Cavad Heyət
| Cavad Heyət | |
 Dr Cavad Heyət |
|
| Doğum tarixi: | 24 may 1925-ci il |
|---|---|
| Doğum yeri: | Təbriz |
Cavad Heyət — cərrah-alim, İranda ilk dəfə açıq ürək əməliyyatını (koronar şuntlama) gerçəkləşdirən, Beynəlxalq Cərrahlar Cəmiyyətinin idarə heyətinin və Paris Cərrahlar Akademiyasının üzvü, "Varlıq" dərgisinın təsisçisi, türkologiyaya aid yeddi cildlik kitabın müəllifi, Azərbaycanın müxtəlif universitetlərinin fəxri doktoru və professoru, Türk Dil Qurumunun fəxri sədri, eləcə də İstanbul Universitetinin fəxri doktoru
Mündəricat |
Həyatı [redaktə]
Cavad Heyət 1925-ci il mayın 24-də Təbrizdə anadan olub. Atası Mirzəli Heyət zəmanəsinin tanınmış aydınlarından imiş. O, məşrutiyyət inqilabının fərmanını Nəcəfdən Təbrizə və Tehrana aparan heyətin rəhbəri olduğu üçun "Heyət" adı ilə tanınmışdır. Mirzəli Heyət İranda təmiz məhkəmə başqanı və İran ədliyyəsinin qurucularından biri kimi məşrutiyyət inqilabında fəal rol oynamışdır.
Cavad Heyət ilk və orta təhsilini Təbriz, Həmədan və Tehranda almış, daha sonra tibb təhsilinə başlamış, ancaq üçüncu sinifdən sonra təhsilini davam etdirmək üçün İstanbula yollanmışdır. 1946-cı ildə Türkiyənin İstanbul Universitetini bitirib, həmin universitetdə 3 il işlədikdən sonra təhsilini 4 il müddətində Fransadakı Paris universitetində davam etdirmişdir. Yüksək dərəcəli cərrah ixtisasına yiyələnərək İrana qayıtmışdır. 40 ildən artıqdır ki, Tehran Universitetində calışır. İranda ilk dəfə açıq ürək əməliyyatı (koronar şuntlama) gerçəkləşdirmişdir. Bu və digər uğurlarına görə Beynəlxalq Cərrahlar Cəmiyyətinin idarə heyətinin və Paris Cərrahlar Akademiyasının üzvü seçilmişdir. O, 12 il ərzində "Daneşe pezeşki"(Tibb Elmi) adlı jurnal dərc etdirmiş və yüzlərcə elmi məqalənin, cərrahiyyəyə aid uç kitabın müəllifi olmuşdur. 1979-cu il İran islam inqilabından sonra, professor Həmid Nitqi, Məhəmmədəli Fərzanə, Həsən Məcidzadə Savalan, Kərim Məşrutəçi (Sönməz), Mənzuri Xamneyi, Səməd Sərdarniya, Qulamhüseyn Beqdeli ilə birlikdə Tehranda Varlıq (jurnal)ını təsisçi kimi nəşr etdirən Cavad Heyət türkologiyaya aid yeddi cildl kitabın müəllifidir. Cavad Heyət eyni zamanda Azərbaycanın müxtəlif universitetlərinin fəxri doktoru və professoru, Türk Dil Qurumunun fəxri sədri, eləcə də İstanbul Universitetinin fəxri doktorudur (həm tibb, həm də türkologiya sahəsi üzrə).
O, Azərbaycan, ingilis, fars, türk və s. dilləri mükəmməl bilir. Beş qızı, beş nəvəsi vardır.
Əsərləri [redaktə]
Fars dilidə əsərləri [redaktə]
- سیری در تاریخ زبان و لهجههای ترکی ۱۳۶۵
- ترومبوز و قلبیت و درمان آن ۱۳۳۵
- نگاهی به تاریخ ادبیات آذربایجان دوجلد
- مقایسه اللغتین مقایسه فارسی و ترکی ۱۳۶۲
- زبان وادبیات ترکی آذربایجان در قرن بیستم (گزارش به ترکی استانبولی در چهارمین کنگره بین المللی تورکولوژی - استانبول ۱۳۶۴
- نگاهی به تاریخ و فرهنگ ترکان ۱۳۶۵
- آذربایجان شفاهی خلق ادبیاتی ۱۳۶۷
- ادبیات شناسلیق ۱۳۷۴
- خلاصه تاریخ فلسفه غرب
Mənbə [redaktə]
- Varliginsesi.com
- İsmayıl Umudlu. Onun dünyaya baxışı işıqlı baxışdır. Ayna (qəzet), 6,10.2012.
- مجله وارلیق
- تجلیل از دکتر جواد هیأت در آنکارا
Xarici keçidlər [redaktə]
Bu məqalənin azərbaycan dili əlifbasının ərəb qrafikası ilə qarşılığı vardır. Bax: جواد هیئت
