Fazil Mustafa

Fazil Mustafa
Mustafayev Fazil Qəzənfər oğlu
İlk adı:	Fazil Mustafayev
Doğum tarixi:	15 oktyabr 1965-ci il (1965-10-15)
Doğum yeri:	Naxçıvan, Azərbaycan SSR
Atası:	Qəzənfər Mustafayev
Təhsili:	Bakı Dövlət Universiteti

Fazil Mustafa (həmçinin əvvəllər Fazil Qəzənfəroğlu kimi tanınmışdır, d. 15 oktyabr 1965) — 3-4-cü çağırış Azərbaycan Respublikası Milli Məclisinin deputatı (2005-2010, 2010-2015).

Həyatı

1991-ci ildə Bakı Dövlət Universitetinin hüquq fakültəsini bitirib. Dağlıq Qarabağın erməni iddiasına qarşı xalq hərəkatında fəal iştirak edib, müxtəlif dövrlərdə AXC sədrinin müşaviri, sədrin müavini olub.

1992-1993-cü illərdə Prezident Aparatı dövlət-hüquq şöbəsinin müdiri vəzifəsində işləyib. 1995-1998-ci illərdə Türkiyədə Ə.Elçibəyin özəl təmsilçisi olub. 2001-2003-cü illərdə Azərbaycan Silahlı Qüvvələrində zabit kimi hərbi xidmət keçib.

2003-cü ildə yaradılmış Böyük Quruluş Partiyasının başqanı seçilib. 2005-ci ildə Azərbaycan Respublikası Milli Məclisinin deputatı seçilib. Parlamentin İnsan Hüquqları Komitəsinin və Avropa Şurası Parlament Assambleyasında Azərbaycan milli nümayəndə heyətinin üzvüdür.

Fəlsəfə elmləri namizədidir. 12 kitabın müəllifidir.

Ailəlidir, 2 övladı var.

Kitabları

• "Əbülfəz Elçibəy. Tarixdən gələcəyə", İstanbul, 1995.