Cavanşir Quliyev

Cavanşir Quliyev
Ümumi məlumatlar
Doğum adı	Cavanşir Rəhim oğlu Quliyev
Doğum tarixi	22 noyabr 1950-ci il (1950-11-22) Şəki, Azərbaycan SSR
Peşəsi	bəstəkar
IMDb səhifəsi

Quliyev Cavanşir Rəhim oğlu — tanınmış Azərbaycan bəstəkarı.

Həyatı

Cavanşir Quliyev 1950-ci il noyabrın 22-də Şəkidə anadan olub. 1975-ci ildə Ü.Hacıbəyov adına Azərbaycan Dövlət Konservatoriyasının bəstəkarlıq fakültəsini bitirib. Diplom işi kimi "Birinci simfoniya"sını yaradıb. 1978-ci ildən Azərbaycan Dövlət Konservatoriyasında, 1994-cü ildən Azərbaycan Dövlət Mədəniyyət və İncəsənət Universitetində müəllimi kimi çalışıb. 1993-2005-ci illərdə Azərbaycan Milli Akademik Dram Teatrının musiqi hissə müdiri vəzifəsində çalışıb. 2005-ci ildən Şimali Kipr Türk Respublikasındakı Ya­kın Do­ğu Uni­ver­si­te­ti­nin səhnə sənətləri fakültəsində dərs deyir.

ABŞ, Almaniya, Finlandiya, Türkiyə, Polşa, Rumıniya, Slovakiya, Yuqoslaviya, İsrail, Bolqarıstan, Ukrayna, Estoniya, Rusiya, Gürcüstan, Ermənistan, Özbəkistan və Kiprdə yaradıcılıq ezamiyyətlərində olub və əsərləri adları çəkilən ölkələrdə ifa olunmuşdur.

İki operettanın – "Məhəbbət oyunu" və "Yeddi məhbusə"nin, dörd simfoniyanın, simfonik orkestr və zurna üçün" Uvertüranın", iki simli kvartetin, nəfəsli alətlər üçün kvartetin, skripka və saz üçün sonatanın, violonçel, fleyta və saz üçün "Karvan" musiqinin, simli orkestr üçün "Dastan" əsərlərinin, 300-ə yaxın teatr və televiziya tamaşalarına, 8 bədii və 25 sənədli filmə yazılmış, 1000-ə yaxın mahnının, müxtəlif həcmdə kamera-instrumental və xor musiqisinin müəllifidir.

Bəxtiyar Vahabzadə, D.Mustafayev, Y.Həsənbəy, Nüsrət Kəsəmənli, Ramiz Rövşən, Hamlet İsaxanlı və digər şairlərin sözlərinə mahnılar bəstələmişdir.

Mükafatları

• Azərbaycan Lenin komsomolu mükafatı (1982)
• Azərbaycan Respublikasının əməkdar incəsənət xadimi (1992)
• "General Məhəmməd Əsədov" mükafatı (1993)
• Şəhriyar adına mükafat (1995)
• Avropa Türk-İslam birliyinin qızıl medalı- Almaniya (1997)
• "Humay" mükafatı (2000)
• "Qızıl dərviş" mükafatı (2001)

Əsərləri

• Baletlər: Oğuznamə, "Tufan (balet)", "Kitabi Dədə Qorqud (balet)"
• Zurna və orkestr üçün Üvertüra (1980);
• Fleyta, saz və violonçel üçün "Karvan" (2000);
• Simli orkestr üçün "Dastan" (2001);
• "Məhəbbət oyunu" Operettası /libretto – Q.Rəsulov/ (2001).

