C. C. Catch

Vikipediya, açıq ensiklopediya
Keçid et: naviqasiya, axtar
C. C. Catch
Karolina Katarina Müller
Karolina Katarina Müller
Ümumi məlumatlar
Doğum adı Karolina Katarina Müller
Ləqəbi Diskonun kraliçası
Doğum tarixi 31 iyul 1964 (1964-07-31) (50 yaş)
Flag of the Netherlands.svg Niderland
Üslublar Sinti pop
Pop musiqi
Avro disko
Disko
İtalo disko (1988-ci ilə qədər)
Avrodens
Pop musiqi (1998-2012)
Peşəsi Müğənni
Fəaliyyət illəri 1980-2012
Albom şirkətləri Hansa Records
Ariola Records
Metronome
Veb saytı cccatch.rbah.co.uk

C. C. Catch[1] (alm. Caroline Catharina Müller, Oss şəhəri , Şimali Brabant, Niderland, 31 iyul 1964) – Alman Sinti pop ifaçısı və Bəstəkarıdır.[2] 1980-cı illərdə məşhur olmuşdur. Karolina I Can Lose My Heart Tonight (azərb. Mən bu axşam ürəyimi itirə bilərəm) mahnısı ilə məşhurluq qazanmışdır. Onun Strangers By Night (azərb. Naməlum gecədə) və Heaven And Hell (azərb. Cənnət və Cəhənnəm) kimi mahnıları bütün Avropa hit-paradlarında səslənirdi.[3]

Karaolina "C. C. Catch" ləqəbi ilə Diter Bolenin sayəsində 1985-1988-ci illər ərzində məşhurluq qazanmışdır. Lakin mahnılarının sözlərini yazmaq niyyəti ilə Diter Bolenlə əməkdaşlığını pozmuş və yeni musiqi karyerasına başlamaq istəmişdir. Bundan sonra Karolina uğur qazanmayaraq musiqi səhnəsini 1991-ci ildən etibarən tərk etmişdir. C. C. Catch ilə Diter Bolen arasında yaranan mübahisədən sonra onlar bir-birlərinə nifrət edirdilər. 1998-ci ildə isə yenidən musiqi səhnəsinə qayıdır. Maraqlısı burasında idi ki, Karolinanı səhnəyə yenədə məhz Diter Bolen gətirmişdir. Diter onun albomundakı mahnılarının Remiks formasını çıxarmışdır. 2007-ci ildən bəri Böyük Britaniyanın paytaxtı London şəhərində yaşayır.

Gənclik illəri[redaktə]

Karolina Katarina Müller[4] saat 9:30 tarixində[5] 31 iyul 1964-cü ildə Niderlandın Oss adlanan kiçik şəhərində anadan olmuşdur.[6] Uşaqlıq illərindən anası onu Karo deyə çağırırdı. Onun valideynləri müxtəlif ölkələrin vətəndaşları idi. Onun atası alman Yurgen və anası isə holland Korri idi. Ailə böhranı nəticəsində Karolina 14 yaşından müvəqqəti olaraq Hollandiyada anası Korri ilə yaşamışdır. Anası ailəni barışdırmaq məqsədilə 1979-cu ildə Almaniyanın Bünde adlanan kiçik şəhərinə köçürlər.

Karolina paltar üzrə dizayner peşəsini öyrənmiş və öyrəndikdən sonra bir neçə il ağır şəraitdə tikiş fabrikində işləmişdir. Boş vaxtlarında gitara çalır və dünya ulduzlarının mahnılarını ifa edirdi. Karolina bir axşam musiqiçilər qrupu ilə görüşür.[7]Karolina onlardan musiqini öyrətməyi xahiş etmişdir. Həmin andan başlayaraq gitara və rəqs dərslərini öyrənməyə başlamışdır. Onun ilk ləqəbi "Karol Din" olmuşdur.

