Almaniyanın cənub-qərbində yerləşən Frayburq im Breisqau Baden-Vürtemberq əyalətinin dördüncü böyük şəhəridir. Alman dilindən tərcümədə "frei" azad, "burg" isə qurulan, işlənən mənasındadır. Qara meşənin qərbindən, Ren ovalığına kimi yerləşən Frayburq, ilıq iqlimi ilə məşhurdur və Almaniyanın ən isti bölgəsidir. "Üç ölkə üçbucağında" (alm. Dreiländereck) olan şəhər, İsveçrənin sərhəddindən 60 km və Fransanın sərhəddindən 25 km uzaqlıqda yerləşir. Əhalisinin təxminən 85%'i fransızca danışır və əhalinin əsas hissəsi katolikdir.
1091-ci ildə Zähringerler bir qala tikdilər. Bu qaladan başlayaraq inkişaf edən qəsəbəyə 1120-ci ildə şəhər statusu verildi. Ondan sonra müxtəlif sülalələrin nəzarətində olan Frayburq, 1386-cı ildə Habsburgluların əlinə keçdi. Orta əsrlərdə şəhərin varlı olmasına səbəb Qara meşədə mövcud olan gümüş mədənləri idi. 1457-ci ildə şəhərdə bir universitet tikildi.
Otuz il müharibəsində böyük zərərə uğrayan Frayburq, 1648-ci ildə Avstriyanın qərb əyalətinin paytaxtı oldu. Amma 1713-cü ilə qədər bir neçə dəfə Fransa tərəfindən işğal edildi. 1805-ci ildə Frayburq, Baden krallığı tərəfindən ələ keçirildi. 1940-cı ildə Frayburqda qalan yəhudilər, cənubi Fransadakı Gurs çadır şəhərciyinə və oradan da Şərqi Avropadakı "məhv etmə şəhərciklərinə" göndərilərək öldürüldülər. 1944-cü ildə Royal Air Force şəhəri bombaladı və nəticədə 2.700 sakin həyatını itirdi.
Mədəniyyət və təhsil [redaktə]
1457-ci ildə qurulan Freiburg Albert-Ludwigs universiteti, Almaniyanın ən qədim universitetlərindən biridir. Təxminən 20.000 tələbə, müxtəlif fakültələrə sahib Frayburq universitetində təhsil alırlar.
Xarici keçidlər [redaktə]
Almaniya
