Dovdaq

Status. Nadir, qışlayan növdür.
Yayılması. Əvvəllər Qızılağac qoruğunda, Acınohur, Muğan və Şirvan çöllərində rast gəlinirdi. Hazırda Kür-Araz ovalığının çöl rayonlarında müşahidə edilir.
Yaşayış yeri. Çöllərdə açıq sahələrdə yaşayır.
Təbiətdə sayı. Bəzi illərdə tək-tək fərdlərə təsadüf edilir.
Çoxalması. Keçən əsrin 50-ci illərinə qədər çox cüzi miqdarda yuvalayırdı. Hazırda yuvalaması müşahidə edilmir.
Rəqibi, düşməni, xəstəliyi. Yumurta qoyulmuş yuvaları mal – qara tapdalayır, balalar tülkü və yırtıcı quşlar tərəfindən məhv edilir.
Sayının dəyişilmə səbəbləri. Münasib yaşayış sahələrinin azalması. Qeyri-qanuni ov.
Qorunması üçün zəruri tədbirlər. Qorunmasına ciddi əməl edilməsi. Yuva biotoplarını bərpa etmək, sonradan təbiətə buraxılmaqla volyerlərdə çoxaldılma təcrübəsini həyata keçirmək. Xam torpaqları şumlayarkən bu quşların yuvaladığı sahələrə toxunmamaq.

Quş ilə əlaqədar bu məqalə qaralama halındadır. Məqaləni redaktə edərək Vikipediyanı zənginləşdirin.