Solo karyerası[redaktə]

C. C. Catch və Diter Bolen

Məşhur alman prodüserlərindən biri olan Piter Kent Karolinanı "Optimal" qrupuna cəlb edir. Onun parlaq səsi ilə valeh olan Diter Bolen Karolinanı Aprel ayında 1985-ci ildə Hamburqa dəvət edir.[8][9]

Bu qrupu tərk etdikdən sonra Diter Bolen ilə çalışmağa başlamışdır. Karolina "C. C. Catch" (Si Si Ketç , C.C. – adının ilk hərfləridir ) ləqəbi ilə 1985-1988-illər arası populyarlıq qazanmışdı. 1985-ci ildə onun ad günündə yazılmış I Can Lose My Heart Tonight[10] (azərb. Mən bu axşam ürəyimi itirə bilərəm) mahnısı ona ilk uğurunu gətirir.[11] Lakin onun haqqında informasiya həmin ildə heç kimə məlum deyildi. Nəhayət, Fevral ayında 1986-cı ildə ilk albomu Catch the Catch (azərb. Mənfəəti tutun) işıq üzü görür.[12] Albomun üzərində onun sevimli Ev pişiyi təsvir edilmişdir. Həmçinin, albomda bütün AvropadaSSRİ-də məşhur olan Cause You Are Young (azərb. Ona görə ki, gəncsən) və Strangers By Night (azərb. Naməlum gecədə) kimi hit mahnılar var idi.[13]

May ayında 1986-cı ildə Karolinanın 2-ci albomu Welcome to the Heartbreak Hotel (azərb. Sınmış qəlblər mehmanxanasına xoş gəlmisiz) çıxır. Bu albomdakı Heaven And Hell (azərb. Cənnət və Cəhənnəm) AvropadaSSRİ-də ən yaxşı mahnılar sırasında idi.

1987-ci ildə Like a Hurricane (azərb. Qasırğa kimi) albomu çıxır. Bu albomun ən yaxşı mahnıları Good Guys Only Win in Movies (azərb. Yaxşı oğlanlar yalnız filmlərdə qalib gəlir) və Are You Man Enough (azərb. Sən əsl kişisən?) mahnılarıdır. Artıq Karolina bütün Avropa ölkələrində tanınırdı. Karolina SSRİ-də Maykl CeksonMadonna ilə bir səviyyədə idi. Onun mahnıları Skandinaviya ölkələrində də məşhur idi. Bu illərdə bütün mahnılarının sözlərini Diter Bolen (1985-1988-illər arası mahnılarının prodüseri) yazmışdır. Soul Survivor (azərb. Ruhun xilaskarı) və Summer Kisses (azərb. Yay öpüşləri) kimi mahnıları Böyük Britaniyanın hit paradında səslənirdi.[14]

1987-ci ildə Diamonds (azərb. Almazlar) albomu işıq üzü görür. Bu albomda Karolinanın ən yaxşı mahnıları toplanmışdır. Albomun ilk mahnısı olan House Of Mystic Lights (azərb. Mistik işıqlar evi) mahnısı Avropada ən məşhur mahnılardan biri idi.Bu albomun digər mahnısı Soul Survivor (azərb. Ruhun xilaskarı) mahnısıdır. Həmin mahnı Karolinanın Böyük Britaniya hit-paradına düşən ilk mahnısı idi. Lakin bu albomun çıxarılmasından başlayaraq Karolina ilə Diter Bolen arasındakı əməkdaşlıq münasibətləri pisləşməyə başlayır.

1987-ci ildə Modern Talking qrupu dağıldıqdan sonra hamı elə düşünürdü ki, Karolina Tomas Andersin yerini tutacaqdır.[15] Lakin bu zaman Diter ilə Karolina arasında mübahisə başlayır. 1988-ci ildə Big Fun (azərb. Böyük əyləncə) albomu çətinliklədə olsa, işıq üzü görür. Səbəbi isə Diter Bolenin bu alboma prodüserlik etməmək istəyi idi.

Tərəflər arasında bərabərsizlik[redaktə]

Karolina mahnıların sözlərini yazmaq istəyirdi. Diter isə ona icazə vermirdi. Diter söyləyirdi ki, Karolina heç bir vaxt onsuz məşhurluq qazanmayacaqdır. Lakin Karolina Diterlə qəti olaraq, razılaşmaq istəmirdi. Bu səbəbdən Karolina Diter ilə əməkdaşlığını pozmaq istəyirdi. Lakin Diter Bolen onun prodüseri olduğu üçün Karolinaya bir sıra şərtlər irəli sürürdü. Həmin şərtlərdən biri də belə idi: "Karolina Diterdən ayrıldıqdan sonra daha "C. C. Catch" ləqəbini daşımayacaqdır."

