Dmitri Medvedyev
Vikipediya, açıq ensiklopediya - ویکیپدیا ، آچیق انسایکلوپدیا
| DMİTRİ MEDVEDEV | |
 |
|
| Tam adı | Dmitri Anatolyeviç Medvedev |
| Doğum tarixi | 1965 |
|
|
|
Dmitri Anatolyeviç Medvedev (Rusca: Дмитрий Анатольевич Медведев; 14 sentyabr 1965, Leninqrad) - Sankt-Peterburqlu rus siyasətçisidir. Rusiyanın Presidenti.
14 noyabr, 2005-ci ildə Vladimir Putin tərəfindən birinci Rusiya dövlət başçısının köməkçisi olaraq işə götütüldü və iki il sonra 10 dekabr, 2007-ci ildə yeni Rusiya dövlət başçısı namizədliyi irəli sürüldü. Dmitri Medvedev 1965-ci il sentyabr ayının 14-də Rusiyanın Sankt-Peterburq şəhərində ziyalı ailəsində anadan olub.
Dmitri 1989-cu ildə eyni məktəbdə təhsil alan Svetlana Linnik ilə evlənib. Maliyyə-İqtisad universitetindən məzun olan Linnik hazırda Moskvada işləməklə yanaşı, Sankt-Peterburqda ictimai fəaliyyətlə məşğuldur. Dmitrinin İlya adlı oğlu var.
Mündəricat |
[redaktə / تحریر] Həyatı
Atası Anatoli Medvedev Leninqrad Texnologiya İnstitutunun professoru, anası Yuliya Venyaminova isə Leninqrad Pedoqoji İnstitutunun filoloqu olub. Dmitri ailənin yeganə övladıdır.
1987-ci ildə Leninqrad Dövlət Universitetinin Hüquq fakültəsinin Vətəndaş Hüququ bölməsini bitirən Dmitri 1990-cı ildə həmin universitetin aspirantura pilləsi üzrə təhsilini başa vurur. D. Medvedev hüquq elmləri namizədi, dosent, Sankt-Peterburq Dövlət Universitetinin Hüquq fakültəsinin fəxri doktorudur.
Tələbəlik illərində rok musiqisinə maraq göstərən Dmitri, (onun sevimli rok qrupları “Black Sabbath” və “Ossi Osborn” idi) bununla yanaşı, idmanın ağır atletika növündə də özünü sınayıb.
[redaktə / تحریر] Fəaliyyəti
Dmitri Medvedev 1990-cı ildən 1999-cu ilə qədər Sankt-Peterburq Dövlət Universitetində pedaqoq kimi fəaliyyət göstərib. Digər tərəfdən, Sankt-Peterburq Şəhər Sovetinin sədri Anatoli Sobçakın köməkçisi, Sankt-Peterburq meriyasının Xarici Əlaqələr üzrə eksperti, yəni Vladimir Putinin komandasında fəaliyyət göstərmişdir. Buna görə də çoxları onu Putinin katibi hesab edirdilər.
Dmitri Medvedev 1993-cü ildə meşə sənayesi bazarında Rusiyanın nəhəng şirkətlərindən hesab edilən “İLİM PALP İNTERPRİCE” şirkətinin qurucularındandır. Bu şirkətdə hüquqi məsələlər üzrə direktor vəzifəsini icra edən Dmitri səhmlərin 20%-ə malik idi.
[redaktə / تحریر] Siyasi fəaliyyəti
Biznes dünyasında olduğu kimi, Dmitrinin siyasi karyerası da getdikcə yuxarıya doğru istiqamət alırdı. Belə ki, o, 1999-cu ildə Rusiya Federasiyası Hökumət Aparatının rəhbəri Dmitri Kozakın müavini təyin olunur.
1999-2000-ci illərdə o, RF-nin prezident administrasiyası rəhbərinin müavini postuna təyin olunur. Dmitri prezident seçkiləri zamanı V. Putinin seçkiqabağı ştabına rəhbərlik edib. 2000-2003-cü illərdə RF-nin prezident administrasiyası rəhbərinin birinci müavini postuna yiyələnən Medvedev 2003-cü ilin noyabr ayından 2005-ci ilədək Rusiya prezident administrasiyasının rəhbəri vəzifəsini icra edib.
2007-ci il dekabr ayının 10-da “Vahid Rusiya” partiyasından prezidentliyə namizədliyini irəli sürən Dmitrini digər bir neçə partiya da dəstəkləyib. Bundan sonra Putin onun namizədliyini dəstəklədiyini bildirir. Medvedevin prezidentliyə namizədliyi keçmiş Yeltsin komandasının üzvlərinin və Putinin maraqları ilə üst-üstə düşürdü. Buna görə də Dmitri 2005-ci ilin noyabrında baş nazirin birinci müavini təyin olunub.[1]
