Eminem

Eminem
Marşall Brüs Meters III
Eminem Los Ancelesdə keçirilən DJ Hero party-də çıxış edərkən
Doğum tarixi:	17 oktyabr 1972-ci il (1972-10-17)
Doğum yeri:	Sent-Cozef, Missuri, ABŞ
IMDb:	ID 0004896
http://www.eminem.com/

III Marşall Brüs Meters ("Eminem və ya "Slim Shady" kimi tanınır; 17 oktyabr 1972, Sent-Cozef, Missuri ştatı, ABŞ) – məşhur ABŞ reperi, musiqi prodüseri, aktyor və şou-biznes xadimi.

Həyatı

Eminem uşaq ikən anası ilə birlikdə Detroyta (Miçiqan) köçmüş və hazırda da bu şəhərdə yaşayır. Dr.Drenin köməyi ilə rep səhnəsinə gələn Eminemin albomları indiyədək bütün dünyada 70 milyon nüsxədən artıq satılmışdır. Eminem The Slim Shady LP albomu ilə şöhrət qazanmış, lakin onun The Marshall Mathers LP albomu çıxdıqdan sonra müxtəlif tənqidçilər reperin lirikasını zorakılığı təbliğ etdiyinə görə tənqidə məruz qoymuşlar. 2002-ci ildə Eminemin ən çox tərifə layiq görülmüş və onun dünyada şöhrətini artırmış The Eminem Show albomu işıq üzü görmüşdür. Onun 2004-cü ildə buraxdığı Encore albomu isə əvvəlki albomlarının uğurlarını təkrarlaya bilməsə də, fanatları tərəfindən böyük rəğbətlə qarşılanmışdır. 2008-ci ildə Vibe jurnalı tərəfindən "yaşayan ən yaxşı reper" səsverməsini qazanan Eminemin növbəti albomu 2009-cu il, may ayının 19-da işıq üzü gördü və əvvəlki albomlar kimi yüksək tirajla alınmasa da ilin ən çox satılan hip-hop albomuna çevrildi. Bu albom çıxdıqdan bir qədər sonra Eminem ilin axırına kimi Relapse 2 albomunu yazacağı haqda elan versə də sonradan fikrini dəyişdi. Yeni albom 2010-cu ilin iyun ayında Recovery adı altında çıxdı. Albom cəmi iki ay ərzində 2 milyon nüsxə ilə satıldı. ^{[Mənbə göstərin]}

Eminemin iki dəfə ailə qurub, boşandığı Kim Mathersdən Hailie adında bir qızı var.

Diskoqrafiya

• 1999: "The Slim Shady LP"
• 2000: "The Marshall Mathers LP"
• 2002: "The Eminem Show"
• 2004: "Encore"
• 2009: "Relapse"
• 2010: "Recovery"
• 2011: "Bad Meets Evil (Hell: The Sequel)"

Filmoqrafiya

• 2000 "Da Hip Hop Witch" (qısa)
• 2001 "Yuyucu"
• 2002 "Səkkizinci mil"
• 2010 "Have Gun — Will Travel"

Xarici keçidlər

• Eminem rəsmi səhifəsi
• Eminem Lyrics (Mahnı sözləri)