Karolina məhkəmədə Diterə bir neçə milyon verdikdən sonra əməkdaşlığını təmamilə bitirərək, yeni solo karyerasına başlayır. Diter Bolen isə Blue System qrupu yaradaraq, solo karyerasına başlayır. Karolina 1988-ci ildə Diter Bolen ilə əməkdaşlığını bitirdikdən sonra mahnılarının sözlərini özü yazmağa başlamışdır. Bunu Karolina çoxdan arzulayırdı. Lakin bundan sonra Katarina öz əvvəlki müvəffəqiyyətini qazana bilməmişdir. Məhz həmin ildən başlayaraq ifa etdiyi mahnıların janrı, əvvəlki ifa etdiyi mahnıların janrından fərqli idi.

C. C. Catch Böyük Britaniyada[redaktə]

1989-ci ildə İspaniyada Böyük Britaniya Menecmenti Simon Napyer Bellon ilə tanış olur. Simon Napyer Bellon Karolina ilə yaxından maraqlanmağa başlayır. Onun sayəsində 1989-cu ildə Hear What I Say (azərb. Eşidin mən nə deyirəm) albomunu çıxarır. Həmçinin, albomun yeni prodüserləri Endi Teylor ("Duran Duran" musiqi qrupunun prodüseri), Deyv Kleyton və Co Duorniek kimi prodüserlər idi. Bu albomun ən yaxşı mahnısı Big Time (azərb. Böyük vaxt) mahnısıdır. Karolina istəyirdi ki, fanatlar Diter Bolenin nə demək istədiyini yox, məhz özünün nə demək istədiyini eşitsinlər. Həmin ildə BMG musiqi kompaniyası Baby I Need Your Love (azərb. Beybi mənə sənin sevginin ehtiyacı var) mahnısını istehsal edir.Diter Bolen Good Guys Only Win In Movies (azərb. Yaxşı oğlanlar yalnız filmlərdə qalib gəlir) mahnısını çıxarmağa razılıq verir. Bu vaxtda Karolina albomun 2-ci mahnısı olan Midnight Hour (azərb. Gecə yarısı) mahnısını çıxarır. 1990-cı ildən başlayaraq Karolina Katarina Müller musiqi karyerasına ara verir.[16][17][18][19]

Səhnəyə qayıdış[redaktə]

1991-ci ildə Rusiyanın paytaxtı Moskva şəhərində keçirilən "Çernobılın uşaqları – bizim uşaqlardır" adlanan xeyriyyəçilik konsertində C. C. Catch iştirak etmişdir. Bu konsertdən sonra onun haqqında məlumat çox az idi. Lakin Karolina 1998-ci ildə musiqi səhnəsinə qayıdaraq bir çox mahnıları Remiks formasında ifa edir və bir çox uğurlar qazanır.[20] 2003-cü ildə Almaniyada Karolina Shake Your Head (C. C. Catch) (azərb. Başınızı silkələyin) mahnısını yazır. Bu mahnı bir sıra hit-paradlarda, o cümlədən BelçikaNorveç kimi ölkələrin hit-paradlarında uğur qazanır. 2010-cu ildə Xuan Martinezlə duet oxuyur və bu duet ifası ona müvəffəqiyyət gətirir. Onların ifa etdiyi Unborn Love adlı mahnının sözlərini C. C. Catch və Xuan Martinez yazmışdır.

Səhnəni tərk etməsi[redaktə]

2012-ci ildə C. C. Catch Alman saytında verdiyi rəsmi məlumata görə musiqi səhnəsini tərk edir.[21]

Şəxsi həyatı[redaktə]

C. C. Catch 1985-ci ildə Strangers By Night (azərb. Naməlum gecədə) klipinə çəkilən zaman bu klipdə iştirak edən oğlanla bir neçə müddət yaşayır və ayrılır. 1998-ci ildə öz yoqa müəllimi ilə ailə həyatı qurur. Onlar bir neçə müddət keçdikdən sonra ayrılırlar. Sonrakı kliplərindəki repləri ifa edən repçi ilə münasibət qurur. Lakin C. C. Catch ondan da ayrılır.

