Elza Seyidcahan

Vikipediya, açıq ensiklopediya
Keçid et: naviqasiya, axtar
Elza Seyidcahan
Elza Seyidcahan.jpg
Ümumi məlumatlar
Doğum tarixi 7 iyul 1968 (1968-07-07) (46 yaş)
Siyəzən, Flag of Azerbaijan SSR.svg Azərbaycan SSR
Mənşə tat
Üslub caz
Peşələri bəstəkar, müğənni

Elza Seyidcahan — Azərbaycan bəstəkarı; müğənni.

Həyatı[redaktə]

I dərəcəli vokalist – Qasımova Elza (Seyidcahan) Nuru qızı 7 iyul 1968-ci ildə Siyəzən şəhərində anadan olmuşdur. 1975-ci ildə Siyəzən şəhəri 1 saylı orta məktəbə daxil olub, 1977- 1982- ci illərdə Sumqayıt şəhər 17 saylı orta məktəbdə təhsilini davam etdrib. 1982-1987-ci illərdə S.Hacıbəyov adına Orta İxtisas Musiqi məktəbinin nəzəriyyə şöbəsində, 1994-2000-ci illərdə Ü.Hacıbəyov adına Azərbaycan Dövlət Konservatoriyasının bəstəkarlıq fakültəsində professor, xalq artisti Arif Məlikovun sinfində təhsil almışdır.

2001-ci ildən R.Behbudov adına Azərbaycan Dövlət Mahnı Teatrında vokalist vəzifəsində çalışır. H.Orucovun "Durnalar qayıdanda", İ.Əfəndiyev "Sən mənim dayımsan", Ə.Əylislinin "Bağdada putyovka var", Q.Moxtarın "Uçuş", Yuğ Teatrında "Boğazca Fatma", "Nənənin nağılları" kimi teatr bir sıra televiziya tamaşalarına eləcə də H.Əliyevə həsr olunmuş "Mənim şəhərim" bədii filminə musiqilər bəstələmişdir. 2002-ci ildə Qırğızıstanda keçirilən "Issık-kul-2002" Ümumdünya Müsabiqə Festivalında I yeri tutmuş həmin ildə Türksoyun xüsusi mükafatını almışdır. 2002-ci ildə Moskvada keçirilən MDB dövlətlərarası musiqi festivalının iştirakçısı olmuşdur. 2002-ci ildə Dövlət Mahnı Teatrında caz solo konserti keçirilmişdir.

Ailə həyatı[redaktə]

Bir dəfə rəsmi ailə qurmuş, lakin sonradan boşanmışdır. Həmin evlilikdən Ələkbər[1] adlı bir oğlu, bir qızı var.[2]

Filmoqrafiya[redaktə]

  1. Bağdada putyovka var... (film, 2000)
  2. Mən sənin dayınam (film, 2001)
  3. Sevginin göz yaşları (serial, 2013)

İstinadlar[redaktə]

Mənbə[redaktə]