Empati
Vikipediya, açıq ensiklopediya - ویکیپدیا ، آچیق انسایکلوپدیا
Empati, özümüzü qarşımızdakı adamın yerinə qoya bilmək qabiliyyətidir.
Empati qarşı tərəfin haqlı olduğunu qəbul etmək demək deyildir. Bu baxımdan məyus olmamaq lazımdır.
– Məni qətiyyən başa düşmürsən.
– Özünü düşünürsən.
– Özündən razısan.
Bu o deməkdir ki, siz bir-birinizə bu cür itthamları tez-tez edirsiniz , dünyaya yalnız öz pəncərənizdən baxırsınız. Təktərəfli baxışınız, dəyişiklikləri, fərqlilikləri görməyinizi əngəlləyəcəkdir.Zaman keçdikcə öz nöqteyi-nəzəriniz, görüşləriniz, seçimləriniz, zövqləriniz üçün digər insanlara təzyiq göstərməyə başlayarsınız.Bu isə hər zaman düzgün hərəkət olmaya bilər.
Empatik münasibəti inkişaf etdirməyin ən təsirli yolu həyat yoldaşınızın dünyasını çox yaxşı tanımağınızdır. Həyat yoldaşınızı və onun dünyasını yaxşı tanıyarsınızsa, empati qabiliyyətinizi daha tez inkişaf etdirə bilərsiniz. Həyat yoldaşınızın dünyasına girin, araşdırın, onun öz ürəyini sizə açmasına izin verin və öz pəncərənizi qapatmadan onun pəncərəsindən dünyanın necə göründüyünə bir baxın.
Bu işi səmimiyyətlə görərsinizsə, sizin üçün də çox şeylərin dəyişdiyini görəcəksiniz. Həyat yoldaşınızı başa düşməyə başlayanda problem kimi görünən şeylər daha anlaşılan olacaqdır. Həyat yoldaşınız sizdən fərqli bir xarakterə, ruhi aləmə və önfikirə ( ailədən, ictimai əhatə və şərtlərdən qaynaqlanan təsəvvürlər) sahibdir. Bütün bunları nəzərdən qaçırmayın və həyat yoldaşınızı dəyişdirməyə çalışmayın. Onu anladığınızı, fikirlərinə hörmət bəslədiyinizi hiss etdirin.
Xanımlar, özünüzü yoldaşınızın yerinə qoyun. İş yerində problemlər, rəhbərlər və iş yoldaşları ilə münasibətlər, min cür narahatlıqlar, daha nələr, nələr...
Hörmətli ərlər, özünüzü xanımınızın yerinə qoyun. Bütün günü istəməsəniz də sizi o qədər iş gözləyir ki! Çox nankor olan bu işləri, sanki, heç görülməmiş kimi hər gün görməlisiniz. Bundan başqa, uşaqların qətiyyən nəzərdən qaçırılmayan qayğıları, təhsili kimi ikinci plana alınmayacaq ən ağır yük də sizin çiyninizdədir. Əgər o, həm işləyir, həm də ev işləri ilə məşğul olursa, bütün bunları ikiqat, üçqat təsəvvür etmək lazım gələcəkdir.
Xanımlar və ərlər, yoldaşınız sizdən fərqli bir dünyada yetişmişdir. Ailə şəraiti, ictimai əhatə, dostlar, yoldaşlar, vərdişlər, adətlər, zövqlər, seçimlər yoldaşınızın özəl dünyasını əmələ gətirir. Evliliklə birlikdə istər-istəməz bu özəl dünyanı siz də yaşamağa başlayacaqsınız. Bütün bunlar yoldaşınızı fərqləndirən xüsusiyyətlərdir. Yoldaşınızın özünəməxsus dünyası ilə əlaqədar sizə verəcəyi bilgiləri yaxşıca dəyərləndirər ve onun yerinə özünüzü qoyaraq anlamağa çalışarsınızsa, o zaman problemləri həll edə, xoşbəxt bir həyat sürə bilərsiniz.