Mükafatlar[redaktə]

İl Mükafat
1988 "RSH-Gold" mükafatı
1989 1989-cu ilin müğənnisi "Qızıl Şir" mükafatı
2006 "Rusiya Sülh Yaradan Orqanizasiya" mükafatı[22]

Maraqlı faktlar[redaktə]

  • Onun Heaven And Hell (azərb. Cənnət və Cəhənnəm) mahnısı Hansa alman səs yazma kompaniyasının ən yaxşı mahnısı sayılır.
  • Karolina 1985-ci ildə məşhurluq qazandıqdan sonra atası ilə birgə kiçik avtomobil qəzası keçirmişdir.[23]
  • Karolina Müllerin boyu 169 sm-dir.
  • Karolina Müllerin çəkisi 55 kq-dır.
  • Karolina Müllerin ailəsi bunlardır: Anası Katarina (Korri), atası Piter və 3 qardaşı (Marcel, Marko, Yurqen)
  • Karolina Müllerin ən sevdiyi müğənnilər: Madonna, Devid Boui, Lionel Riçi, Hipsuey, Tina Törner, Annie Lenoks, Devis Hobbi.
  • Karolina Müller bir sıra xeyriyyəçi konsertlərdə iştirak edib.
  • Karolina Müllerin gözləri Yaşıl rəngdədir.
  • Karolina Müller "Şir" bürcündəndir.[24]

Diskoqrafiya[redaktə]

Studiya albomu[redaktə]

Ad Albom Hit-paradlarda tutduğu yüksək mövqe Sertifikasiya
Flag of Germany.svg
[25]
Flag of Austria.svg
[26]
Flag of Norway.svg
[27]
Flag of Spain.svg
[28]
Flag of Sweden.svg
[29]
Flag of Switzerland.svg
[30]
"Catch the Catch"
  • İstehsal edilib: 28 Aprel, 1986
  • Leybl: Hansa Records
  • Formatlar: CD, LP, kaset
6 24 6 21 25 8
"Welcome to the Heartbreak Hotel"
  • İstehsal edilib: 8 Dekabr, 1986
  • Leybl: Hansa
  • Formatlar: CD, LP, kaset
28 22 44
"Like a Hurricane"
  • İstehsal edilib: 1987
  • Leybl: Hansa
  • Formatlar: CD, LP, kaset
30 25
"Big Fun"
  • İstehsal edilib: 1988
  • Leybl: Hansa
  • Formatlar: CD, LP, kaset
53 22
"Hear What I Say"
  • İstehsal edilib: 1989
  • Leybl: Metronome Music
  • Formatlar: CD, LP, kaset
75 46
"—" bu işarə albomun heç bir hit-paradda yer tutmadığını bildirir.

Albom yığmaları[redaktə]

