Ceyms Kuk

Vikipediya, açıq ensiklopediya
Keçid et: naviqasiya, axtar
CEYMS KUK
Captainjamescookportrait.jpg
Doğum tarixi: 27 oktyabr 1728(1728-10-27)
Doğum yeri: Marton, Yorkşir qraflığı
Vəfatı: 14 fevral 1779 (50 yaşında)
Vəfat yeri: Havay adaları
Fəaliyyəti: dəniz səyyahı

Kapitan Ceyms Kuk (27 oktyabr, 1728, Marton, Yorkşir qraflığı-14 fevral 1779, Havay adaları) — ingilis dəniz səyyahı. Bütün materiklərə ayaq basmış ilk insan.

Üç dövraləm ekspedisiyasının rəhbəri olmuşdur. Birinci ekspedisiya zamanı (1768-71) Yeni Zelandiyanın Şimal və Cənub adaları arasındakı boğazı, Avstraliyanın şimal sahilini və Böyük Sədd Rifini kəşf etmişdir. İkinci ekspedisiyasında (1772-75) Cənub yarımkürəsinin mülayim enliklərində böyük quru sahəsinin olmadığını sübuta yetirmiş və Sakit okeanda bir sıra adanı öyrənmişdir. Kuk 1773-cü ildə tarixdə ilk dəfə Cənub qütb dairəsini keçmiş (40º ş.u.-nda), 66º36' c.e.-nə çatmışdır. Həmin ilin yayında Cənub materikini tapmağa daha iki dəfə cəhd etmiş, 71º10' c.e.-nə çatmışdır. Üçüncü ekspedisiyasında (1776-79) Havay adalarını kəşf etmiş, Amerikanın şimal-qərb sahillərini öyrənmişdir. 1779-cu ildə yerli tayfalar tərəfindən öldürülmüşdür. 20-dən çox coğrafi obyektə Kuk adı verilmişdir (Kuk adaları, Kuk körfəzi, Kuk boğazi, Kuk dağı və s.).