Dalğa Gənclər Hərəkatı

12 fevral 2005-ci ildə Azərbaycan Dövlət İqtisad Universitetinin bir qrup tələbəsi Azərbaycanda liberal dəyərlərin yayılması, gənclərin Azərbaycanımızın demokratikləşməsi, vətəndaş cəmiyyəti və hüququ dövlət quruculuğu istiqamətində aktiv iştirakını təşkil etmək üçün hər hansı bir qurumun yaradılması təklifi ilə çıxış etmişdir. Tezliklə Azərbaycanın digər universitetlərindən 130-dan çox gənc bu ideyaya qoşulmuşdur ki, onlardan 41-nin iştirakı ilə yeni bir qurumun təşkilat komitəsi yaradılmışdır (5 aprel, 2005-ci il). Təşkilat komitəsi qurumun adını Dalğa Gənclər Hərəkatı, fəaliyyət istiqamətini isə ictimai sektorda fəaliyyət göstərən QHT olunması qərarını qəbul etmişdir. 2005-ci il aprel ayının 22-də Dalğa Gənclər Hərəkatı cəmiyyətə öz priaritetlərini açıqlamış və bu priaritetlər əsasında bu günə qədər fəaliyyət göstərməkdədir. • Tələbələrin hüquqlarını müdafiə məqsədi ilə "Tələbələrin Hüquqlarını Müdafiə Komitəsi" yaradılmışdır. Bu komitə tələbələrə qarşı universitet rəhbərliyi və ya müəllimlər tərəfindən edilən hər hansı təzyiqin qarşısını almaq, həmçinin tələbələr arasında müxtəlif vərəqələr yaymaqla, onlara seminar-treyninqlər keçərək hüquqlarını bilməyi və onları müdafiə etməyin yollarını aşılamağa çalışmaqdadır. • Gənclərin problemlərini öyrənmək məqsədilə analitik qrup yaradılmışdır. Bu qrup tərəfindən gənclər arasında müxtəlif sorğular keçirdilərək, onların əsas hesab etdikləri və qarşılaşdıqları problemləri öyrənməyə çalışmışdır. Bu məqsədlə təhsildə tələbələrin qarşılaşdıqları problemlər, kitab çatışmazlığı araşdırılaraq, əldə olunan nəticələr və onların həlli ilə bağlı təklifləri aidiyyatı orqanlara çatdırır. • Hərəkatın tərkibində İctimai-Fəlsəfi Klub yaradılmışdır (17 sentyabr, 2005). Klubu yaratmaqda məqsəd gənclər arasında ümumbəşəri dəyərli yaymaq, maarifləndirmə işini aparmaq, həmçinin müxtəlif ziyalılarla gənclərin görüşlərini təşkil etməkdir. • Region gəncləri arasında maarifləndirmə işini həyata keçirmək, şəhər gəncləri ilə region gəncləri arasında şəbəkələşməni yaratmaq, könüllülük, humanizm kimi bəşəri dəyərləri yaymaq məqsədi ilə "Təhsil könüllüləri" layihəsini həyata keçirməkdədir. Bu layihə çərçivəsində Azərbaycanın müxtəlif regionlarına, xüsusən də yay mövsümündə səfərlər edir və bölgələrdə müxtəlif tədbirlər təşkil edilir. • Analitik qrupun apardığı sorğu nəticəsində müəyyənləşdirdiyi, tələbələrin ən əsas problemlərindən birisi də təhsildə rüşvət hallarıdır. Biz də Dalğa Gənclər Hərəkatı olaraq öz növbəmizdə bu problemin aradan qaldırılması üçün "Rüşvətsiz Təhsil" kompaniyasını həyata keçirməkdəyik. 