Eksudat (tibb)

Eksudat - lat. exudo - xaricə çıxmaq; lat. exudatum: eks- + sudo, sudatum - tərləmək deməkdir. Bulanıq, zülalla və hüceyrələrlə zəngin, hematogen və histogen mənşəyli maye olub iltihab yerində hasil olur. Kəskin iltihaba xas eksudatın tərkibində neytrofillər, xroniki iltihaba xac eksudatda limfositlər və monositlər, allergik eksudatda isə eozinofillər üstünlük təşkil edirlər. İnfeksiyalaşmış eksudatda adətən xəstəlik törədici bakteriyalara rast gəlinir. Bu məqsədlə bakterioloji dioqnostik müayinə üçün eksudat müayinə materialı baxımından böyük əhəmiyyət kəsb edir.