Dairəvi Günbəd türbəsi
| Dairəvi Günbəd Türbəsi | ||
 |
||
| Abidə haqqında məlumat | ||
|---|---|---|
| Tikili: | Türbə | |
| Ölkə: | Güney Azərbaycan | |
| Şəhər: | Marağa | |
| Tikintisi haqqında məlumat | ||
| Tamamlanıb: | 1167, aprel | |
| Memarlıq üslubu: | Naxçıvan-Marağa memarlıq məktəbi | |
| Digər məlumatlar | ||
Dairəvi Günbəd Türbəsi – Güney Azərbaycanın Marağa şəhərində, hicri 563 – cü ilin rəcəb ayında (miladi 1167 aprel ayı) inşa edilmiş türbə.
Kürsülüyü iri daş lövhələrlə üzlənmiş dairəvi günbədin silindrik gövdəsi kərpicdən hörülmüşdür. Onun plan biçimi bayırda dairəvi olduğu halda içəridə onbucaqlıdır. İç üzlərin hər birində dayaz tağça verilmiş, şimal üzü qapı üçün ayrılmışdır. Dairəvi Günbəd də digər Marağa türbələri kimi ikiqatlıdır. Türbənin sərdabəsi daş kürsülüyün içərisindədir. Kərpic qüllənin yuxarısı dağılmışdır. Buna baxmayaraq türbənin silindrik qülləsinin içəridə sferokonik, bayırda konusvari günbəzlə tamamlandığı bəllidir.
XI – XIII əsr Azərbaycan memarları silindrik tutuma girişin monumental baştağ şəklində birləşdirilməsi yolu ilə uğurlu memarlıq-məkan həllini işləyib hazırlamışdılar. Dairəvi Günbəddə baştağ iri ölçülü olmaqla türbənin ən zəngin bəzəkli elementidir. Kaşı lövhələri baştağın kufi xəttli gözəl kitabələrinə və həndəsi quruluşlarına uğurla daxil edilmişdir.