2005-2006 təhsil ilini "Rüşvətsiz 1 (bir) il" elan edərək bu problemin aradan qaldırılması üçün fundamental işlər görülüb. Təhsildə korrupsiyaya qarşı mübarizə bu gün də hərəkatın əsas işlərindən biridir. • Əsas hesab etdiyimiz problemlərin üzərinə cəmiyyətin diqqətini cəlb etmək, həmçinin bəşəri dəyərləri təbliğ etmək məqsədilə müxtəlif aksiyalar həyata keçirməkdəyik. • Biz gənclərin asudə vaxtlarını səmərəli keçirməsi məqsədilə müxtəlif əyləncələri tədbirlər təşkil edilir. Bu tədbirləri keçirməkdə məqsəd dünya mədəniyyətini gənclərə dərsdənkənar fəaliyyətləri vasitəsilə təbliğ etməkdir. • Bütün bunlarla yanaşı, ümumbəşəri dəyərləri və gənclərin qarşılaşdıqları problemləri daha geniş kütlələrə çatdırmaq məqsədilə müxtəlif mətbu orqanlardan istifadə etməkdəyik ki, bunlardan biri də Dalğa Gənclər Hərəkatının layihəsi olan "Alma" qəzetidir. • Demokratik təfəkkürlü gəncləri hazırlamaq üçün Demokratiya Məktəbi yaradılmışdır. Bu layihə çərçivəsində seçilmiş 100 gəncin hazırlanması nəzərdə tutulur. Məktəb ABŞ-ın NED (Demokratiyaya Yardım Fondu) tərəfindən dəstəklənməkdədir. Dalğa Gənclər Hərəkatının ilk sədri Ramin Hacılı olmuşdur (12 aprel, 2005 – 1 sentyabr, 2006). Hərəkatın ikinci sədri Ülvi Həsənli olmuşdur (2 oktyabr, 2006 – 19 sentyabr, 2007). 8 oktyabr 2007-ci ildə keçirilən Qurultayın nəticəsində Vəfa Cəfərova Hərəkatın sədri, Nərmin Namiqqızı isə onun birinci müavini seçilmişdir. Hərəkatın aşağıdakı sahələr üzrə icraçı qrupları vardır. • Təşkilati məsələlər üzrə koordinatorluq • Beynəlxalq əlaqələr üzrə koordinatorluq • Ictimai əlaqələr üzrə koordinatorluq • Ideologiya koordinatorluğu • Media koordinatorluğu • Maliyyə koordinatorluğu • Qadın və gender problemləri üzrə komissiya • Mədəniyyət komissiyası • Elm və təhsil məsələləri üzrə komissiya • Hüquq komissiyası • Layihələrin idarəedilməsi üzrə komissiya

Dalğa Gənclər Hərəkatının nəzarətçi orqanı Qurultay tərəfindən müəyyənləşdirilən Mərkəzi Nəzarət Təftiş komissiyasıdır. Dalğa Gənclər Hərəkatının Gəncədə və Lənkəranda regional ofisləri, Qax və Zaqatalada isə nümayəndəlikləri fəaliyyət göstərməkdədir. Hərəkatın Rusiya, Türkiyə, Almaniya, Norveç və başqa ölkələrdə təmsilçiləri vardır. Dalğa Gənclər Hərəkatı bütün bu fəaliyyətini həyata keçirməkdə könüllülük prinsipinə əsaslanır və öz layihələrini tam azad şəkildə həyata keçirdir. Dalğa Gənclər Hərəkatının qərarverici orqanı İdarə Heyətidir, icraedici orqanı isə kordinatorluqlar, komissiyalar, klublar və sədr aparatıdır. qrantlar • ABŞ-ın Hüquqşünaslar Asossiasiyayasının maliyyə dəstəyilə "Rüşvətsiz Təhsil" yapışqanları hazırlanmışdır. Yapışqanların sayı 400 ədəd olmuşdur. Maliyyə yardımı isə 200$ həcmində olmuşdur (10 noyabr, 2005). • ABŞ-ın NED fondu tərəfindən Demokratiya Məktəbi layihəsi dəstəklənməkdədir. Bu layihənin icrası üçün 18835$ həcmində vəsaitin ayrılması nəzərdə tutulur (1 oktyabr, 2007 – 1 oktyabr, 2008).

