El-Hierro

Vikipediya, açıq ensiklopediya
Keçid et: naviqasiya, axtar

El-Hierro adasıKanar adalarında, Atlantik okeanda, Afrika materikinin şimal-şərq sahillərində yerləşir. O, adalar qrupunun yeddi böyük adalarından biri olub, ən qərbdə, La Palma adasının cənubunda və La Gomera adasının cənub-qərbində yerləşir.

Etimologiya[redaktə]

Kanar adalarının yeddi böyük adasından biri olan El-Hierronun əvvəlki adı Ferro olmuşdur. Belə ki, oykonimin mənası ingilis dilində iron, latın dilində ferrum, portuqal dilində ferro, qalis dilində ferro, fransız dilində fer, ispan dilində hierro kimi səslənən dəmir deməkdir[1]. XVIII əsrdən etibarən adaya portuqlca Ferro, fransızca L'île de Fer, latınca Insula Ferri adları verilmişdir.

Coğrafiya[redaktə]

El-Hierro vulkanik mənşəli adadır. Sahəsi 278 km²–dir. Ən yüksək nöqtəsi Palpaso olub 1.501 metr təşkil edir. Adanın vulkanları aktivdir. Valverdedə olan "Instituto Vulcanológıco de Canarias" seysmik stansiyası 17 iyul 2011-ci il tarixində adada bir sıra zəlzələlər qeydə almışdır. Həmçinin 11 noyabr 2011-ci il tarixdə 4,6 bal gücündə zəlzələ baş verib. Bu barədə İspaniyanın Milli Coğrafiya İnstitutu məlumat yayıb. Zəlzələ nəticəsində adanın mərkəzi avtomobil yolu dağılıb. Zəlzələnin ocağı 17-24 km dərinliyində aşkarlanıb. Bu, iyulun əvvəlindən qeydə alınmış ən güclü yeraltı təkan kimi qeydə alınıb.[2]

İnzibati quruluş və əhali[redaktə]

El Hierro adasının aerokosmik görüntüsü

El-Hierro İspaniyanın Kanar adaları Muxtar Birliyinə aid Santa-Kruz da Tenerife əyalətinin bir hissəsidir. Mərkəzi Valverde şəhəridir. Ada əhalisi 2010-cu ilin məlumatına görə 10 960 nəfərdir ki, bunun 5 035 nəfəri ada mərkəzində yaşayır. Valverdedə "Cabildo da El Hierro" (El-Hierro Məclisi) yerli idarəsi var. Adada 3 bələdiyyə fəaliyyət göstərir: La-Frontera, El-Pinar, Valverde.

Bütün Kanar adaları olduğu kimi El-Hierro adası da turistləri cəlb edən turizm mərkəzidir.

Flag of El Hierro.svg Escudo El Hierro vectorized.svg
El-Hierro bayrağı El-Hierro gerbi

İstinadlar[redaktə]

  1. Roman dilləri-Dəmir sözü
  2. İspaniyada zəlzələ-El Hierroda zəlzələ