Ellen Peyc

Vikipediya, açıq ensiklopediya
Keçid et: naviqasiya, axtar
Ellen Peyc
ing. Ellen Philpotts-Page
Ellen Page at TIFF 2009 cropped.jpg
2009-cu il Toronto Beynəlxalq Kino Festivalında
Doğum tarixi: 21 fevral 1987 (1987-02-21) (27 yaş)
Doğum yeri: Qalifaks, Yeni Şotlandiya, Flag of Canada.svg Kanada
Vətəndaşlıq: Flag of Canada.svg Kanada
Peşəsi: Aktrisa
Karyera: 1997-indiyədək
IMDb: ID 0680983

Ellen Peyc (ing. Ellen Philpotts-Page; 21 fevral, 1987-ci il, Qalifaks, Yeni Şotlandiya, Kanada) — kanadalı aktrisa. Peyc "Cuno" filmində canlandırdığı xarakterə görə həm Qızıl Qlobus, həm də Oskar mükafatına layiq görülüb.

Onun 2011-cu ildə rol aldığı "Başlanğıc" filmi də karyerasında önəmli filmlərindən biri oldu. "Başlanğıc" filmi 2011-cu il Oskar mükafatının təqdimetmə mərasimində müxtəlif sahələrdə 4 Oskar mükafatına layiq görüldü və 2011-cu ildə ən çox Oskar alan iki filmdən biri oldu (digər film də 4 Oskar almışdır. Bu film "Kral danışır"dır).

Həyatı[redaktə]

Ellen Peyc 21 fevral 1987-ci ildə Kanadanın Yeni Şotlandiya əyalətindəki Qalifaks şəhərində anadan olub. "Neptun" teatr məktəbini bitirən Peycin karyerası 10 yaşında başlayır.

Karyerası[redaktə]

Onun 10 yaşında çəkildiyi "Pit Poni" telefilmi sonradan serial kimi yayımlanmağa başlayır. Bir qədər sonra Kanada televiziyasında efirə çıxan aktrisa kinodakı ilk mükafatını "Pişik-kabus" filmindəki roluna görə alır. "Bu oğlanı sev" (2003) filmindən sonra 16 yaşlı Peyc ilk dəfə "Üz-üzə" (2004) adlı Avropa filminə çəkilir. 2005-ci ildə Qalifaksdakı Şambala məktəbini bitirən Ellen Peyc "Böyük Vilbi" (2004) filmindən sonra "Nabat" (2006) trillerində baş rolu oynayır. 2006-cı ildə isə onun iştirakı ilə bir neçə film çıxır. "İks adamlar: Sonuncu döyüş" və "Amerika cinayəti" filmlərindən sonra çəkildiyi "Treysinin fraqmentləri" (2007) filmində aktrisa tərkidünya qız obrazını canlandırır. "Cuno" filmi isə ona daha böyük şöhrət gətirir. Bu filmə görə Peyc Oskar və Qızıl Qlobus mükafatlarının nominantı şərəfinə layiq görülür. 27 yaşlı aktrisa artıq 20-dən çox filmdə rol oynayıb. Onun ən diqqətəlayiq rolu "İks adamlar" filminin üçüncü hissəsində canlandırdığı Kitti Prayd xarakteri hesab olunur.

"Cuno"[redaktə]

"Cuno" filmində isə gənc aktrisa daha qabarıq bir obraz canlandırır. Aktrisa bu rola çox uyğun gəlir. Minnesota ştatında yaşayan 16 yaşlı yuxarı sinif şagirdi Cuno Makqaf təsadüfən öz sinif yoldaşından hamilə qalır. Ağlı və iti dili ilə seçilən bu qız körpəni saxlamaq və onu uşaqları olmayan bir cütlüyə övladlığa verməyi qərara alır. Uşağı övladlığa götürməyə namizədlər kifayət qədər tez ortaya çıxırlar. Cumo bir ər-arvadla tanış olur, amma üstündən bir neçə həftə keçəndən sonra məlum olur ki, uşağın gələcək atalığı öz arvadından çox yeniyetmə Cuno ilə yaxın əlaqədədir.