Ceyms Fenimor Kuper
| Ceyms Fenimor Kuper | |
| ing. James Fenimore Cooper | |
 |
|
| Doğum tarixi: | 15 sentyabr 1789-cu il |
|---|---|
| Doğum yeri: | Börlinqton, Nyu-Cersi, ABŞ |
| Vəfatı: | 14 sentyabr 1851-ci il (61 yaşında) |
| Vəfat yeri: | Kuperstaun, Nyu-York ştatı, ABŞ |
| Milliyyəti: | amerkan |
| Karyera: | 1820-1851 |
| İlk əsəri: | "Ehtiyat" (Precaution, 1820) |
Ceyms Fenimor Kuper (ing. James Fenimore Cooper; 15 sentyabr 1789 - 14 sentyabr 1851) — məşhur Amerika yazıçısı. Macəra romanlarının müəllifi. Ovçu Natti (Natanael) Bamponun sərgüzəştləri haqqında çoxsaylı əsərlərin müəllifidir. Həmin seriyadan olan "Sonuncu mogikan" əsəri onun yaradıcılığının zirvəsi hesab olunur.
[redaktə / تحریر] Həyatı
Ceyms Fenimor Kuper 1789-cu il sentyabrın 15-də varlı ailədə anadan olmuşdur. Onun atası Uilyam Kuper ədəbiyyata, sənətə yüksək qiymət verən adam imiş. O, yazıçı və şairləri tez-tez evinə dəvət edirmiş. Qonaqların ədəbiyyata dair söhbətləri hələ uşaqlıqdan Ceymsin qəlbində yazıçılığa maraq oyadır. Ceyms sərbəst şəkildə mütaliə ilə məşğul olur və "Yersiz ehtiyat" adlı ilk romanını yazır. Lakin bu roman ona uğur gətirmir. O başa düşür ki, dəyərli əsər yazmaq üçün daha çox oxumaq, həyatı dərindən öyrənmək lazımdır. Ceyms Fenimor Kuper Nyu-Yorkdakı yazıçılarla görüşür, onlardan yazıçılığın sirlərini öyrənir. O, 1821-ci ildə Amerika ədəbiyyatında ilk milli roman sayılan "Casus" romanını yazır. İstiqlaliyyət mübarizəsinə həsr olunmuş bu roman yazıçıya dünya şöhrəti qazandırır. Bundan sonra o,bir-birinin ardınca "Pirat" (1822), "Losman" (1823), "Loyonel" (1825) tarixi romanlarını yazır. Amerika hindularının həyatı, məişəti, yaşayış tərzi də Ceyms Fenimor Kuperi həmişə düşündürmüşdür. O, bu mövzuda "Pionerlər" (1823), "Sonuncu mogikan" (1826), "Ləpirçi" (1840), "Vəhşi heyvan ovçusu" (1848) romanlarını yazmışdır.
Ceyms Fenimor Kuper 1851-ci il sentyabr ayının 14-də vəfat etmişdir.
