Canet Li
| CANET Lİ | |
| ing. Janet Leigh | |
.jpg) |
|
| Doğum tarixi: | 6 iyul 1927-ci il |
|---|---|
| Doğum yeri: | Mersed,  ABŞ |
| Vəfatı: | 3 oktyabr 2004-cü il (77 yaşında) |
| Vəfat yeri: | Beverli-Hills, ABŞ |
| Vəfat səbəbi: | ürək tutması |
| Peşəsi: | aktrisa |
| Karyera: | 1947-1998 |
| Mükafatları: | Qızıl Qlobus mükafatı (1960) |
| IMDb: | ID 0001463 |
Canet Li (ing. Janet Leigh) — Amerika aktrisası.
Həyatı[redaktə]
Canet Li 6 iyul 1927-ci ildə anadan olmuşdur. Onun kino fəaliyyəti Norma Şirerin sayəsində uğurla başlamışdır. Yeni başlayan aktrisada böyük istedadın olduğunu görən Şirer 1940-cı illərin axırında onun "Metro-Goldwyn-Mayer" kino şirkəti ilə müqavilə bağlamasına səbəb olur. Sonrakı onilliklərdə o, bir çox məşhur filmlərdə görünməyə başladı. Onların bəzilərində Li öz həyat yoldaşı aktyor Toni Körtislə birlikdə çəkilmişdi. Toni Körtis və Canet Linin nikahından 2 qız Kelli və Ceymi bacıları dünyaya gəlmiş və sonrakı talelərini onlar da aktyorluq sənəti ilə bağlamışdılar.
1950-ci illərin axırlarında o, "Bədbəxtlik toxunuşu" (1958) və "Vikinqlər" (1959) filmlərində çəkilmişdir. Lakin ona dünya şöhrətini Alfred Hiçkokun "Psixo" (1960) filmində ifa etdiyi Merion Kreyn rolu gətirmişdir. Bu roluna görə Li "Qızıl qlobus" mükafatını qazanmış və "Oskar"a namizəd olmuşdur. Merion Kreyn roluna görə Canet Liyə öz vətənində "Xanım qışqırıq" ləqəbini vermişdilər.
Canet Li 1960-cı illərin ortalarından, demək olar ki, ekranlarda görünmədi. Yalnız "Duman" (1980) və "Hellouin: 20 ildən sonra" (1998) filmlərində öz qızı Ceymi Li Körtislə birlikdə çəkilmişdir.
Canet Li 3 oktyabr 2004-cü ildə ürək tutmasından 77 yaşında dünyasını dəyişmişdir.
Filmoqrafiya[redaktə]
- Psixo (film, 1960) / Psycho
- Hellouin: 20 ildən sonra (film, 1998) / Halloween: 20 Years Later
