Eldar Həsənli
| ELDAR HƏSƏNLİ | |
| Eldar Həsən oğlu Həsənli | |
 |
|
| Doğum tarixi: | 28 aprel 1960-cı il |
|---|---|
| Doğum yeri: | Daşkənd, Göyçə |
Həsənli Eldar Həsən oğlu — şair-publisist, Azərbaycan Yazıçılar Birliyinin və Azərbaycan Jurnalistlər Birliyinin üzvü.
Mündəricat |
[redaktə] Həyatı
Həsənli Eldar Həsən oğlu, 1960-cı il aprelin 28-də Göyçə mahalının Basarkeçər rayonunun Daşkənd kəndində şair Həsən Xəyallının ailəsində anadan olmuşdur.
Burada kənd orta məktəbini bitirdikdən sonra, 1980-ci ildə Şuşa Mədəni-Maarif Texnikomuna qəbul olmuş və 1983-cü ildə təhsilni başa vurmuşdur.
Ədəbi fəaliyyətə Bərdə rayonunun "Müəllimlər evi"nin nəzdində olan poeziya dərnəyində rəhbər kimi başlamış, "Uşaq poeziyası" dərnəyinə rəhbərlik etmişdir. Eldar Həsənli Azərbaycan Aşıqlar Birliyinin Bərdə bölgəsi üzrə şöbə müdiri işləmişdir.
Ilk şeiri 1983-cü ildə "Sovet Ermənistanı" qəzetində dərc olunmuşdur. Hazırda bir çox almanaxlarda, jurnallarda, qəzetlərdə şeirləri və publisist yazıları çap oluur. Əsərləri geniş oxucu rəğbəti qazanmışdır.
"Aqilim, Sərrafım qaldı Göyçədə" (1997), "Gözlərimin yaşı qalıb o yerdə" (1998), "Göyçə mənim, qadası, Ələsgərim, Alımdır" (Bakı, "Azərbaycan" nəşriyyatı, 1999, 176 səh. 1000 tiraj), "Sən günəşin zərrəsiydin" (1999) və "Dünya mənim qəfəsimdi" (2001) kitabları çap olunub. Seçilmiş əsərlərindən və son illər qələmə aldığı şeirlərindən ibarət altıncı kitabı çapa hazırlanır.
Eldar Həsənli Azərbaycan Yazıçılar Birliyinin və Azərbaycan Jurnalistlər Birliyinin üzvüdür. Bakı şəhərində yaşayır, işləyir və ədəbi fəaliyyətini müntəzəm davam etdirir.
[redaktə] Əsərləri
- "Aqilim, sərrafım qaldı Göyçədə". 1997
- "Gözlərimin yaşı qalıb o yerdə". 1998
- "Göyçə mənim qadası, Ələsgərim, Alımdı". Bakı, "Azərbaycan" nəşriyyatl, 1999. 176 səh. 1000 tiraj.
- "Sən günəşin zərrəsiydin". 1999
- "Dünya mənim qəfəsimdi". Bakı: Azərnəşr, 2001, 160 səh.
[redaktə] Məqalələri
- “Aqil İman”, “Azadlıq və hüquq” qəzeti, №01(01), sentyabr 2004-cü il.
[redaktə] Mənbə
- Araz Yaquboğlu, Bir kökün budaqları, Bakı, "Nurlan", 2006. səh.123-136.
- Araz Yaquboğlu, Daşkənd aşıqları və şairləri, Bakı, "Nurlan", 2008.
- Füzuli Ramazanoğlu. "Bu da bir talеdir". Bakı, "Nurlan", 2009, səh.?-?.
- "Sərbəst qəzet", №03(010), 14-21 mart 2009-cu il.
