Drastamat Kanayan

Vikipediya, açıq ensiklopediya
Keçid et: naviqasiya, axtar
Drastamat Kanayan
Qeneral Dro.png
Doğum tarixi: 1 may 1883(1883-05-01)
Doğum yeri: İrəvan quberniyası, Rusiya imperiyası
Vəfatı: 8 mart 1956 (72 yaşında)
Vəfat yeri: Boston, ABŞ
Həyat yoldaşı: Qayane Kanayan
Milliyyəti: erməni

Drastamat Kanayan (və ya General Dro) (erm. Դրաստամատ Մարտիրոսի Կանայան) (1 may 1883, İrəvan quberniyası8 mart 1956, Boston, ABŞ) — erməni dövlət xadimi, terrorçu, hərbi cinayətkar.

Həyatı[redaktə]

Drastamat Kanayan Gimnaziyada təhsilini bitirdikdən sonra Pyatiqorsk şəhərində hərbi təhsil alır, 1903-cü ildə Daşnaksütun partiyasına qoşulur.

1905-ci ildə Bakı qubernatoru Nakaşidzeyə qarşı sui-qəsddə iştirak edir və onun faytonuna bomba atır. Partlayış nəticəsində qubernator həlak olur. Bundan sonra Kanayan Qafqazdan qaçır, İrandaTürkiyədə yaşayır, Türkiyədəki erməni dəstələri üçün silah qaçaqmalçılığı ilə məşğul olur.

Birinci dünya müharibəsi[redaktə]

Drastamat Kanayan I dünya müharibəsi zamanı türklərə qarşı vuruşan və dinc əhaliyə qarşı kütləvi qırğınlar törədən erməni dəstələrindən birinə başçılıq edir. O, 1920-ci ildə Qarabağda Azərbaycan ordusuna qarşı döyüşlərdə iştrak edir və məğlubiyyətə uğrayaraq geri çəkilir. 1920-ci ilin noyabrında Ermənistan respublikasının hərbi naziri olur.

Daşnak hökuməti süquta uğrayandan sonra, 1921-ci ilə qədər Sosialist Ermənistanının ordusuna rəhbərlik edir. Bolşeviklərə qarşı daşnakların 1921-ci ilin fevralında qaldırdığı üsyanda aktiv iştrak edir, üsyan yatırıldıqdan sonra Ermənistandan qaçır.

İkinci dünya müharibəsi[redaktə]

II dünya müharibəsi zamanı Kanayan Qareqin Njde ilə birlikdə, faşistlərin tərəfində döyüşür və erməni hərbi birləşmələrinin təşkilində fəal iştirak edir. O, kəşfiyyat və diversiya məqsədləri üçün ermənilərdən ibarət və fəaliyyəti Simferopolda yerləşən "Dromedar" təşkilatı tərəfindən koordinasiya edilən qruplar yaradır, bu təşkilata rəhbərliyi bilavasitə, həyata keçirir.

1942-ci ilin dekabrında General Dro və erməni yazıçısı Qaro Gevorkyan, Henrix Himmlerin qəbulunda olur və ona pastor Lepsiusun "Erməni xalqının ölümcül yürüşü" kitabını təqdim edirlər. Himmlerin və General Dronun çağırışı ilə 30 minə qədər erməni alman ordusuna qatılır və döyüşlərdə iştirak edir. Müharibənin sonuna yaxın Qareqin Njde Stalinə ünvanladığı məktubda General Dro barədə bu sözləri yazır:

"Mən vətən xaini Dronun Ermənistana yönəlmiş planlarını mümkünsüz etdim."

Mühacirət[redaktə]

Müharibədən sonra General Dro ABŞ-a qaçır və oradakı erməni diasporunun həyatında fəal iştirak edir, həmçinin Daşnaksütünla da əlaqələrini genişləndirir.

O, ABŞ ilə yanaşı Livanda da yaşayır, bu ölkədəki erməni təşkilatlarının işində iştirak edir.

Həmçinin bax[redaktə]

Erməni terrorizmi

Xarici keçidlər[redaktə]