Elbrus Allahverdiyev

Vikipediya, azad ensiklopediya
Naviqasiyaya keçin Axtarışa keçin
Elbrus Allahverdiyev
Elbrus Hacı oğlu Allahverdiyev
Şəxsi məlumatlar
Doğum tarixi
Doğum yeri Gəncə şəhəri
Vəfat tarixi (34 yaşında)
Vəfat yeri Şelli, Ağdam rayonu
Vəfat səbəbi Şəhid
Dəfn yeri Gəncə, Şəhidlər Xiyabanı
Vətəndaşlığı SSRİ SSRİ
Azərbaycan Azərbaycan
Uşaqları Aynurə, Sevinc və oglu Elbrus
Atası Allahverdiyev Haci
Anası Allahverdiyeva Antige
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Quru qoşunları
Xidmət illəri 1992-1993
Rütbəsi Leytenant
Döyüşlər Qarabağ müharibəsi
Təltifləri "Qızıl Ulduz" medalı

Elbrus AllahverdiyevAzərbaycanın Milli Qəhrəmanı; Qarabağ müharibəsi şəhidi.

Həyatı[redaktə | mənbəni redaktə et]

27 oktyabr 1958-ci ildə Gəncə şəhərində fəhlə ailəsində anadan olub.[1] 18 saylı məktəbi bitirdikdən sonra 1976-1978-ci illərdə Sovet Ordusunda hərbi xidmətdə olmuşdur. 1990-cı ildə Orconikidze Kənd Təsərrüfatı İnstitunu bitirmişdir. O bir müddət Vladiqafqazda yaşayır, erməni faşistlərinin vətənimizə təcavüzünü eşidən Elbrus Azərbaycanımıza dönür və könüllü olaraq 17 may 1992-ci il cəbhəyə yollanır.[1]

Döyüşlərdə iştirakı[redaktə | mənbəni redaktə et]

Elbrus Allahverdiyev Azərbaycan Silahlı Qüvvələrimizdə artilleriyanın ilk təşkilatçılarından olur. Ağdam ətrafındakı döyüşlərdə şücaət göstərir və düşmənin xeyli zirehli texnikasını sıradan çıxarır. Ağdərədə Ermənistan Silahlı Qüvvələrinin reaktiv artilleriyasını sərrast atəşlərlə susdurur. 1993-cü il 12 iyun tarixində işğalçılar Ağdam üzərinə hücuma keçərkən Elbrus Allahverdiyev düşmənin xeyli canlı qüvvəsini məhv edir və onlar geri çəkilməyə məcbur edir. Ermənistan hərbi hissələrinin Ağdam rayonuna növbəti hücumu iki gün sonra iyun ayının 14-də olur. Onlar Ağdamın Şelli kəndi istiqamətində irəliləmək istəsələr də Elbrusun Allahverdiyevin dəqiqliyi ermənilərin xeyli itkisi ilə nəticələnir və onlar geri çəkilir.[2]

16 iyunda işğalçıların növbəti hücumu zamanı Elbrus əsgər yoldaşları ilə piyadaların köməyinə gedir o mərmi partlayışından ağır yaralanır. Komandiri hospitala çatdırdılar lakin onu xilas etmək mümkün olmur.

Ailəsi[redaktə | mənbəni redaktə et]

Evli idi, üç övladı yadigar qalıb.

Milli Qəhrəman[redaktə | mənbəni redaktə et]

Azərbaycan Respublikası Prezidentinin 16 sentyabr 1994-cü il tarixli 202 saylı fərmanı ilə Allahverdiyev Elbrus Hacı oğluna ölümündən sonra "Azərbaycanın Milli Qəhrəmanı" adına layiq görülmüşdür.

Gəncə şəhərindəki Şəhidlər xiyabanında torpağa tapşırılıb.

İstinadlar[redaktə | mənbəni redaktə et]

  1. 1,0 1,1 "Müqəddəs zirvədə. Azad Azərbaycan. 2015, 28 dekabr, s. 7". 2023-07-08 tarixində arxivləşdirilib. İstifadə tarixi: 2022-10-21.
  2. Əsgərov, Vüqar. Azərbaycanın Milli Qəhrəmanları (PDF) (az.)) (Redaktor: Kamil İsmayılov). Bakı: Qapp-poliqraf. 2005. 2019-01-09 tarixində orijinalından (PDF) arxivləşdirilib. İstifadə tarixi: 2019-03-01.

Ədəbiyyat[redaktə | mənbəni redaktə et]

Xarici keçidlər[redaktə | mənbəni redaktə et]