ane olmaqla məşğul idisə, "Susmayan gənclik" Dalğanın gördüyü işlərdən, gəncliyə qarşı diskriminasiya siyasətindən, qadın problemlərindən və Azərbaycanda demokratiyanın inkişafı prosesində ortaya çıxan əngəllərdən danışıb və uyğun təkliflər veriblər. • 15 dekabr 2007-ci ildə Qadın Krizis Mərkəzinin rəhbəri Mətanət Əzizovanın iştirakı ilə qadın alverinə yol açan səbəblər mövzusunda seminar keçirilib. • 16 dekabr 2007-ci ildə "Həmrəylik party"-si keçiriləcək. Party-də Azərbaycanda təhsil alan bütün xarici ölkələrdən tələbələrin iştirakı gözlənilir.Tədbir "Biz öncə insanıq!" şüarıyla keçirilib. • 24 dekabr 2007-ci ildə Dalğa Gənclər Hərəkatının fəalları Bakı Dövlət Universitetinin 5 nömrəli yataqxanada məskunlaşan və su qıtlığı yaşayan məcburi köçkünlərin problemlərini qabartmaq məqsədilə "Su şəffaflığın başlanğıcıdır" şüarı ilə aksiya keçirmişdir. Aksiya zamanı gənclər məcburi köçkünlərin su mənbəyi kimi istifadə etdikləri və yataqxanadan 300 metr uzaqlıqda yerləşən krandan su daşımışlar. • 14 yanvar 2008-ci ildə Dalğa Gənclər Hərəkatı RİA-Novosti İnformasiya Agentliyinin Konfrans zalında mətbuat konfransı keçirmişlər. Mətbuat konfransında təhsilini davam etdirmək üçün Gürcüstana gedən Vəfa Cəfərovanı onun olmayacağı müddətdə əvəz edəcək Araz Qasımov ictimaiyyətə təqdim olunmuş, eləcə də Hərəkatın 2008-ci il üçün seçilmiş strategiyası cəmiyyətə açıqlanmışdır. • 25 yanvar 2008-ci ildə Dalğa Gənclər Hərəkatı Rəsulzadənin adının əbədiləşdirilməsi ilə bağlı Prezidentə müraciət ünvanlamışlar. • 30 yanvar 2008-ci ildə Dalğa Gənclər Hərəkatı Beynəlxalq Mətbuat Mərkəzində (BMM) "Rəsulzadə və Azərbaycan Xalq Cumhuriyyəti: Gələcək inkişafımızda hansı dəyərlərə istinad etməliyik?" mövzusunda tədbir keçirmişdir. Tədbirdə gənc ziyalılar və Dalğa Gənclər Hərəkatının media koordinatoru Rəsulzadənin adının əbədiləşdirilməsini vacib olduğunu çıxışlarında qeyd etmişlər. • 31 yanvar 2008-ci ildə Dalğa Gənclər Hərəkatının üzvləri Rəsulzadənin ad günü qeyd etmək məqsədi ilə şəhərin 7 müxtəlif yerində aksiya keçirmək qərarına gəlmişlər. Lakin, aksiyanın başlamasına bir neçə saat qalmış 3 nəfər hərəkatçının saxlanması, aksiyanın yalnız bir məkanda keçirilməsi zərurətini yaratmışdır. Aksiyada ümumilikdə 11 Hərəkat üzvü saxlanmışdır. Onlardan 8-i Məhkəməyə verilmiş və onlara 301 və 310-cu maddələrlə yazılı xəbərdarlıq olunmuşdur. • 1 fevral 2008-ci ildə Dalğa Gənclər Hərəkatın rəhbərliyi Böyük Britaniyanın Azərbaycandakı səfirinin Siyasi Məsələlər üzrə Müşaviri cənab Deklan Bön (Declan Byrne) ilə görüşüblər • 12 fevral 2008-ci ildə Dalğa Gənclər Hərəkatı "Jazz Center"də yaranmasının 3-cü il dönümü münasibətilə tədbir keçirmişdir. • 14 fevral 2008-ci ildə Dalğa Gənclər Hərəkatının rəhbərliyi ABŞ-ın Azərbaycandakı səfirliyinin İctimai Əlaqələr Şöbəsinin müdiri cənab Conatan Henik (Jonathan Henick) ilə görüşüblər