllifidir. Bu məqalələr Azərbaycan, rus, ingilis, türk, alman, italyan, polyak, fars, yapon, koreya dillərində nəşr olunub. Onun 2009-cu ildə Berlində nəşr olunmuş “Qara dəniz boğazları üzərində Stalinin nəzarət cəhdləri”, həmin il Romada italyan dilində nəçr olunmuş “Soyuq müharibənin Türkiyə böhranı”, 2011-ci ildə Vyanada alman dilində nəşr olunmuş “Sovet İttifaqının Yaxın Şərqdə neft uğrunda mübarizəsi” kimi məqalələri elmi ictimaiyyət tərəfindən maraqla qarşılanmışdır. C. Həsənlinin araşdırmalarının əsas hədəflərindən biri XIX –XX əsrlərdə Qarabağda cərəyan edən hadisələrdir. Bu mövzuda professor Həsənlinin yazdığı məqalələr Azərbaycan, rus və ingilis dillərində dərc edilmişdir. Bu araşdırmalarda XIX əsrin əvvəllərində Rusiyanın Qafqazı fəth etməsindən 1923-cü ildə Dağlıq Qarabağda muxtar vilayətin yaradılmasına qədər hadisələrin maraqlı mənzərəsi yaradılmışdı.[2][3]

Kitabları[redaktə]

