Elşad İskəndərov

Vikipediya, açıq ensiklopediya
Keçid et: naviqasiya, axtar
Elşad İskəndərov
Elşad Hüseyn oğlu İskəndərov
Elşad İskəndərov
Bayraq
Azərbaycan Respublikasının Dini Qurumlarla İş üzrə Dövlət Komitəsinin 3-cü sədri
Bayraq
31 may 2012 — 2 may 2014
Sələfi: Hidayət Orucov
Xələfi: Mübariz Qurbanlı
 
Təvəllüdü: 21 may 1972 (1972-05-21) (42 yaş)
Flag of the Soviet Union.svg SSRİ
Flag of Azerbaijan SSR.svg Azərbaycan SSR, Bakı
Atası: Hüseyn İskəndərov
Uşaqları: 3 övladı var:
oğlanları:
Hüseyn İskəndərli
Əli İskəndərli
qızı:
Leyla İskəndərli

Elşad İskəndərov — Dialoq və Əməkdaşlıq Uğrunda İslam Konfransı Gənclər Forumunun sədri[1]; Azərbaycan Respublikasının fövqəladə və səlahiyyətli səfiri[2]; Azərbaycan Respublikasının Dini Qurumlarla İş üzrə Dövlət Komitəsinin sədri (2012[3]-2014[4])

Həyatı[redaktə]

21 may 1972-ci ildə Bakı şəhərində anadan olmuşdur.

Təhsili[redaktə]

1988-ci ildə Bakı şəhəri 8 saylı orta məktəbi qızıl medal ilə bitirmişdir.

1993-cü ildə Bakı Dövlət Universitetinin tarix fakültəsini fərqlənmə diplomu ilə bitirmişdir.

2002-2004-cü illərdə ABŞ-ın Kolumbiya Universitetində "Beynəlxalq Münasibətlər" ixtisası üzrə magistratura təhsili almışdır.

Karyerası[redaktə]

1993-1995-ci illərdə Azərbaycan Respublikası Milli Elmlər Akademiyasının "Tarix" qəzetinin redaktoru vəzifəsini icra etmişdir.

1999-cu ildən Azərbaycan Respublikası Xarici İşlər Nazirliyində fəaliyyətə başlamışdır.

2000-2005-ci illərdə Azərbaycanın BMT-dəki Daimi Nümayəndəliyinin I katibi vəzifəsində çalışmışdır.

2004-cü ildə Dialoq və Əməkdaşlıq uğrunda İslam Konfransı Gənclər Forumunun Baş Katibi seçilmişdir.

2007-ci ildən İslam Konfransı Təşkilatı Dialoq və Əməkdaşlıq uğrunda gənclər forumunun İstanbulda yerləşən baş ofisində baş katib vəzifəsində çalışmışdır.

2009-cu ilin mart ayında Azərbaycan Respublikası Prezidentinin sərəncamı ilə Elşad İskəndərova Azərbaycan Respublikasının Fövqaladə və Səlahiyyətli Səfir rütbəsi verilmişdir[2].

31 may 2012-ci ildə Azərbaycan Respublikasının Dini Qurumlarla İş üzrə Dövlət Komitəsinin sədri vəzifəsinə təyin edilmişdir və 2 may 2014-cü ilədək bu vəzifədə çalışmışdır[3].

11 oktyabr 2014-cü ildə Dialoq və Əməkdaşlıq uğrunda İslam Konfransı Gənclər Forumunun sədri vəzifəsinə seçilmişdir.[1]

İctimai-siyasi fəaliyyəti[redaktə]

1995-ci ildə Azərbaycan Gənclər Təşkilatları Milli Şurasının təsisçilərindən olmuşdur. Sonrakı illərdə Milli Şuranın sədr müavini olmuşdur.

Ailəsi[redaktə]

Ailəlidir, 3 övladı - Hüseyn və Əli adlı oğlu, Leyla adlı qızı var[5].

İstinadlar[redaktə]

  1. 1,0 1,1 İslam Əməkdaşlıq Təşkilatı Gənclər Forumunun yeni sədri seçildi. trend.az, 11.10.2014. (azərb.)
  2. 2,0 2,1 Azərbaycan Respublikası Prezidentinin "E.H.İsgəndərova Azərbaycan Respublikasının Fövqəladə və Səlahiyyətli Səfiri diplomatik rütbəsi verilməsi haqqında" 5 mart 2009-cu il tarixli, 193 nömrəli Sərəncamı. e-qanun.az (azərb.)
  3. 3,0 3,1 E.H.İskəndərovun Azərbaycan Respublikasının Dini Qurumlarla İş üzrə Dövlət Komitəsinin sədri təyin edilməsi haqqında Azərbaycan Respublikası Prezidentinin Sərəncamı. president.az (azərb.)
  4. E.H.İskəndərovun Azərbaycan Respublikasının Dini Qurumlarla İş üzrə Dövlət Komitəsinin sədri vəzifəsindən azad edilməsi haqqında Azərbaycan Respublikası Prezidentinin Sərəncamı. president.az (azərb.)
  5. Elşad İskəndərov haqqında icyf-dc.org