Dilarə Kazımova

Vikipediya, açıq ensiklopediya
Keçid et: naviqasiya, axtar
Dilarə Kazımova
Avroviziya 2014-ün açılışında
Avroviziya 2014-ün açılışında
Ümumi məlumatlar
Doğum tarixi 20 may 1984 (1984-05-20) (30 yaş)
Bakı, Azərbaycan SSR, SSRİ
Vətəndaşlıq Flag of Azerbaijan.svg Azərbaycan
Mənşə azərbaycanlı
Üslublar caz, rok.
Əlaqələri Unformal, Milk & Kisses

Dilarə Kazımova (doğum 20 may 1984-cü il, Bakı, Azərbaycan SSR, SSRİ) — azərbaycanlı müğənni, aktrisa. Milk and Kisses qrupunun keçmiş üzvüdür. Avroviziya 2014 müsabiqəsində Azərbaycanı təmsil etmişdir.

Həyatı[redaktə]

Dilarə Kazımova 20 may 1984-cü ildə Bakıda anadan olub. Üzeyir Hacıbəyli adına Bakı Musiqi Akademiyasını bitirib, ixtisası – opera vokalıdır. İkinci təhsilini incəsənət gimnaziyasında alıb.[1]

Dilarə Kazımova ilk dəfə 2008-ci ildə Avroviziya Mahnı Müsabiqəsinin milli seçim turlarının iştirakçısı olub. "Unformal" qrupunun tərkibində milli seçimlərin final mərhələsini ikinci yerdə başa vurub.[2] İkinci dəfə 2010-cu ildə Avroviziya seçim turlarına qatılıb. Bu dəfə Milk and Kisses qrupunun solisti kimi seçim turunda iştirak edib və yenə də qalib ola bilməyib. Elə həmin il Dilarə Latviyanın Yurmala şəhərində keçirilən "Yeni Dalğa 2010" müsabiqəsinin laureatı olub.[2]

Dilarə 2014-cü ildə də Azərbaycanı təmsil etmək üçün Avroviziya seçim turlarında iştirak edib. O, milli seçim turu olan Böyük Səhnə layihəsinin qalibi olub və Azərbaycanı Avroviziyada təmsil etmək hüququ qazanıb.[3] Dilarə mayın 6-da Danimarkanın paytaxtı Kopenhagendə keçirilmiş I yarımfinal mərhələsində 8-ci nömrə altında "Start a Fire" (azərb. Bir qığılcım) mahnısını ifa edib. Dilarə həmçinin 2014-cü ildə Ukraynada keçirilən Səs (ukr. Голос країни) müsabiqəsinə qatılıb və ilk mərhələni uğurla keçib.[3]

Heyvanları sevir və prinsipial olaraq xəz geyinmir.[4]

Filmoqrafiya[redaktə]

  1. Çalış, nəfəs alma (film, 2006)
  2. Sirat körpüsü (film, 2007)

Həmçinin bax[redaktə]

İstinadlar[redaktə]

  1. "Dilarə Kazımovanı daha yaxından tanıyaq!" (azərb.). İtv.az. 25 aprel 2014. http://itv.az/az/eurovision-2014/dilarae-kaz-movan-daha-yakh-ndan-tan-yag. İstifadə tarixi: 2 may 2014. 
  2. 2,0 2,1 "About Dilara Kazimova" (ingilis). Avropa Yayım İttifaqı. Eurovision.tv. http://www.eurovision.tv/page/history/year/participant-profile/?song=31203. İstifadə tarixi: 2014-05-02. 
  3. 3,0 3,1 Aysel Qurbanzadə (3 mart 2014). "Azərbaycanın "Eurovision" təmsilçisi Dilarə Kazımova kimdir?" (azərb.). Anspress.com. http://www.anspress.com/index.php?a=2&lng=az&nid=256738. İstifadə tarixi: 2 may 2014. 
  4. ""Eurovision-2014" təmsilçimiz bəlli oldu" (azərb). Səs İnformasiya Agentliyi. 1 mart 2014. http://sia.az/en/news/culture/396492-eurovision-2014-temsilcimiz-belli-oldu. İstifadə tarixi: 2 may 2014. 

Xarici keçidlər[redaktə]

Əvvəlki:
Hold Me mahnısı ilə
Fərid Məmmədov
Azərbaycan Avroviziya Mahnı Müsabiqəsində
2014
Sonrakı:
-