Albom yığmaları Albom haqqında qısa məlumat Hit-paradlarda tutduğu yüksək mövqe Sertifikasiyalar
Flag of Germany.svg
[25]
Flag of Switzerland.svg
[32]
Diamonds: Her Greatest Hits
  • İstehsal edilib: 16 may, 1988
  • Leybl: Hansa
  • Formatlar: CD, LP, kaset
43 25
  • Flag of Spain.svg: Qızıl
"Super 20"
  • İstehsal edilib: 2 yanvar, 1990
  • Leybl: Ariola Express
  • Formatlar: CD, LP, kaset
"Backseat of Your Cadillac"
  • İstehsal edilib: 17 Yanvar, 1994
  • Leybl: Ariola Express
  • Formatlar: CD, LP, kaset
"Super Disco Hits"
  • İstehsal edilib: 2 may, 1994
  • Leybl: Ariola Express
  • Formatlar: CD, LP, kaset
"Best of '98"
  • İstehsal edilib: 1998
  • Leybl: Hansa
  • Formatlar: CD, kaset
76
"Heartbreak Hotel"
  • İstehsal edilib: 3 İyul, 2000
  • Leybl: Ariola Express
  • Formatlar: CD, kaset
"Best of C.C. Catch"
  • İstehsal edilib: 18 sentyabr, 2000
  • Leybl: Ariola Express
  • Formatlar: CD, kaset
"In the Mix"
  • İstehsal edilib: 12 may, 2003
  • Leybl: Hansa
  • Formatlar: CD, kaset
"Catch the Hits"
  • İstehsal edilib: 16 sentyabr, 2005
  • Leybl: Edel AG
  • Formatlar: CD, kaset
"The 80's Album"
  • İstehsal edilib: 28 oktyabr, 2005
  • Leybl: Edel
  • Formatlar: CD
"Maxi Hit Sensation-Nonstop DJ"
  • İstehsal edilib: 12 may, 2006
  • Leybl: Edel
  • Formatlar: CD
"Ultimate C. C. Catch"
  • İstehsal edilib: 23 noyabr, 2007
  • Leybl: Edel
  • Formatlar: CD
"25th Anniversary Box (5CD)"
  • İstehsal olunub: 11 noyabr, 2011
  • Leybl: 4ever Music
  • Formatlar: CD
«—» bu işarə albomun heç bir hit-paradda yer tutmadığını bildirir.

Sinqllar[redaktə]

Mahnı İl Hit-paradlarda tutduğu yüksək mövqe Albom
Flag of Germany.svg
[33]
Flag of Austria.svg
[26]
Flag of Belgium (civil).svg[34] Flag of Spain.svg
[28]
Flag of Switzerland.svg[32] Flag of the United Kingdom.svg[35]
"I Can Lose My Heart Tonight" 1985 13 24 7 19 "Catch the Catch"
"Cause You Are Young" 1986 9 28 6 8
"Strangers by Night" 9 15 33 10 11
"Heartbreak Hotel" 8 22 23 3 13 "Welcome to the Heartbreak Hotel"'
"Heaven and Hell" 13 2 19
"Are You Man Enough" 1987 20 5 28 "Like a Hurricane"
"Soul Survivor" 17 1 96
"Good Guys Only Win in Movies" 1988 6
"House of Mystic Lights" 22 7 "Diamonds" yığmalar silsiləsinin ilk sinqlı
"Backseat of Your Cadillac" 10 6 "Big Fun"
"Summer Kisses"
"Nothing but a Heartache" 1989 39 14
"Baby I Need Your Love"
"Big Time" 26 "Hear What I Say"
"Midnight Hour"
"C. C. Catch Megamix '98" 1998 33 Best of '98
"Soul Survivor '98" 8
"I Can Lose My Heart Tonight '99" 1999 72 12
"Shake Your Head" 2003 Non-album singles
"Silence" 2004
"Unborn Love" 2010
"—" bu işarə albomun heç bir hit-paradda yer tutmadığını bildirir.

Həmçinin bax[redaktə]

İstinadlar[redaktə]

