Coakkino Rossini

Vikipediya, açıq ensiklopediya
Keçid et: naviqasiya, axtar
Coakkino Rossini
Composer Rossini G 1865 by Carjat.jpg
Ümumi məlumatlar
Tam adı it. Gioachino Antonio Rossini
Doğum tarixi 29 fevral 1792(1792-02-29)
Pisaro, İtaliya
Vəfatı 13 noyabr 1868(1868-11-13)
Paris, Fransa
Peşəsi Bəstəkar

Coakkino Rossini (it. Gioachino Antonio Rossini 17921868) —İtaliya bəstəkarı.

Həyatı[redaktə]

Coakkino Rossini (Gioachino Rossini) 1792-ci ildə İtaliyanın şərq sahilində Pesaro adlı kiçik bir qəsəbədə dünyaya gəldi. Anası opera müğənnisi idi, atası isə korno çalırdı. Uşaqkən mahnı oxumağa, violonçel və korno çalmağa başladı. 15 yaşına çatanda bir musiqi məktəbinə yazıldı və bəstəkarlığı öyrəndi.

Coakkino Rossini uğuru komik operalarıyla qazanmışdı. Ən əhəmiyyətli əsərləri olaraq Guillaume Tell, Tancredi, və Semiramide qəbul edilir. "Otello" C. Verdinin əsas əsəri olmasına rəğmən, Rossinnin "Otello"su da dinləməyə dəyərdir. Gəncliyində bəstələdiyi simli alətlər sonatları onun Haydn və Mosart kimi klassik dövr bəstəkarlarının əsərlərini dərindən araşdırdığını göstərir.

Onun ilk operası "Evlilik müqaviləsi" (La Cambiale di Matrimonio) 18 yaşında Venesiyada səhnəyə qoyuldu, dördüncü əsəri ciddi opera Tancredi və beşinci əsəri komik opera "Əlcəzairdə İtalyan Qız (L"Italiana in Alger) operalarını ilə şöhrət qazandı. Əsas əsəri "Sevilya bərbəri" (Il Barbiere di Siviglia) operasını isə 24 yaşında ikən Romada səhnərə qoydu. Sindrella nağılından ilhamlanan Külkedisi (La Cenerentola) operasını da eyni il (1816-cı ildə) yazdı. 18-37 yaşları arasıda 39 opera bəstələdi. Son operası uvertüra, fırtına səhnəsi və balet musiqisi ilə səslənilən "Guillaume Tell" idi. 37 yaşinda opera bəstəkarlığını buraxdı. Yaşadığı dövrdə çox məşhur bir bəstəkar idi. Əsərlərinin bir qismi bu gün də tez-tez səhnəyə qoyulur.

Napolidəki Saniyə Carlo Teatrı, Parisdəki İtalyan Operası kimi bir neçə yerin musiqi direktorluğunu icra etdi. 1830 Fransız İnqilabından əvvəl Kral X. Charlesin bəstəkarı olaraq çalışdı.

Rossini iki dəfə evləndi. 1822-ci ildə evləndiyi yoldaşı Isabella Colbran, əsərlərinin bir çoxunda baş rol oynayan bir opera sənətçisi idi. İlk yoldaşının ölümü üzərinə 1846-cı ildə opera müğənnisi Olympe Pelissier ilə evləndi. Rossini 1824-1836-cı illəri arasında yaşadığı Fransaya 1855-ci ildə geri döndü və yerləşdi, evi sənətçilərin görüşmə nöqtəsi halına gəldi, bu dövrdə "Yaşlılıq günahları" deyə adlandırdığı bəstələr yazıb öz salonunda səsləndirdi.

Coakkino Rossini 13 noyabr 1868-ci ildə vəfat etdi.

Əsərləri[redaktə]

Demetrio e Polibio (1806); İpək Nərdivan (La Scala di SETƏ) (1812); qumarbaz Oğul (II signor Bruschino) (1813); İtalyan qadın Əlcəzairdə (L"ltaliana in Alger) (1813); Türk İtaliyada (II Turco in Italia) (1814); Elisabetta, Regina d"lnghilterra (1815); Sevilya bərbəri (II barbiere di Siviglia) (1816); Otello (1816); Sinderalla (La Cenerentola) (1817); Oğru sağsağan (La gazza ladra) (1817); Musa Misirdə (Mose in Egitto) (1818); II. Mehmet (Maometto II) (1820); Zelmira (1822); Semiramide (1823); Qraf Ori Le Comte Ory (1828); Korent Kuşatması (Le Siege də Corinthe) (1826); Guillaume Teli (1829).

İstinadlar[redaktə]

Həmçinin bax[redaktə]

Xarici keçidlər[redaktə]