Fəraməz Maqsudov
Vikipediya, açıq ensiklopediya - ویکیپدیا ، آچیق انسایکلوپدیا
| FƏRAMƏZ MAQSUDOV | |
 |
|
| Tam Adı | Fəraməz Qəzənfər oğlu Maqsudov |
| Doğum Tarixi | 1930 |
| Doğum Yeri | Naxçıvan |
| Ölüm Tarixi | 2000 |
| Ölüm Yeri | Bakı |
|
|
|
Fəraməz Qəzənfər oğlu Maqsudov (1930-2000) - fizika-riyaziyyat elmləri doktoru, akademik, 1997-2000-ci illərdə Azərbaycan EA-nın Prezidenti.
Mündəricat |
[redaktə / تحریر] Həyatı
20 mart 1930-cu ildə Naxçıvan şəhərində anadan olmuşdur.
1954-cü ildə Dövlət Universitetinin Mexanika-Riyaziyyat fakültəsini fərqlənmə diplomu ilə bitirmişdir.
1964-1974-ci illərdə Riyaziyyat və Mexanika İnstitutunun direktor müavini olmuş, 1974-ci ildən isə direktoru olmuşdur.
1974-cü ildə fizika-riyaziyyat elmləri doktoru elmi dərəcəsini, 1976-cı ildə professor adını almışdır.
1976-cı ildə Azərbaycan EA-nın müxbir üzvü, 1980-cı ildə həqiqi üzvü seçilmişdir.
1980-1997-ci illərdə Azərbaycan EA Fizika-Riyaziyyat və Texnika elmləri bölməsinin akademik-katibi olmuşdur. 1997-ci ildə Azərbaycan EA-nın Prezidenti seçilmişdir.
Maqsudov Fəraməz Qəzənfər oğlu 2000-ci ildə vəfat etmişdir.
[redaktə / تحریر] Əsas elmi nailiyyətləri
Əməkdar elm xadimi, H.Z.Tağıyev adına mükafat laureatıdır F.Q.Maqsudov funksional analiz, diferensial tənliklər, tətbiqi riyaziyyat və mexanika sahəsində görkəmli alimdir. Tədqiqatları funksional analiz, diferensial tənliklər, tətbiqi riyaziyyat və mexanika, riyaziyyatın tarixi, riyaziyyat terminalogiyası və s. sahələrdir. Özünə qoşma olmayan kəsilməz spektrli mücərrəd operatorlar dəstəsinin spektral nəzəriyyəsini işləmiş, ümumiləşmiş məxsusi və qoşulmuş elementlərə görə çoxqat ayrılış düsturunu almış, bir sıra fizika tənliyi üçün düz və tərs spektral məsələnin həllini vermiş, baş hissəsi ixtiyari spektr olan xüsusi törəməli diferensial tənliklər üçün qarışıq məsələlərin həllinə Furye üsulunun tətbiqini əsaslandırmışdır. Maqsudov 5 müəlliflik şəhadətnaməsi və iki patent almışdır. XTNS-nin bürünc (1975) və gümüş (1978) medalı ilə mükafatlandırılmışdır. 1986-cı ildə yüksək ixtisaslı kadrlar hazırladığına və elmdə böyük nailiyyətlərinə görə "Xalqlar dostluğu" ordeni ilə təltif olunmuşdur.
F.Q.Maqsudov 200-ə yaxın elmi əsərin, 11 monoqrafiyanın müəllifidir.
