Fərid Məmmədov

Vikipediya, açıq ensiklopediya
Keçid et: naviqasiya, axtar
Fərid Məmmədov
2013 Avroviziya Mahnı Müsabiqəsindəki çıxışı zamanı
Ümumi məlumatlar
Doğum tarixi 30 avqust 1991 (1991-08-30) (23 yaş)
Flag of Azerbaijan.svg Azərbaycan, Bakı
Vətəndaşlıq Flag of Azerbaijan.svg Azərbaycan
Mənşə Azərbaycanlı
Üslublar Folklor, pop
Peşələri Müğənni, idmançı

Fərid Asif oğlu Məmmədov (30 avqust 1991, Bakı, Azərbaycan) — azərbaycanlı pop/folk ifaçısı, "Bülbüllər" ansamblının solisti, Azərbaycanın əməkdar artisti Aybəniz Haşımovanın tələbəsi.[1] Avroviziya 2013 mahnı yarışmasında Azərbaycanı "Hold Me" mahnısı ilə təmsil edərək[2] ikinci yeri qazanmışdır.

Həyatı[redaktə]

Fərid Məmmədov 30 avqust 1991-ci ildə Bakı şəhərində anadan olub. Anası yüngül atletika üzrə dünya çempionu Maya Məmmədovadır.[3] Orta təhsilini İlyas Əfəndiyev adına Elitar gimnaziyada alıb (2009-cu il məzunu). İlk musiqi təhsilini Rəşid Behbudov adına 2 nömrəli musiqi məktəbində fortepiano şöbəsində alan Fərid artıq uşaq yaşlarından musiqiyə bağlanıb, məktəbdə keçirilən bütün tədbirlərdə həm pianoçu, həm də estrada mahnılarının ifaçısı kimi iştirak edib[4]. Eyni zamanda uşaq yaşlarında kapoeyra ilə məşğul olub. Azərbaycan Dövlət Mədəniyyət və İncəsənət Universitetində 4-cü kursda təhsil alır.

Yaradıcılığı[redaktə]

Fərid Məmmədov 2003-cü ildə Ukraynada keçirilən “Slavyan bazarı” müsabiqəsinin qalibi olaraq, qızıl medalla ölkəmizə dönüb.Fərid bir çox beynəlxalq festivalların diplomantıdır. 1997-ci lidən bugünə qədər bir neçə ölkədə keçirilən konsertlərdə solo ifa göstərib. 2000-ci ildə Rəşid Behbudovun Qızıl kitabına düşüb. 2012-ci il dekabr ayında Azərbaycan Gənclər və İdman Nazirliyinin Bişkekdə təşkil etdiyi tədbirdə ADMİU-nun uğurla təmsil edib. Azərbaycan Dövlət Xalq Çalğı Alətləri orkestri ilə “Bülbüllər” qrupunun tərkibində ifa etdiyi mahnılar Azərbaycan Dövlət Radiosunun qızıl fonduna daxil olub[5].

Kiçik yaşlarından Aybəniz Haşımovanın tələbəsidir və "Bülbüllər" ansamblının solistidir. 14 mart 2013-cü ildə keçirilən Azərbaycan 2013 Avroviziya Mahnı Müsabiqəsinin" milli seçim turunun qalibi olmuş və Azərbaycanı Avroviziya 2013 mahnı müsabiqəsində təmsil etmək hüququ qazanmışdır. Müsabiqədə Dimitrios Kontopulosun bəstələdiyi "Hold me" mahnısıyla çıxış etmiş və 2-ci yeri tutmuşdur.[6]

Mahnıları[redaktə]

  • Gəl yanıma (2012)
  • İnan (2013)
  • Hold me (2013)

İstinadlar[redaktə]

  1. Aybəniz Haşımova tələbəsi üçün dua edir
  2. «Azerbaijan:Farid Mammadov will fly the Azerbaijani flag in Malmö»
  3. Eurovision-2013" təmsilçimiz dünya çempionunun oğlu imiş
  4. İncəsənət Universitetinin tələbəsi dünyanın diqqət mərkəzində
  5. İncəsənət Universitetinin tələbəsi dünyanın diqqət mərkəzində
  6. It's Farid Mammadov for Azerbaijan, eurovision.tv

Xarici keçidlər[redaktə]

Əvvəlki:
When the Music Dies mahnısı ilə
Səbinə Babayeva
Azərbaycan Avroviziya Mahnı Müsabiqəsində
2013
Sonrakı:
Start a Fire mahnısı ilə
Dilarə Kazımova