C.Həsənli Azərbaycan, Rusiya, ABŞ, Kanada, Böyük Britaniya, Türkiyə və İranda nəşr olunmuş 27 monoqrafiyanın müəllifidir. Onun hələ 1991-ci ildə nəşr olunmuş “Ağ ləkələrin qara kölgəsi” asdlı kitabı istər 1918-1920-ci illərin, istərsə də Azərbaycan tarixinin 20-30-cu illərinin bir sıra problemlərinin öyrənilməsi baxımından yeni söz idi. İstər bu əsər, istərsə də 1993-cü ildə nəşr olunmuş “Azərbaycan beynəlxalq münasibətlər sistemində, 1918-1920” əsəri bu gün tarixşünaslığımız üçün öz elmi əhəmiyyətini saxlamışdır. Ötən əsrin axırlarından başlayaraq prof. C.Həsənli elmi və siyasi baxımdan müstəsna əhəmiyyətə malik olan Güney Azərbaycan problemləri üzərində işləməkdədir. İkinci Dünya Müharibəsi və Müharibədən sonrakı illərdə böyük güclərin Güney Azərbaycanda qarşı-qarşıya gəlməsi 50 il dünyanı səksəkədə saxlayan “Soyuq müharibə”nin məhz Güney Azərbaycandan başlanması barədə müəllifin konsepsiyası təkcə Azərbaycan elmində deyil, dünya tarixşünaslığında yeni hadisə sayıla bilər. Bu mövzu ilə bağlı C.Həsənlinin son illərdə nəşr olunmuş monoqrafiyaları tarix elminin inkişafında böyük hadisə oldu. Müəllifin Güney Azərbaycandakı hadisələri, xüsusilə “21 Azər” hərəkatını “Soyuq müharibə” fonunda təqdim etməsi ona olan beynəlxalq marağı müstəsna dərəcədə artırdı. Bu marağın nəticəsi olaraq prof. C.Həsənlinin Güney Azərbaycanla bağlı elmi monoqrafiyası 2005-ci ildə İstanbulda türkcə, 2006-cı ildə ABŞ-ın Harvard universitetinin soyuq müharibə seriyasında ingiliscə (At the Dawn of the Cold War: The Soviet-American Crisis overIranian Azerbaijan, 1941-1946. Rowmanand Littlefield Publishers, INC. Lanham -Boulder- New York-Toronto-Oxford, 2006) və Moskvada rus dilində, Tehranda fars dilində nəşr olundu. C.Həsənlinin elmimiz üçün xüsusi əhəmiyyət daşıyan üçüncü araşdırması müharibə və müharibədən sonrakı illərdə Sovet-Türkiyə münasibətləri haqqındadır. Müəllif Rusiya, Azərbaycan, Gürcüstan, Ermənistan və ABŞ arxivlərindən topladığı yeni açıqlanan sənədlər əsasında maraqlı, iri həcmli monoqrafiya hazırlamışdır. SSRİ-nin Türkiyəyə ərazi və boğazlara nəzarət etmək tələbləri ilə Krım və Ahiska türklərinin sürgün edilməsi, 1948-1953-cü illərdə Azərbaycanlıların Ermənistandan departasiya edilməsini eyni müstəvidə təqdim etməsi, fikirlərini nadir sənədlərlə əsaslandırılması tarixşünaslığımızda yeni istiqamət sayıla bilər. Bu əsər 2005-ci ildə Bakıda çapdan çıxdıqdan sonra 2008-ci ildə Moskvada, 2011-ci ildə Ankarada, 2011-ci ildə isə “Stalin və soyuq müharibənin Türkiyə böhranı, 1945-1953” (Stalin and Turkish Crisis of the Cold War, 1945-1953. Lexington Books, Lanham, Boulder, New York, Toronto, Plymouth, UK, 2011-2013) adı ilə Harvard soyuq müharibə seriyasından ABŞ, Kanada və Böyük Britaniyada nəşr edilmişdir. Mövzuya olan böyük marağı nəzərə alaraq 2013-cü ildə “Lexington Book” nəşriyyatı bu kitabı yenidən nəşr etmişdir. Qərb ölkələrinin çox nüfuzlu jurnallarında bu kitablar haqqında rəylər dərc olunmuşdur. Professor Həsənlinin 2008-ci ildə böyük marağa səbəb olmuş “Azərbaycanda milli məsələ: siyasi hakimiyyət və ziyalılar, 1954-1959” adlı monoqrafiyası nəşr edildi. Bir il sonra bu əsər rus dilində Moskvada, 2012-ci ildə isə Təbrizdə fars dilində nəşr edildi. 2009-cu ildən başlayaraq professor Həsənli üç cildlik “Azərbaycan Respublikasının diplomatiya tarixi” kitabı üzərində işə başlamışdır. Bu kitabın 1918-1920-ci illəri əhatə edən birinci cildi, 1920-1939-cu illəri əhatə edən ikinci cildi həm Azərbaycan, həm də rus dillərində Bakıda və Moskvada artıq nəşr edilmişdir. Onun Azərbaycan tarixi ilə bağlı araşdırmaları xarici nəşriyyatların diqqətini cəlb etmiş, ABŞ-ın Nyu Yorkda yerləşən böyük “Şarp” nəşriyyatı professor Həsənlinin “Foreign Policy of the Republic of Azerbaijan, 1918-1920. The Difficult Road to Western Integration. M. E. Sharpe, Armonk, New York, 2013” kitabını oxuculara təqdim etdi. Bu il professor Həsənlinin “Tarixi şəxsiyyətin tarixi: Əlimərdan bəy Topçubaşov“ kitabı çapdan çıxıb və bu kitab oxucuların böyük marağına səbəb olub. Dünya tarix elminin nailiyyəti kimi qiymətləndirilən bu əsərlər artıq ABŞ, Rusiya və Türkiyənin bir sıra nüfuzlu universitetlərində tədris proqramlarına daxil edilmişdir.[2][3]

Siyahı[redaktə]

Mənbə[2][3]

Kurslarda dərs dediyi bölmələr[redaktə]

Mənbə[2]

  • Avropa və Amerika ölkələrinin müasir tarixi
  • Beynəlxalq Münasibətlər tarixi
  • Soyuq Müharibə və İran Azərbaycanı tarixi

Beynəlxalq seminar, simpozium və konfranslarda iştirakı[redaktə]

Mənbə[2]

Üzvü olduğu cəmiyyət və təşkilatlar[redaktə]

Ailəsi[redaktə]

Ailəlidir. 2-si qız 1-i oğlan olmaqla 3 övladı, 5 nəvəsi var:

