Dördlər-I (Neftçala)

Vikipediya, açıq ensiklopediya
Keçid et: naviqasiya, axtar
DÖRDLƏR
Xəritə
Neftçala rayonu
Neftçala rayonu
Məlumatlar
Koordinatlar
İnzibati İdarə
Ölkə Azərbaycan
Rayon Neftçala rayonu


DördlərAzərbaycan Respublikasının Neftçala rayonunun inzibati ərazi vahidində kənd. Neftçala rayonunda bu adda iki kənd mövcuddur. Kür çayının sahilində yerləşən bu kənd Boyat bələdiyyəsinin tərkibindədir[1][2].

Kür çayı. Dördlər

Tarixi[redaktə]

Dördlər kəndinin tarixi haqqında müxtəlif fikirlər olmuşdur. Rəhmətlik dünyagörmüş qoca Ağadadaş Süleymanovun dediyi bir fikrə görə Şah Abbasın zülmündən qaçıb gəlmiş dörd qardaşdan bu kənd yaranmışdır və elə ona görə də "Dördlər" adlanmışdır. Başqa bir fikirdə deyilənə görə, kəndin ilk sakinlərindən biri hazırda qəbirstanlıqda XIX əsrə aid olan qəbirdə dəfn olunmuş Mehdi kişi olub. Onun dörd oğlu olmuşdur: Əsəd, Zeynal, Cəfər Və Nəcəf. Kənddə hazırda beş əsas soyad daşıyıcıları yaşayır: ata: Mehdiyevlər, onun oğlanlarından olan: Əsədovlar, Nəcəfovlar, Cəfərovlar və Zeynalovlar. Deyilənə görə, vaxtilə bu tayfanın iki üzvündən olan törəmələr Xıllı qəsəbəsində Çərəzi adlandırılan yerdə məskunlaşıb.

Mədəniyyəti[redaktə]

Dördlər kəndində bir kitabxana, bir şadlıq sarayı, tarixi XIX əsrə gedən qəbirstanlıq, bir futbol stadionu, bir çayxana vardır. Kənddə doqquz ticarət obtekti-kiçik dükan fəaliyyət göstərir. Kənddə vaxtilə kino klubu da olmuşdur. Dördlər kəndinin məktəbliləri qonşu Astanlı kənd və ya Xıllı qəsəbə 1 saylı orta məktəbdə təhsil alırlar. Kənd sakinlərindən İmamverdi Zeynalov, Sabir Alim (Əsədov) Azərbaycan Yazıçılar İttifaqının üzvüdür. Sabir Alim (Əsədov) 2003-cü il üzrə ən yaxşı gənc şair mükafatının sahibi və Azərbaycan Respublikası Prezidenti təqaüdçüsüdür. Səxavət Əsədov, Arif Əsədov, Kamran Əsədov, Emin Dadaşov, Ələkbər Nəcəfov, Şamil Nəcəfov, Rahil Nəcəfov fəlsəfə üzrə elmlər doktorlarıdır. I Qarabağ müharibəsində Azad Zeynalov, Firdovsi Cəbrayılov şəhid olmuşlar. Keçmiş polis işçisi Alim Əsədov müharibədə rəşadətlə vuruşmuş, II qrup Qarabaş əlili olmuşdur.

Coğrafiyası və iqlimi[redaktə]

Dördlər kəndi Neftçala rayonu ərazisində, Boyat bələdiyyəsinin və intibati nümayəndəliyinin ərazisində, Kür çayının cənub sahilində yerləşir. Əhali Kür çayı ilə Neftçala-Salyan magistral yolunun aralığında yaşayır. Əhalisinin sayı günü-gündən artmaqdadır. İqlimi yayı isti, qışı sərindir. İçməli suyu Kür çayından əldə edilir.

Əhalisi[redaktə]

500 nəfər

İqtisadiyyatı[redaktə]

İqtisadiyyatın əsas sahəsi kənd təsərrüfatıdır. Kənd əhalisi əkinçilik və maldarlıqla məşğuldur.

Şəkilləri[redaktə]

Xarici keçidlər[redaktə]

İstinadlar[redaktə]

  1. Neftçala RİH – Neftçala rayonunun şəhər,qəsəbə və kəndləri barədə məlumat
  2. Neftçala rayonu – Bələdiyyə İnformasiya Mərkəzi

Mənbə[redaktə]