FINCA International

Vikipediya, açıq ensiklopediya
Keçid et: naviqasiya, axtar
FINCA International

"FINCA International" (ing. Foundation for International Community Assistance) — kredit təşkilatı

Tarixçə[redaktə]

Əsası 1984-cü ildə qoyulmuşdur. FINCA mikro kreditlərin əsas forması olan “Kənd bankçılığı metodu” və bütünlükdə mikromaliyyə sahəsindəki liderliyi ilə tanınır.

Azərbaycanın Mərkəzi Bankı tərəfindən verilmiş məhdud lisenziya əsasında fəaliyyət göstərən "FINCA Azerbaijan" bütün Azərbaycanda müştərilərə biznes kreditləri təklif edən qeyri-bank kredit təşkilatıdır. "FINCA Azerbaijan" dünyanın 22 ölkəsində fəaliyyət göstərən mikro-maliyyə qurumu olan "FINCA International" şəbəkəsinin bir qoludur.

"FINCA Azerbaijan" 1998-ci ildə Amerika Birləşmiş Ştatlarının Beynəlxalq İnkişaf Agentliyinin (USAİD) dəstəyi ilə yaradılmışdır. Həmin vaxtdan bəri “FINCA Azerbaijan” təşkilatı böyüyərək 150,000 nəfərdən çox aktiv müştərisi ilə Azərbaycanın 60-dan çox bölgəsində xidmət göstərən aparıcı qeyri-bank kredit təşkilatına çevrilmişdir.

Missiya – biz niyə varıq[redaktə]

FINCA’nın missiyası insanların şəxsi işlərini qurmağa, yeni iş yerləri yaratmağa və insanların həyat standartlarını yüksəltməyə köməklik edəcək davamlı həll yolları təmin etməklə yoxsulluğu azaltmaqdır.

Baxış – biz nəyə nail olmaq istəyirik:

FINCA’nın baxışı dünya miqyasında insanların yaşayışını yaxşılaşdıracaq dayanıqlı və inkişaf edən ictimai müəssisələrin qlobal şəbəkəsini yaratmaqdan ibarətdir.