1977-ci ildə Fatma Həsənli ilə ailə həyatı qurub. İki oğlu, iki qızı dünyaya gəlib. İlk oğlu Vüqar Həsənli 2007-ci ildə dünyasını dəyişib. 1 qızının adı Günel Həsənlidir.[11]

Mükafatları və fəxri adları[redaktə]

  • 2009Flag of Azerbaijan.svg "Əməkdar müəllim" fəxri adı[5]

Mənbə[redaktə]

İstinadlar[redaktə]

  1. 1,0 1,1 Əsgər Əliyev (2010-04-25). "Azərbaycanlı alim Fransadakı erməni lobbisinin tanınmış nümayəndəsinə layiqli cavab vermişdir" (az). xalqqazeti.com. http://xalqqazeti.com/az/news/social/913. İstifadə tarixi: 2014-01-28.
  2. 2,00 2,01 2,02 2,03 2,04 2,05 2,06 2,07 2,08 2,09 2,10 2,11 2,12 2,13 2,14 2,15 2,16 "Həsənli Cəmil Poladxan oğlu" (az). history.bsu.az. 2009-11-26. https://web.archive.org/web/20120831005544/http://history.bsu.edu.az/az/content/hsnli_cmil_poladxan_olu_580. İstifadə tarixi: 2014-01-28.
  3. 3,00 3,01 3,02 3,03 3,04 3,05 3,06 3,07 3,08 3,09 3,10 3,11 3,12 3,13 3,14 "Bioqrafik məlumat" (az). camilhasanli.com. 2013-09-00. http://www.camilhasanli.com/page/aboutus. İstifadə tarixi: 2014-01-28.
  4. 4,0 4,1 Milli Şura üzvlərinin siyahısı. azadliq.info (azərb.)
  5. 5,0 5,1 "Bakı Dövlət Universitetinin əməkdaşlarına fəxri adların verilməsi haqqında" Azərbaycan Respublikası Prezidentinin 30 oktyabr 2009-cu il tarixli, 538 nömrəli Sərəncamı. e-qanun.az (azərb.)
  6. 6,0 6,1 İkinci çağırış Azərbaycan Respublikası Milli Məclisinin deputatları haqqında seçildikləri tarixə olan qısa MƏLUMATLAR. meclis.gov.az (azərb.)
  7. 7,0 7,1 7,2 Üçüncü çağırış Azərbaycan Respublikası Milli Məclisinin deputatları haqqında seçildikləri tarixə olan qısa MƏLUMATLAR. meclis.gov.az (azərb.)
  8. 8,0 8,1 Cəmil Həsənli Milli Şuranın sədri oldu FOTO/VİDEO. azadliq.info
  9. 9,0 9,1 İşdən sonra-Milli Şuranın lideri Cəmil Həsənli ilə söhbət. azadliq.org (azərb.)
  10. 10,0 10,1 Rəsmi facebook səhifəsinin 26 noyabr 2013 tarixli paylaşımı (azərb.)
  11. 11,0 11,1 11,2 11,3 11,4 Aytən Əliyeva (2013-09-21). "Prezidentliyə namizədlərin AİLƏLƏRİ - Cəmil Həsənli: dörd övlad və beş nəvə - FOTOLAR" (az). modern.az. http://modern.az/articles/44874/1/. İstifadə tarixi: 2014-01-28.
  12. Cəmil Həsənli Bakı Dövlət Universitetindən çıxarılıb. mediaforum.az (azərb.)
  13. Universitetdən Cəmil Həsənli açıqlaması. mediaforum.az (azərb.)
  14. Aytən Məmmədova (2012-04-01). "Fərhad Əliyevin işi dolaşığa düşüb" (az). Azadlıq qəzeti. http://www.azadliq.info/xeberler-menu/311-son-xbrlr/14047-frhad-liyevin-ii-dolaa-dueueb.html. İstifadə tarixi: 2014-01-28.
  15. İsa Həbibbəyli (2012-04-06). "Elmi mühitə obyektiv baxış olmalıdır" (az). Azərbaycan Qəzeti. http://www.azerbaijan-news.az/index.php?mod=3&id=8830. İstifadə tarixi: 2014-01-28.