Mahnıları

Video

• C. Quliyevin musiqisinə Yallı rəqsi

Audio

• "Kim nə deyər bizdə olan qeyrətə" - sözləri: Mirzə Ələkbər Sabir
• "Bir uçaydım" - sözləri: Məhəmmədhüseyn Şəhriyar

Filmoqrafiya

1. Ac həriflər (film, 1993)(tammetrajlı film-tamaşa)(Aztv)-bəstəkar, şeri oxuyan
2. Ağ atlar üçün vals (film, 1987)(tammetrajlı televiziya tamaşası)(Aztv)
3. Ağ dünya (film, 1995)
4. Araqarışdıran (film, 1987)
5. Arxada qalmış gələcək (film, 2005)
6. Aşıq Qərib (1988)
7. Beşmərtəbəli evin altıncı mərtəbəsi (film, 1996)
8. Bəxtiyar Vahabzadə (film, 1987)
9. Canavar balası (film, 1997)
10. Cavid ömrü (film, 2007)
11. Çalalar (film, 2000)
12. Çətin məsələ (film, 1988)
13. Daş yaddaş (film, 1986)
14. Dirsə xanın oğlu Buğacın boyu (film, 2000)
15. Dünya bir pəncərədir (film, 1990)
16. Etiraf (film, 1992)
17. Əzablı yollar (film, 1995)
18. Fatehlərin divanı (film, 1997)
19. Fəryad (film, 1993)
20. Girişmə, öldürər! (film, 1990)
21. Göylər sonsuz bir dənizdir. II film. Züleyxa (film, 1995)
22. Gülüş sanatoriyası (film, 1989)
23. Günahsız Abdulla (film, 1984)
24. Güzgü (film, 1990)(II)
25. Haray (film, 1990)
26. Həqiqətin anı (film, 1984)
27. Xeyir və Şər (film, 1980)
28. İtkin gəlin (film, 1994)
29. Kəndlərin harayı (film, 1987)
30. Qayıdış (film, 1992)
31. Qəm pəncərəsi (film, 1986)
32. Qırmızı qar (film, 1998)
33. Qocalar, qocalar... (film, 1982)
34. Lətifə (film, 1989)
35. Məhv olmuş gündəliklər (film, 1999)
36. Mənim ömür nəğmələrim (film, 2003)
37. Mirzə Kazım bəy (film, 1983)
38. Muğam (film, 1995)
39. Muğamat var olan yerdə... (film, 2009)
40. Nigarançılıq (film, 1998)
41. Salur Qazanın evi talandığı boy (film, 2001)
42. Səni axtarırıq... (film, 2013)
43. Sənsiz (film, 1989)
44. Sonuncu məhəbbət (film, 1985)
45. Sonuncu orden (film, 2002)
46. SOS (film, 1988)
47. Sovet Azərbaycanı (film, 1982)
48. Sübhün səfiri (film, 2012)
49. Süd dişinin ağrısı (film, 1987)
50. Şeirin xəzrisi (film, 2000)
51. Şirbalanın məhəbbəti (film, 1991)
52. Taleyin qisməti (film, 1996)
53. Tikdim ki, izim qala. II film (film, 1997)
54. Yağışdan sonra (film, 1998)
55. Yarımçıq təsərrüfatlar (film, 1988)
56. Yarımştat (film, 1996)
57. Yaşıl eynəkli adam (film, 1987)
58. Yaşıl eynəkli adam-2 (film, 1999)
59. Yaşıl eynəkli adam-3 (film, 2002)
60. Yeniləşmiş diyar (film, 1984)
61. Yumurta (film, 2003)

Teatr tamaşalarına musiqi

• M. F. Axundov "Xırsquldurbasan" /rejissor: Cahangir Novruzov/Şəki D. D. Teatrı/"
• "Hərənin bir ulduzu" /rej: H. Atakişiyev/Şəki D. D. Teatrı/"
• "Evlərin axşamları"/Şəki D. D. Teatrı/"
• "Sevgililərin cəhənnəmdə vüsalı" /müəllif – İ.Əfəndiyev/ (1991);
• "İydə ağacı" /müəllif – İ.Əfəndiyev/ (1992);
• "Özümüzü kəsən qılınc" /müəllif – B.Vahabzadə/ (1999);
• "Dar ağacı" /müəllif – B.Vahabzadə/, "Aydın" /müəllif – C.Cabbarlı/ (2000).

Məqalələri

• "Azərbaycan mahnısı: Yol ayrıcında". "Musiqi dünyası" jurnalı, №1, 1999; Musiqili kompüter proqramları. "Musiqi dünyası", №2, 2000.

Xarici keçidlər

• Samirə Behbudqızı - 12 günlük balet

Həmçinin bax

• Oğuznamə (balet)