Fəxrəddin Təhməzov

Fəxrəddin Təhməzov Fəxrəddin Ayət oğlu Təhməzov
Azərbaycan Respublikasının Milli Təhlükəsizlik naziri
1992 — 1993
Təvəllüdü:	10 yanvar 1951-ci il (1951-01-10) Salyan rayonu, Qaraçala qəsəbəsi

Fəxrəddin Təhməzov - Azərbaycan Respublikasının Milli Təhlükəsizlik naziri (1992-1993)

Həyatı

Fəxrəddin Ayət oğlu Təhməzov 1951-ci il yanvar ayının 10-da Səlyan rayonunun Qaraçala qəsəbəsində müəllim ailəsində anadan olmuşdur.

1968-ci ildə Əli-Bayramlı şəhərində orta məktəbi, 1973-cü ildə Mirzə Fətəli Axundov adına "Azərbaycan Pedaqoji Rus Dili və Ədəbiyyat" institutunu bitirdikdən sonra bir müddət Əli-Bayramlı şəhərində orta məktəbdə müəllim işləmişdir.

Həqiqi hərbi xidmətə çağırılan F.Təhməzov 1975-ci ildə xidmətini başa vuraraq pedaqoji fəaliyyətini davam etdirmişdir.

1975-1977-ci illərdə SSRİ DTK-nın F.E.Dzerjinski adına Ali Məktəbində təhsil almış, məktəbi bitirdikdən sonra 1977-ci ilin avqust ayından 1990-cı ilin iyun ayına qədər Azərbaycan Respublikasının DTK-nın mərkəzi aparatında kiçik əməliyyat müvəkkili, əməliyyat müvəkkili, baş əməliyyat müvəkkili, bölmə rəisinin müavini, bölmə rəisi vəzifələrində fəaliyyət göstərmişdir.

1990-cı ilin iyun ayından 1991-ci ilin dekabr ayına qədər MTN (1991-ci ilin noyabrına qədər DTK) Gəncə şəhər və dəmir yol stansiyası şöbəsinin rəis müavini, 1992-ci ilin yanvar ayından Azərbaycan Respublikasının MTN Bakı şəhər üzrə İdarəsində şöbə rəisi vəzifələrində çalışmışdır.

F.Təhməzov 1992-ci ilin may ayının 16-da milli təhlükəsizlik naziri vəzifəsinə təyin olunmuş və həmin ayın 23-də general-mayor rütbəsi almışdır.

F.Təhməzov 1993-cü ilin iyununda tutduğu vəzifədən azad edilmişdir. Həmin ildə baş vermiş Gəncə qiyamının yatırılmasında iştirakına görə qısa müddətli həbs cəzası almışdır.

Mənbə

• Təhməzov Fəxrəddin Ayət oğlu: 1992 may -1993 iyun