Dəyanət Osmanlı
| DƏYANƏT OSMANLI | |
 |
|
| Doğum tarixi: | 15 iyun 1965-ci il |
|---|---|
| Doğum yeri: | Saraclı, Bolnisi, Gürcüstan |
Bayramov Dəyanət Osman oğlu - şair, 1996-cı ildən Azərbaycan Yazıçılar Birliyinin üzvü.
[redaktə] Həyatı
Dəyanət Osmanlı 1965-ci il iyunun 15-də Gürcüstanda, Bolnisi rayonunun Saraclı kəndində anadan olmuşdur. Burada kənd orta məktəbini bitirdikdən bir il sonra Azərbaycanda Sumqayıt Xovlu iplik fabrikində işləmişdir. Ordu sıralarında xidmət etmişdir (1983-1985). M.Ə.Rəsulzadə adına Bakı Dövlət Universitetinin jurnalistika fakültəsində təhsil almışdır (1986-1991). Əmək fəaliyyətinə "Mübariz" qəzetində şöbə müdiri kimi başlamışdır. "Fəryad" qəzetində şöbə redaktoru (1990-1992), "Azərbaycan" qəzetində müxbir, (1992-2005) vəzifəsində çalışmışdır.
Bədii yaradıcılığa 90-cı illərdə başlamışdır. "Köhnəlir ayaq izlərim", "Yarı yolda qalan məktub", "Söhbət" adlı ilk şeirləri "Ulduz" jurnalında (1990, №4)və s. dərc olunmuşdur. Bundan sonra "Ulduz", "Azərbaycan" jurnallarında və "Ədəbiyyat və incəsənət", "Dədəm Qorqud", "Yol", "Oğuz eli" və digər mətbuat orqanlarında öz şeirləri, publisistik məqalələri ilə vaxtaşırı çıxış etmişdir. 1992-ci ildə yaranan "2+" ədəbi cərəyanın yaradıcılarından biridir.1992-1998-ci illərədə gənc yazıçıların "Avanqard" Ədəbi Birliyini yaradaraq ona rəhbərlik etmişdir.
1996-cı ildə Azərbaycan Yazıçılar Birliyinə üzv qəbul olunub.1997-ci ildən Azərbaycan Yazıçılar Birliyinin İdarə Heyətinin üzvüdür . "Ağ kitab" (1997), "İlk... Və... Son..." (2009) adlı şeir kitabları və altı publisistik kitabı nəşr edilib. Azərbaycanda Atatürk Mərkəzinin baş redaktorudur.
