Cavanşir Novruzov

Vikipediya, azad ensiklopediya
Naviqasiyaya keçin Axtarışa keçin
Cavanşir Novruzov
Ümumi məlumatlar
Tam adı Cavanşir Məmməd oğlu Novruzov
Doğum tarixi (64 yaş)
Doğum yeri Ağdam, Azərbaycan SSR, SSRİ
Vətəndaşlığı SSRİ SSRİ
Azərbaycan Azərbaycan
Karyerası
Klub karyerası[* 1]
1982 SSRİ Avtomobilçi Mingəçevir ? (4)
1983 SSRİ Neftçi 0 (0)
1984 SSRİ Qarabağ Stepanakert 13 (0)
1985 SSRİ Dinamo Gəncə 10 (0)
1986 SSRİ Araz-Naxçıvan 23 (12)
1987 SSRİ Göyəzən 23 (4)
1988—1992 SSRİ Azərbaycan Qarabağ 104+ (34+)
1993—1994 SSRİ Avtomobilçi Yevlax 6 (0)
1994—1998 Azərbaycan Qarabağ 37 (5)
Məşqçisi olduğu klublar
1997—1998 Azərbaycan Qarabağ
Təltif və medalları
Azərbaycan Respublikasının əməkdar məşqçisi — 2021

  1. Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı.

Cavanşir Məmməd oğlu Novruzov[1] (29 avqust 1959, Ağdam) — hücumçu mövqeyində çıxış etmiş SSRİ və Azərbaycan futbolçusu. Məşqçi. SSRİ idman ustası (1991), Azərbaycan Respublikasının Əməkdar məşqçisi (2021).

Klub karyerası[redaktə | mənbəni redaktə et]

29 avqust 1959-cu ildə Ağdamda anadan olmuşdur.[1] Uşaqlıqdan futbola marağı olub. 6-cı sinifdə oxuyanda məktəbin həyətində futbol oyunu zamanı Adil Nadirov onu görmüş və öz idman məktəbinə dəvət etmişdir.[2]

1979-cu ildə Almaniyaya hərbi xidmətə yollanıb. Orada da futbol fəaliyyətini davam etdirib. Hərbi xidmətdən qayıtdıqdan sonra 3 ay Ağdamda futbol oynayıb. Buradakı çıxışı zamanı onu Mingəçevirin "Avtomobilçi" klubunun nümayəndələri bəyənərək komandalarına dəvət ediblər. 1981-1982-ci illərdə "Avtomobilçi"nin heyətində çıxış edib.[2][3]

Bakıda "Neftçi" ilə yoldaşlıq oyunu zamanı "Neftçi"nin baş məşqçisi Kazbek Tuayev Novruzovun oyununu bəyənib və beləliklə, o, 1983-cü ildən "Neftçi"nin üzvü olub. Lakin komandanın əsas heyətində forma geyinmək şansı qazana bilməyib və yalnız klubun əvəzedici heyətində oyunlar keçirib.[2][3]

1984 mövsümündə Stepanakertin "Qarabağ" komandasının heyətində SSRİ ikinci liqasında 13 görüş keçirib.[4][2][5] Növbəti mövsümü Gəncə "Dinamo"sunda forma geyinib. Gəncəlilərin heyətində 10 oyunda meydana çıxıb. 1986-cı ildə Əli Rəhmanovun dəvətilə "Araz-Naxçıvan"a keçib. Burada 26 oyuna 12 qol vuraraq komandasının ən məhsuldar oyunçusu olub. 1987 mövsümündə Qazaxın "Göyəzən" komandasının heyətidə 23 oyun keçirib, 4 qol vurub.[3]

1988-ci ildə Ağdamın "Qarabağ" komandasının heyətində Azərbaycan SSR çempionatının qalibi olur. İki il sonra komanda eyni uğuru təkrarlamağı bacarır, həmçinin Azərbaycan SSR kubokunu da əldə edir.[3][6][7] 1993-1994 mövsümü istisna olmaqla, 1998-ci ilədək "Qarabağ"da çıxış edib.[3][8]

Məşqçilik karyerası[redaktə | mənbəni redaktə et]

1997-1998-ci illərdə "Qarabağ" klubunun baş məşqçisi olub. Ağdam təmsilçisi onun rəhbərliyi altında çempionatı dördüncü yerdə bitirib, ölkə Kubokun finalında isə "Kəpəz"ə məğlub olub.[8]

2007-2010-cu illər aralığında "Qəbələ" klubunun baş məşqçisi Ramiz Məmmədovun yanında köməkçi məşqçi kimi fəaliyyət göstərib.[1]

2010-cu ildən 2019-cu ilə kimi seleksioner məşqçi kimi çalışıb.[2]

Nailiyyətləri[redaktə | mənbəni redaktə et]

Futbolçu kimi[redaktə | mənbəni redaktə et]

Qarabağ

Məşqçi kimi[redaktə | mənbəni redaktə et]

Qarabağ

Dövlət mükafatları[redaktə | mənbəni redaktə et]

  • SSRİ idman ustası: 1991[2]
  • Azərbaycan Respublikasının Əməkdar məşqçisi: 2021[2]

İstinadlar[redaktə | mənbəni redaktə et]

  1. 1,0 1,1 1,2 "Texniki Heyət — Məşqçilər". Gabalafc.az. 2009-05-09 tarixində arxivləşdirilib. İstifadə tarixi: 2024-02-14.
  2. 2,0 2,1 2,2 2,3 2,4 2,5 2,6 ""Toni Adamsı "Qəbələ"yə gətirdilər, heç altılığa düşə bilmədilər" - MÜSAHİBƏ". Adalet.az. 2024-02-15 tarixində arxivləşdirilib. İstifadə tarixi: 2024-02-15.
  3. 3,0 3,1 3,2 3,3 3,4 "Новрузов Джаваншир". Footballfacts.ru. 2024-02-15 tarixində arxivləşdirilib. İstifadə tarixi: 2024-02-15.
  4. "Новрузов Д." Footballfacts.ru. 2024-02-15 tarixində arxivləşdirilib. İstifadə tarixi: 2024-02-15.
  5. ""Qarabağ", erməni mövzusu daha bir veteranı dilə gətirdi". Football-plus.az. 2024-02-15 tarixində arxivləşdirilib. İstifadə tarixi: 2024-02-15.
  6. "Azerbaijan - List of Champions". RSSSF. 26 September 2022 tarixində arxivləşdirilib. İstifadə tarixi: 2 February 2023.
  7. "Azerbaijan - List of Cup Finals". RSSSF. 12 November 2022 tarixində arxivləşdirilib. İstifadə tarixi: 12 November 2022.
  8. 8,0 8,1 "Peşəkar Futbol Liqası (arxiv)". pfl.az. 2022-12-18 tarixində arxivləşdirilib. İstifadə tarixi: 2022-12-18.

Xarici keçidlər[redaktə | mənbəni redaktə et]