  16. "C. P. Həsənov haqqında" Azərbaycan Respublikası Prezidentinin 28 iyun 1993-cü il tarixli, 470 nömrəli sərəncamı. e-qanun.az (azərb.)
  17. İkinci çağırış Azərbaycan Respublikası Milli Məclisinin deputatları haqqında seçildikləri tarixə olan qısa MƏLUMATLAR. meclis.gov.az
  18. State budget has to be revised- Jamil Hasanli. trend.az (ing.)
  19. Azərbaycan Respublikası Milli Məclisinin Təbii ehtiyatlar, energetika və ekologiya məsələləri daimi komissiyası üzvlərinin seçilməsi haqqında. e-qanun.az (azərb.)
  20. Azərbaycan Respublikası Milli Məclisi İntizam komissiyasının yenidən təşkil edilməsi haqqında. e-qanun.az (azərb.)
  21. Azərbaycan Respublikası Milli Məclisinin parlamentlərarası əlaqələr üzrə işçi qruplarının yaradılması haqqında. e-qanun.az (azərb.)
  22. Azərbaycan Respublikası Milli Məclisi daimi komissiyalarının tərkibində dəyişikliklər edilməsi haqqında. e-qanun.az (azərb.)
  23. Azərbaycan Respublikası Milli Məclisinin daimi komissiyalarının tərkibində dəyişikliklər haqqında. e-qanun.az (azərb.)
  24. Azərbaycan Respublikası Milli Məclisi komitələrinin tərkibi. Elm və təhsil komitəsi. e-qanun.az (azərb.)
  25. Azərbaycan Respublikası Milli Məclisinin parlamentlərarası əlaqələr üzrə işçi qruplarının tərkibində dəyişikliklər haqqında. e-qanun.az (azərb.)
  26. [1] (ing.)
  27. 2010-cu il noyabrın 7-də keçirilmiş Azərbaycan Respublikasının Milli Məclisinə seçkilərdə Mərkəzi Seçki Komissiyasına daxil olmuş 8 noyabr 2010-cu il tarixli 416 saylı müraciətə baxılması barədə. e-qanun.az (azərb.)
  28. 2010-cu il noyabrın 7-də keçirilmiş Azərbaycan Respublikasının Milli Məclisinə seçkilərdə Mərkəzi Seçki Komissiyasına daxil olmuş 13 noyabr 2010-cu il tarixli 518 saylı müraciətə baxılması barədə. e-qanun.az (azərb.)
  29. Milli Şura seçkilərə Cəmil Həsənli ilə gedir. azadliq.org (azərb.)
  30. Mərkəzi Seçki Komissiyasının iclası keçirilmişdir (29.08.2013) cec.gov.az (azərb.)
  31. Cəmil Həsənlinin namizədliyi təsdiqləndi. azadliq.info (azərb.)
  32. Cəmil Həsənlinin namizədliyi təsdiqləndi. musavat.com (azərb.)
  33. Mərkəsi Seçki Komissiyası İnformasiya Mərkəzi. infocenter.gov.az (azərb.)
  34. Cəmil Həsənlinin Seçki Qərargahı bəyanat yaydı. azadliq.info (azərb.)
  35. "ABŞ-da Cəmil Həsənlinin kitabı nəşr olundu" ((azərb.)). azadliq.info. 2014-11-14. http://www.azadliq.info/asagi-manset/351-asagi-manshet/55748-ab-da-cmil-hsnlinin-monoqrafiyas-nr-olunub.html. İstifadə tarixi: 2014-12-08.
  36. Cəmil Həsənli Türkiyədə fəxri ada layiq görülüb. amerikaninsesi.org (azərb.)

Həmçinin bax[redaktə]

VikiAnbarda Cəmil Həsənli ilə əlaqəli mediafayllar var.

VikiMənbədə Cəmil Həsənli ilə əlaqəli məlumatlar var.

Vikisitatda Cəmil Həsənli ilə əlaqəli məlumatlar var.

Xarici keçidlər[redaktə]