Cavan Mutant Ninja Tısbağalar

Cavan Mutant Ninja Tısbağalar (ing. Teenage Mutant Ninja Turtles, TMNT) – bu, öz senseyləri, mutant-siçovul, Usta Splinter tərəfindən ninja sənətini öyrənən, uydurulmuş dörd mutant tısbağalardan ibarət bir komandadır. Cəmiyyətdən Manhettenin kanalizasiyalarında gizlənərək, onlar şəhər küçələrindəki pis qüvvələrə qarşı mübarizə aparırlar. Onları iki rəssam – Kevin İstmen və Piter Lerd yaradıb. 2009-cu ildə tısbağalar təntənə ilə öz 25 illiyini qeyd etdilər. 2009-cu ilin payızı "Ninja Tısbağalar" Nikelodeon telekanalı tərəfindən alınmışdır.

Baş qəhrəmanlar

Splinter (ing. Splinter) - Tısbağaların senseyi, praktiki olaraq onların atası, mutant-siçovul.

Şredder (ing. Shredder) – Fut klanının rəhbərliyini edən, Oraki Saki adlı qəzəbli ninja ustası. Splinter və Tısbağaların düşmənidir.

Mikelancelo (ing. Michelangelo) – mehriban və laqeyd Mikelancelo – komandadakı baş komikdir. Komikslər oxumağı və pitsa yeməyi sevir. Narıncı maska taxır. O, Mikelancelo Buonarroti şərəfinə adlandırılıb.

Donatello (ing. Donatello) – həvəskar-alim, tədqiqatçı və "sadəcə dahi". Mübahisələrin sülh yolu ilə həllinə üstünlük verir. Bənövşəyi maska taxır. O, heykəltəraş Donato di Nikkolo di Betto Bardinin şərəfinə adlandırılıb.

Leonardo (ing. Leonardo) – Tısbağaların qeyri-formal lideridir, cəsur, əzmli və sadiqdir. Göy maska taxır. O, Leonardo da Vinçinin şərəfinə adlamdırılıb.

Rafael (ing. Raphael) – ilkin komikslərdə Leonardonun liderliyini qısqanan, aqressiv və şübhəli ninja. Sonradan Rafaelin xasiyyəti dəyişdirilmişdir. Müəlliflər ona fəlsəfəyə yönümlüllük və baş verənləri paradoksal tərzdə şərh edərkən təzahür edən özünəməxsus yumor hissi bəxş edirlər. Rafael qırmızı maska taxır. O, Rafael Santinin şərəfinə adlandırılıb.

Eypril O’Nil (ing. April O’Neil) – birinci multserialda - Altıncı kanalın müxbiri, Tısbağaların dostu, narıncısaç gözəl qız. İkinci serialda Tısbağaların robotlardan xilas etdiyi, Bakster Stokman ilə işləyən alim. 2007-ci ildə çəkilmiş tammetrajlı cizgi filmində isə arxeoloq.

Bakster Stokman – dəli alim. Robot-siçanlar – mauserlər, qatil siçovullar və tısbağalar yaradıb. Heyvanlara xüsusi nifrəti ilə fərqlənir.