Eduard Məmmədov

Vikipediya, açıq ensiklopediya
Keçid et: naviqasiya, axtar
Eduard Məmmədov
Eduard Məmmədov
Eduard Məmmədov.jpg
Doğum tarixi: 2 yanvar 1978 (1978-01-02) (36 yaş)
Doğum yeri: Bakı, Azərbaycan SSR
Vətəndaşlıq: Flag of Azerbaijan.svg Azərbaycan
Peşəsi: Polis
Fəaliyyəti: Kikboksçu
Məşqçi
Karyera: 1993-bugünədək
Mükafatları: "Vətən uğrunda" medalı

Eduard Tofiq oğlu Məmmədov (2 yanvar 1978, Bakı) — polis polkovnik-leytenantı, "ağ canavar" ləqəbli azərbaycanlı kikboksçu, 15 qat Azərbaycan çempionu.[1]

Həyatı[redaktə]

Eduard Məmmədov 1978-ci il, 2 yanvar tarixində Bakı şəhərində anadan olmuşdur. 1996-1999-cu illərdə Hərbi Ordu İdman Klubunda hərbi xidmət keçib. 1999-cu ildə İdman Akademiyasına daxil olub, 2004-cü ildə ali məktəbi bitirib. 2004-cü ildə Polis Akademiyasına daxil olub və 2008-ci ildə təhsilini müvəfəqiyyətlə başa vurub. Hal-hazırda Daxili İşlər Nazirliyində işləyir, polis polkovnik-leytenant rütbəsinədir və öz fəaliyyətinə görə bir sıra mükafatlara layiq görülüb. Bundan başqa, Eduard Məmmədov Polis Akademiyası nəzdində İdarəetmə və ixtisasartırma fakültəsini bitirərək, üçüncü ali təhsilini almışdır.

O, 1993-cü ildən peşəkar kikboksinqlə məşğuldur. Bu ildən hal-hazırda Milli Məclisin deputatı Adil Əliyevin başçılıq etdiyi Azərbaycan Kikboksinq Federasiyasının idmançısıdır. "Neftçi" klubu uğrunda iştirak edir. İlk qələbəsini 1995-ci ildə, Azərbaycanda keçirilmiş ilk çempionatda qazanıb. Eduardın məşqçisi Azərbaycan Respublikasının əməkdar məşqçisi Çingiz Eyvazovdur.

Eduard Məmmədov 1997-ci ildə Azərbaycan Respublikası, 1999-cu ildə isə beynəlxalq idman ustası adını almışdır. 2007-ci ildə Azərbaycan Respublikası Prezidenti İlham Əliyevin fərmanı ilə "Vətən uğrunda" medalı ilə mükafatlandırılmışdır. 25 dekabr, 2009-cu ildə Azərbaycan Respublikası Prezidenti İlham Əliyev tərəfindən qeyri-olimpiya idman növünün inkişafında xüsusi xidmətlərə görə Fəxri Fərmanla təltif edilib. 2011-ci ilin noyabr ayının 23-də Buta Palasda keçirilən tədbirdə Eduard Məmmədov ilin ən yaxşı idmançısı adına layig görülüb. 5 mart, 2013-cü ildə Azərbaycan Respublikasının əməkdar məşqçisi adına layiq görülüb.

2009-cu ilin iyununda Eduard Məmmədov İspaniyada World Profi versiyası üzrə keçirilən dünya çempionatını qazanaraq, Low Kick və K-1 bölmələrində 2 qızıl medal, oktyabrda WAKO Low Kick versiyası üzrə Avstriyada keçirilən dünya çempionatını, noyabrda isə WAKO Full Contact versiyası üzrə İtaliyada keçirilən dünya çempionatını qazanıb. Bu nəticə - bir il ərzində 3 dünya çempionatından medallar gətirmək dünya kikboksinq tarixində presedentsiz hal sayılır. Ən parlaq və yaddaqalan qələbə 2000-ci ildə Yunanıstanda dünya çempionatında qazanılıb. Eduard Məmmədov rəqibini 15 saniyəyə nokaut vəziyyətinə salmışdır.

Hal-hazırda o, yarışlarda həm də döyüşçü kimi iştirak edən yeganə çalışan məşqçisidr. Məşqçi fəaliyyətinə 2000-ci ildə başlayıb. Onun tələbələri arasında dəfələrlə dünya və Avropa çempionları olmuş idmançılar var. Ailəlidir, iki övladı var.

Nailiyyətləri[redaktə]

  • 15 qat Azərbaycan çempionu;
  • 19 qat dünya çempionu (IKBO, WAKO, World Profi və IAKSA)
  • 6-qat Avropa çempionu (WAKO, World Profi and IAKSA);
  • Dəfələrlə peşəkar turnirlərin qalibi (WAKO, World Profi and IAKSA);
  • Dəfələrlə Asiya və Avrasiya çempionu (WAKO, World Profi and IAKSA);
  • Dəfələrlə peşəkar turnirlərin qalibi (WAKO, World Profi and IAKSA);
  • 5 qat 3-cü yer sahibi (dünya) (WAKO, World Profi and IAKSA);
  • 7 qat 2-ci yer sahibi (dünya) (WAKO, World Profi and IAKSA);
  • 3 qat 2-ci yer sahibi (Avropa) (WAKO, World Profi and IAKSA);
  • 2-qat Heydər Əliyev Kubokunun sahibi
  • Peşəkarlar arasında ANS kubokunun qalibi;
  • WAKO versiyası üzrə dünya kubokunun sahibi;
  • WAKO-PRO versiyası üzrə ən nüfuzlu interkontinental kəmərin sahibi;
  • Kəmərin müdafiəsi üçün keçirilən 2 peşəkar döyüşdə inamlı qələbələr qazanılıb. İlk döyüşdə - türkiyəli kikboksçu Şakir Kaymaza, ikincidə isə ispan Oskar Ruedaya qarşı;
  • WAKO, World Profi və IAKSA-nın versiyaları üzrə 15 qat dünya çempionu;
  • İKBO versiyası üzrə peşəkarlar arasında dünya çempionu (2012-Bakı).

İstinadlar[redaktə]

  1. http://www.eduardmammadov.com/az/biography.html

Xarici keçidlər[redaktə]