  1. C. C. Catch həyatı və mahnıları Yoxlanılıb: 30 avqust 2014
  2. Stern Magazine - CC Catch (German) Yoxlanılıb: 30 avqust 2014
  3. C.C. Catch rusca həyatı Yoxlanılıb: 30 avqust 2014
  4. C. C. Catch həyatı ingiliscə Yoxlanılıb: 30 avqust 2014
  5. Karolina Müllerin həyatı Yoxlanılıb: 30 avqust 2014
  6. C. C. Catch həyatı Yoxlanılıb: 30 avqust 2014
  7. C.C.Catch Twitter saytında Yoxlanılıb: 30 avqust 2014
  8. C.C.Catch Karol Din ləqəbində Yoxlanılıb: 30 avqust 2014
  9. C. C. Catch müxtəlif fotoqalereyası Yoxlanılıb: 30 avqust 2014
  10. C.C. Catch I Can Lose My Heart Tonight mahnısının sözləri Yoxlanılıb: 30 avqust 2014
  11. C. C.Catch mahnıları Yoxlanılıb: 30 avqust 2014
  12. C. C.Catch Strelna.ru saytında Yoxlanılıb: 30 avqust 2014
  13. C.C.Catch Diskoqrafiyası Yoxlanılıb: 30 avqust 2014
  14. C. C. Catch həyatı və diskoqrafiyası Yoxlanılıb: 30 avqust 2014
  15. Karolina Katarina Müller Yoxlanılıb: 30 avqust 2014
  16. C. C. Catch Cccatch-concert.com saytında Yoxlanılıb: 30 avqust 2014
  17. C. C. Catch Ololo.fm saytında Yoxlanılıb: 30 avqust 2014
  18. C. C. Catch Moskva.fm saytında Yoxlanılıb: 30 avqust 2014
  19. C. C. Catch Mp3passion.ne saytında diskoqrafiyası Yoxlanılıb: 30 avqust 2014
  20. C.C. Catch haqqında
  21. C. C. Catch cccatch.de saytında Yoxlanılıb: 30 avqust 2014
  22. Sülh yaradan mükafatı: C.C.Catch Yoxlanılıb: 30 avqust 2014
  23. Karolina Müller həyatı rusca Yoxlanılıb: 30 avqust 2014
  24. Karolina Müller həyatı ingiliscə və rusca Yoxlanılıb: 30 avqust 2014
  25. 25,0 25,1 "Charts.de: C.C. Catch (Albums)" (in German). Media Control. Charts.de.. http://www.officialcharts.de/ersuche.asp?kategorie=chart&interpret_suche=catch&titel_suche=&jahr=&cat=a. İstifadə tarixi: 2003-05-17.
  26. 26,0 26,1 "C.C. Catch in der Österreichischen Hitparade" (in German). austriancharts.at. Hung Medien. http://www.austriancharts.at/showinterpret.asp?interpret=C.C.+Catch. İstifadə tarixi: 2013-05-17.
  27. "C.C. Catch in Norwegian Charts". norwegiancharts.com. Hung Medien. http://norwegiancharts.com/showinterpret.asp?interpret=C.C.+Catch. İstifadə tarixi: 2013-05-17.
  28. 28,0 28,1 Salaverri, Fernando (September 2005). Sólo éxitos: año a año, 1959–2002, 1st, Spain: Fundación Autor-SGAE. ISBN 84-8048-639-2.
  29. "C.C. Catch in Swedish Charts". swedishcharts.com. Hung Medien. http://www.swedishcharts.com/showinterpret.asp?interpret=C.C.+Catch. İstifadə tarixi: 2013-05-17.
  30. "Hitparade.ch: C.C. Catch (Albums)" (in German). swisscharts.com. Hung Medien. http://www.swisscharts.com/search.asp?cat=a&artist=C.C.+Catch&artist_search=starts&title=&title_search=starts. İstifadə tarixi: 2013-05-17.
  31. 31,0 31,1 "Solo Exitos 1959-2002 Ano A Ano: Certificados 1979-1990". Solo Exitos 1959-2002 Ano A Ano. http://www.mediafire.com/?x263f6daopkswo8.
  32. 32,0 32,1 "Hitparade.ch: C.C. Catch (Singles)" (in German). swisscharts.com. Hung Medien. http://www.swisscharts.com/search.asp?cat=s&artist=C.C.+Catch&artist_search=starts&title=&title_search=starts. İstifadə tarixi: 2013-05-17.
  33. "Charts.de: C.C. Catch (Singles)" (in German). Media Control. Charts.de.. http://www.officialcharts.de/ersuche.asp?kategorie=chart&interpret_suche=catch&titel_suche=&jahr=&cat=s. İstifadə tarixi: 2003-05-17.
  34. "Ultratop: C.C. Catch (Singles)" (in Dutch). ultratop.be/nl. Hung Medien. http://www.ultratop.be/nl/search.asp?lang=nl&cat=s&artist=C.C.+Catch&artist_search=starts&title=&title_search=starts. İstifadə tarixi: 2013-05-17.
  35. "The Official Charts Company - C. C. Catch". The Official Charts Company. 10 July 2013. http://www.theofficialcharts.com/artist/_/cc%20catch.

Xarici keçidlər[redaktə]

Rəsmi saytlar[redaktə]

Qalereya[redaktə]