Erkin Koray

Vikipediya, açıq ensiklopediya
Keçid et: naviqasiya, axtar
Erkin Koray
Erkin Koray
Erkin Koray
Ümumi məlumatlar
Mənşə Flag of Turkey.svg Türkiyə, İstanbul
Üslublar Anadolu Rock, Psychedelic Rock, Metal musiqi
Fəaliyyət illəri 1966 - indiyədək

Erkin Koray 24 iyun 1941-ci ildə Kadıköy/İstanbulda anadan olmuş Anadolu rock sənətçisidir. Estarabim, Çöpçüler, Fesuphanallah kimi çoxluğun könlünü oxşayan, Mesafeler, Yağış kimi psychedelic roka uzanan və Krallar, Əqrəbin Gözləri, Hirs kimi metal musiqi sayılabiləcək işlərə imza atıb. 1960-cı illərin sonuna doğru, sazın səsini musiqili məkanlarda daha çox eşitdirmək və rok musiqisində də istifadə edə bilmək üçün elektro sazı icad etdi.

Həyatı[redaktə]

Kiçik yaşlarda, piano müəllimi olan anası Vecihə Koray'dan piano öyrəndi, daha sonra gitara çalmağa başladı. İstanbul Alman Liseyində təhsil gördüyü 50-ci illərin ikinci yarısında, yoldaşları ilə qurduğu həvəskar birlik olan Erkin Koray ve Ritimcileri ilə dövrün aktual əsərlərini ifa etməyə başladı. 1962-ci ildə müxtəlif musiqili məkanlarda proqramlar etdiyi dövrdə aldığı bir təklif ilə bir üzündə "Bir Eylül Akşamı", digər üzündə It's So Long adlı İngilis mahnı olan ilk 45'liyini hazırladı. 1966-cı ildə Erkin Koray Dörtlüsü adlı qrupu qurur. Eyni ildə çıxan, bir üzündə "Kızları da Alın Askere", digər üzündə "Aşk Oyunu" adlı əsərlər olan 45liyi ilə böyük müvəffəqiyyət qazandı. Xüsusilə "Kızları da Alın Askere" mahnısı Erkin Koray'ın geniş kütlələr tərəfindən tanınmasında əhəmiyyətli rol oynamışdır. 1968-ci ildə Hürriyet Qazeti tərəfindən keçirilən "Qızıl Mikrofon" yarışmasına qatıldı. Bu yarışmada 4-cü olan Erkin Koray'ın yarışmadaki mahnıları "Meçhul" və "Çiçek Dağı" daha sonra bir səsyazma şirkəti tərəfindən satışa çıxarılaraq 800 min ədəd kimi böyük tiraj etdi. Qrupu ilə bir tərəfdən konsert verdi, bir tərəfdən də Klub, Bar kimi müxtəlif musiqili məkanlarda işinə davam etdi. 1977-ci ildə Erkin Koray Tutkusu adlı qrupu qurur. Erkin Koray'ın həyatı ümumiyyətlə iqtisadi çətinliklərlə keçmişdir. Etdiyi çıxışlar, son dərəcə məşhur olan işləri onu maddi baxımdan rahatlatmağa kifayət etməmişdir. Musiqini özünə həyat forması olaraq seçmiş olan Koray və dövrün bir çox xüsusi sənətçisi o vaxtlar naməlum olan müəllif hüquqları, məhdud iş imkanları, sağlam olmayan bir quruluşa sahib olan musiqi bazarı və musiqi dinləyicisinin aşağı alış gücü kimi səbəblərlə bu çətinliklərdən xilas ola bilməmişlər. Bunlardan bəziləri küsərək musiqidən əl çəkmiş və daha yaxşı maddi şərtlər əldə edə biləcəkləri işlər ilə məşğul olmuşlar. Erkin Koray müəllif hüquqları ən çox pozulmuş sənətçilərdən biri olub. Bu səbəblərə görə heç bir zaman arzu etdiyi layihələri reallaşdıracaq maddi qaynaq tapa bilməmişdir. Yenilikçi, sintezçi, experimenter bir musiqi xətti olan Erkin Koray; qeyri-adi mahnı sözləri, özünə xas vokalı , uzun saçları, xüsusi paltarları və bunun kimi daha bir çox səbəblə dövrün əsas yayım qaynağı olan Türkiyə Radio Televiziya Qurumu TRT tərəfindən xaric edilmişdir. Əsərlərinin təxminən hamısı yaxın zamanlara qədər TRT yoxlaması tərəfindən nümayiş olunmağa uyğun görülməmişdir. Bu vəziyyət Türkiyədə xüsusi yayım quruluşlarının ortaya çıxışına qədər davam etmiş və Koray'ın dinləyici kütləsinin məhdud qalmasına gətirib çıxarmışdır.

Diskoqrafiya[redaktə]

https://tr.wikipedia.org/wiki/Erkin_Koray_diskografisi

Xarici keçidlər[redaktə]