Düymə (geyim)

Vikipediya, açıq ensiklopediya
Keçid et: naviqasiya, axtar

Düymə — geyim aksesuarı. Orta əsrlərdən başlayaraq başlıca geyim bəzəklərindən hesab olunan düymələr əsasən sümükdən hazırlanmış və arxeoloji qazıntılar aparılmış orta əsr abidələrinin əksəriyyətindən tapılmışdır.

Azərbaycan ərazisində aparılan arxeoloji qazıntılar zamanı tapılan müxtəlif dövrləri əhatə edən düymələr konus, bikonik, yarımkürəvi formada düzəldilmiş, üzərləri parıldayana qədər diqqətlə cilalanmış, həndəsi naxış elementləri ilə bəzədilmişdir.

Pərgar naxışı, konsentrik dairələr, ulduzlar, çərtmələr, xırda çiçək rəsmləri geniş yayılmışdır. Düymələrdən birinin üzərində isə quş təsviri çəkilmişdir (tablo 86, şək. 28). Quşun gözləri aydın təsvir edilmiş, bədəni isə xırda dairəciklərlə bəzədilmişdir.[1]

Orta əsrlərdə düymə geyimə həmçinin insanlara yad qüvvələri qovmaq üçün sehir kimi tikilirdi.

Mənbə[redaktə]

  1. Azərbaycan Arxeologiyası. Altı cilddə, VI cild. Bakı,”Şərq-Qərb”, 2008, 632 səh